અંકુર વિદ્યાલય કશ્યપ જોશી જેતપુર જેતલસર

​કશ્યપ જોશી જેતપુર જેતલસર 

જે શાળામાં શિક્ષકોને બેસવા ખુરશી નથી અપાતી તે... જેતપુરની અંકુર શાળાના વિદ્યાર્થીઓની કૃતિ જીલ્લા કક્ષાના વિજ્ઞાન મેળામાં ઝળકી

જે શાળામાં શિક્ષકોને બેસવા ખુરશી નથી અપાતી તે...

જેતપુરની અંકુર શાળાના વિદ્યાર્થીઓની 

કૃતિ જીલ્લા કક્ષાના વિજ્ઞાન મેળામાં ઝળકી

જેતપુર તા.૩ (કશ્યપ જોશી દ્વારા)

      જેતપુર શહેરમાં હમેંશા કૈક અનોખું સાહસ, રીત, રસમ અને કાર્યપ્રણાલિકાના શુભારંભમાં માનતી અંકુર શાળાના વિદ્યાર્થીઓ પણ ''મોરના ઈંડા ચીતરવા ના પડે'' તેવી કહાવત ચરિતાર્થ કરવામાં સતત વ્યસ્ત હોવાનું સમયાંતરે જાણવા, માણવા અને સાંભળવા મળે છે.

      શાળામાં ટેબલ ખુરશી હોય તો શિક્ષકો ભણાવવાને બદલે બેસે કે ઊંઘે વધુ ! અને વાતોના ગપ્પા પણ મારે એ લટકાના ! શાયદ આવીજ વાતોને નજરકેદ કરીને પોતાની શાળામાં શિક્ષકો માટે ખુરશીને(આ શાળામાં શિક્ષકો  માટે બેસવા ખુરશી નથી રખાઈ !!) પ્રાધાન્ય આપવાને બદલે શિક્ષણ ઉપર મહત્તમ ધ્યાન આપનાર શાળા સંચાલકો હર્ષદભાઈ મહેતા, ભદ્રેશભાઈ મહેતા, જતીનભાઈ અને શાળાના ગુરુજીઓ વિગેરે દ્વ્રારા પોતાના વિદ્યાર્થી ભાઈ બહેનોને વિવિધ શૈક્ષણિક પ્રવુંત્તિઓમાં પણ એટલાજ તૈયાર કરી રહ્યા છે. આંતર, જીલ્લા કે રાજ્ય કક્ષાની કોઈ પણ સ્પર્ધાઓ હોય, અંકુરના છાત્રોએ તેમાં ઝુંકાવ્યું જ હોય ! 

      આ વાતને સાબીત કરવા તાજેતરમાજ  યોજાયેલ રાજકોટ જીલ્લા કક્ષાના વિજ્ઞાનમેળાના વિભાગ નંબર-૫ માં શાળાના મદદનીશ શિક્ષક સુભાષભાઈ અમીપરાના માર્ગદર્શન હેઠળ ધોરણ ૧૦ ના બે વિદ્યાર્થીઓ હેમલ બુમતરીયા અને દીપેન વેકરીયાએ હાઈડ્રોલિક સીસ્ટમ આધારિત ત્રણ વર્કિંગ મોડેલ્સ કૃતિઓ રજુ કરી હતી. 

      જેમની એક કૃતિ પાણીના દબાણથી જેસીબી કાર્યરત થઇ શકે તે હતી. બીજી કૃતિ રેલ્વેમાં મુસાફરી કરતા લોકો માટે હાઈડ્રોલિક શીટ કે જેના પર બેસનાર પેસેન્જરની ટીકીટ ચેકર ઓળખ કરી શકે અને ત્રીજી કૃતિ પાણીના દબાણથી કોઈ પણ નાનામોટા વાહનમાં બ્રેક લગાવી શકાય તે વાત રજુ કરતી કૃતિ હતી.

     આ ત્રણેય કૃતિઓ નિહાળનાર શૈક્ષણિક વર્તુળો દંગ થઇ ગયા હતા. આ તકે વિજ્ઞાન મેળાના આયોજક ગણે  કૃતિનું મહત્વ સમજાવતા બંને વિદ્યાર્થીઓની પીઠ થાબડી,અને માર્ગદર્શક શિક્ષક સુભાષ અમીપરાની જહેમતને બિરદાવી,  અભિનંદન પાઠવી કૃતિને પ્રથમ નંબર આપતા જેતપુર શહેર અને શાળાનું ગૌરવ વધ્યું હોવાનું શાળા સંચાલકોએ જણાવ્યું હતું.

ફોટો અને સમાચાર : કશ્યપ જે.જોશી જેતલસર જેતપુર