જેતપુરના બોરડી સમઢીયાળા ગામના ભરવાડે
જમીનમાં દાટેલી વિદેશી શરાબની
96 બોટલ પકડી પાડી તા.પોલીસ
જેતપુર તા.23
જેતપુર તાલુકાના બોરડી સમઢીયાળા ગામના એક ભરવાડ યુવાને પોતાના ગામની સીમમાં સંતાડેલ વિદેશી શરાબની 96
બોટલ પોલીસે પકડી લઇ સુત્રધ્ધારની શોધખોળ આદરી છે.
મળતી વિગતો જેતપુર પોલીસના જમાદાર મજનુંભાઈ મનાત સહિતના સ્ટાફને બાતમી મળી હતી કે, તાલુકાના બોરડી સમઢીયાળાના ભરવાડ યુવાન સંગ્રામ મંગાએ ગામની સીમમાં કિરીટ પટેલની વાડી નજીકના વોંકળાંમાં વિલાયતી શરાબની બોટલો સંતાડી છે.
દરમિયાન પોલીસે બાતમી વાળી જગ્યાએ તપાસ હાથ ધરતા પોલીસને રૂપિયા 28,800 કિમતની 96 બોટલ વિદેશી શરાબ મળી આવ્યો હતો. પોલીસે આ બોટલો કબજે કરી આ જથ્થાના સુત્રદ્ધાર સંગ્રામની ધરપકડની કવાયત આદરી છે.
જેતલસર જં.ની યુવતી અને અમરનગરના માતા-પુત્રી ભેદી સંજોગોમાં ગુમ
જેતપુર તા.23
જેતપુર તાલુકા પોલીસ દફતરે આજે જેતલસર જંકશનની એક યુવતી અને અમરનગરની એક વિધવા માતા પોતાની પુત્રી સાથે ગુમ થયાની જાહેરાત કરાતા પોલીસે તપાસ હાથ ધરી છે.
મળતી વિગતો મુજબ જેતપુર તાલુકાના જેતલસર જંકશનના પોપટપરામાં રહેતા નવનીતભાઈ શામજીભાઈ ભડલીયાએ પોતાની 20 વર્ષની દીકરી આરતી ગત તા. 20 ના રોજ પોતાના ઘરેથી રાત્રીના નીકળી ગયા પછી પરત ફરી નથી. જ્યારે તાલુકાના અમરનગર ગામે રહેતા વિધવા મહિલા રમાબેન મુકેશભાઈ સોલંકી તેમની પુત્રી 2 વર્ષની પુત્રી જ્યોતિ સાથે તા.20 ના રોજ કોઈને જાંણ કર્યા વગર ઘરેથી નીકળી ગયાની પણ જાહેરાત કરાતા પોલીસે બંને બનાવોની તપાસ હાથ ધરી છે.
કશ્યપ જે. જોશી જેતપુર 99742 62812
