જેતપુર તાલુકા પંચાયતની બેઠક માટે ભાજપના ૩૯-કોંગ્રેસના ૩૮ સહીત ૯૩ ઉમેદવારોએ ભરેલા ફોર્મ્સની હવે ૧૪મીએ ચકાસણી....

જેતપુર તાલુકા પંચાયતની બેઠક માટે

ભાજપના ૩૯-કોંગ્રેસના ૩૮ સહીત ૯૩ ઉમેદવારોએ

ભરેલા ફોર્મ્સની હવે ૧૪મીએ ચકાસણી....

જેતપુર તા.૧૦

જેતપુર તાલુકા પંચાયતની ૨૦ બેઠકોની આગામી ૨૯ મીએ યોજાનાર ચુંટણી માટે ઉમેદવારી નોંધાવવાના આજે છેલ્લા દિવસે ભાજપમાં વધુ ૧૯ ઉમેવારોએ ફોર્મ ભરતા કુલ ૩૯ ઉમેદવારો, કોંગ્રેસમાં આજે વધુ ૧૮ ઉમેદવારોએ ઝુન્કાવતા ૩૮ ઉમેદવારોએ ફોર્મ ભર્યા હતા.

 

અ સિવાય ૧૩ અપક્ષ અને ૩ બસપાના ઉમેદવારોએ ફોર્મ ભરતા હાલ કુલ ૯૩ ઉમેદવારોએ પોત પોતાનું રીતસરનું નશીબ અજમાવવા જેતપુર તાલુકા પંચાયતની ચુંટણીમાં ઝુંકાવ્યું છે.

 

આ તમામ ઉમેદવારી ફોર્મ્સ આગામી ૧૪ મી નવેમ્બરે ચકાસાશે. ૧૬ મી તારીખે ફોર્મ પાછા ખેંચવાનું જાહેર થયું છે. ૨૯ મીએ ચુંટણી અને ૨ જી ડિસેમ્બરે મત ગણના હોવાનું સ્થાનિક મામલતદાર સુત્રો અને તાલુકા પંચાયત સુત્રોએ જણાવ્યું હતું.

 

અત્ર્રે એ નોંધનીય છે કે જેતપુર તાલુકા પંચાયતની ચુંટણી સંસદ કે ધારાસભાની હોય તેવું વાતાવરણ ઉમેદવારો અને સમર્થકોએ અહી ખડું કર્યું છે. અહી દરેક ઉમેદવાર હરીફને ભરી પીવા પોતાનાથી બનતા ચોકઠાં ગોઠવી રહ્યા છે. અસદભાઈ બાબી જેવા અનુભવી રાજકીય આગેવાનો કહે છે કે બિહારવાળી જેતપુર તાલુકા પંચાયતની બેઠકોમાં કરવા કોગીજનો મેદાને પડ્યા છે.

 

તો અનામત માંગણી સ્વીકારવાને બદલે સરકારે પાટીદાર નેતા સામે રાષ્ટ્ર-અને રાજદ્રોહના પોલીસ કેઈસો નોંધી તેમને જેલના સળિયા પાછળ ધકેલી દેવાની વાતથી ભારે રોષે ભરાયેલા લોકો કમળને ખીલતા પહેલાજ મૂરઝાવી દેવાના તનતોડ પ્રયાસો કરી રહ્યા છે.

 

જો કે જેતપુર તાલુકા પંચાયતની ૨૦ બેઠકો પર ખરેખર કોની કોની વચ્ચે સીધો ચુંટણી જંગ ખેલાશે તે ૧૬ મી નવેમ્બર પછી ચિત્ર સ્પષ્ટ થશે.

 

કશ્યપ જે. જોશી જેતપુર ૯૯૭૪૨૬૨૮૧૨  

સાડી નગરી જેતપુરના પ્રજાજનોમાં દીપોત્સવી પર્વને ઉજવવા થનગનાટ

સાડી નગરી જેતપુરના પ્રજાજનોમાં  

દીપોત્સવી પર્વને ઉજવવા થનગનાટ 

જેતપુર તા.૧૦ (કશ્યપ જોશી દ્વારા)

                                   દેશ વિદેશમાં સાડી ઉદ્યોગથી પ્રચલિત જેતપુર શહેરના પ્રજાજનોએ ધન તેરસની ઉજવણી કર્યા બાદ આજે દીપોત્સવી પર્વને ઉજવવા ભારે થનગની રહ્યા છે. સ્થાનિક ઉદ્યોગપતિઓ પોતપોતાની રીતે ધામધુમથી દિવાળી ઉજવશે. જયારે મધ્યમવર્ગ શ્રીમંત વર્ગની ઉજવાતી દિવાળીને નિહાળીને જ દિવાળી ઉજવે છે.

                                   અમુક કારખાનેદારોએ ત્યાં સુધી કહ્યું કે મેટ્રો સીટીમાં ફૂટતા ફટાકડા જેતપુરમાં પણ ફૂટે છે. આવા આકર્ષણ જગાવતા ફટાકડા લેવા લોકો ફટાકડાની દુકાનોમાં ફરતા હોય છે, પણ અહી મળતા નથી. ઘણા ફટાકડા અન્ય રાજ્યોના શહેરોમાંથી મંગાવાતા  હોવાનું સાંભળવા મળ્યું છે.

                                    અહીના મજુર વર્ગનું કહેવું છે કે જેતપુર શહેર જેવી અને જેટલી રોજગારી કોઈ શહેરમાં નથી. અહી રોજમદાર વર્ગે મજુરીના પૈસા માટે કોઈ દિવસ હેરાન થવું પડ્યું નથી. દુર દુરના રાજ્યોમાંથી અહી રોજગારી મેળવવા સૌ આવી રહ્યા છે. જેતપુરના ઉધોગપતિઓએ હમેંશા મજુરવર્ગની માંગણી મુજબ સાડી છાપકામની મજુરી ગોઠવી હોય, અહી કોઈ મજુરો સાથે ઉદ્યોગપતિઓને ઘર્ષણનો કોઈ પ્રશ્ન 

                                    અહી મોટે ભાગે પરપ્રાંતીય વર્ગ સાડી કારખાનાઓમાં મજુરીમાં જોડાયો હોય, તમામ મજુરો આજથી અહીના ઉદ્યોગમાં પડેલા મીની વેકેશનને લીધે પોત પોતાના રાજ્યો તરફ જવા રવાના થઇ ગયા છે. તો અમુક આગામી દિવસોમાં યોજાનાર જૂનાગઢની પરિક્રમાનો લાભ લેવા રોકાયા છે.

                    ઉદ્યોગપતિ મહિલા વર્ગમાંથી એવું જાણવા મળ્યું છે કે આજે કાળી ચૌદશની મોડી રાત્રી સુધી પોત પોતાના આલીશાન બંગલા, મકાનોના પ્રાંગણમાં ભાતભાતની રંગોળીઓમાં અનેકવિધ કલરો પુરવા પરિવારજનો જાગશે. 

 વેપારી વર્ગ કહે છે કે છેલ્લા ત્રણ દિવસો દરમિયાન જ દિવાળીની ઉજવણી માટે શહેર અને તાલુકાના પ્રજાજનોએ અહીની દરેક બજારમાં ખરીદી માટે એવી ભીડ સર્જી કે પ્રવર્તમાન મંદી દીપોત્સવીની ઉજવણીમાં ઉડી ગઈ છે !!

કશ્યપ જે. જોશી જેતપુર