અમરેલી, તા.૧૮ જૂન,૨૦૧૧ અમરેલી જિલ્લાના બગસરા તાલુકાની ગોકુળપરા અને હુડકો પ્રાથમિક શાળા-બગસરા, ખીજડીયા, હુલરિયા, નવી હળિયાદ, નવા પીપરીયા, હામાપુર પ્લોટ પ્રાથમિક શાળાઓમાં મધ્યાહન ભોજન યોજના કેન્દ્રમાં સંચાલકની નિમણૂંક કરવાની હોય ફકત મહિલા ઉમેદવારો પાસેથી નિયત નમુનામાં અરજીઓ મંગાવવામાં આવે છે.
નિયત અરજી ફોર્મ નાયબ કલેકટર મધ્યાહન ભોજન યોજના કચેરી-અમરેલી અથવા મામલતદાર કચેરી-બગસરા ખાતેથી નિયત ફી ભર્યેથી મેળવી શકાશે. આ નિયત અરજી તા.૨૯/૦૬/૨૦૧૧ના રોજ ૧૫.૦૦ કલાક સુધીમાં મામલતદાર કચેરી-બગસરાને પહોંચતી કરવાની રહેશે. આ નિમણૂંક માટે ધોરણ ૧૦ પાસ લાયક ઉમેદવારની આવશ્યકતા છે. પરંતુ જે-તે ગામમાંથી આવી વ્યકિત ન મળે તો ધોરણ ૭ પાસ મહિલા ઉમેદવારને તક આપવામાં આવશે. જાહેરનામાની તારીખે, તમામ જાતિના ઉમેદવારની ઉંમર ઓછામાં ઓછી ૨૦ વર્ષ હોવી જોઇએ. નિયત નમૂનાની અરજી, લાયકાત, વય મર્યાદા ધરાવનાર અને સરકારશ્રી દ્વારા ઠરાવેલ ધોરણો ધરાવતાં ઉમેદવારોને જ રૂબરૂમાં બોલાવવામાં આવશે. ઉમેદવારની પસંદગી અર્થે રૂબરૂ મુલાકાત દરમ્યાન ઉમેદવારે વિશેષ વિગતો રજૂ કરવાની રહેશે. માત્ર રૂબરૂ મુલાકાત માટે બોલાવવાથી કોઇ ઉમેદવાર આ જગ્યા નિમણૂંક મેળવવા હકદાર બની જતાં નથી, તેમ મામલતદાર-બગસરાની યાદીમાં જણાવાયું છે.
ટિપ્પણીઓ નથી:
ટિપ્પણી પોસ્ટ કરો