આજનો વિચાર :

આજનો વિચાર : તુમ જો બિછડે હો જલ્દબાઝી મેં, યાર તુમ રૂઠ ભી તો સકતે થે... - મેહસર અફરીદી

આજનો વિચાર : લગ્નમાં છોકરીવાળા વધુ ડાન્સ કરે તો સમજી લેવાનું કે એના ઘરની માથાકૂટ હવે તમારા ઘરે આવી રહી છે.. અને છોકરાવાળા જોરશોરથી ડાન્સ કરતા દેખાય તો માની લેવાનું કે ભાઈનું માંડમાંડ ગોઠવાણું છે...  - વૉટ્સએપ પર વાંચેલું

આજનો વિચાર : જત જણાવવાનું તને કે છે અજબ વાતાવરણ, એક ક્ષણ તું હોય છે ને એક ક્ષણ તારું સ્મરણ.. - રાજેન્દ્ર શુક્લ

આજનો વિચાર : ખબર નથી પડતી કે કેમ અન્યોને ગમે છે એ, લખાતું હોય છે જે કંઈ ફકત એકાદ જણ માટે... - ડૉ. મુકુલ ચોક્સી

આજનો વિચાર : ઘર તો હતાં અનેક ને ઝાંપા હતા અનેક, તોય આશરાના આપણે ફાંફાં હતા અનેક, એકાદ ડગની દૂર પણ કપી શકાઈ નૈં, એકાદ ડગના માર્ગમાં ફાંટા હતા અનેક... — અનિલ ચાવડા

આજનો વિચાર : દરેક માણસ એની જીભની પાછળ છુપાયેલો હોય છે. જો એને સમજવો હોય તો એને બોલવા દો... - વૉટ્સઍપ પર વાંચેલુ

આજનો વિચાર : ખાઈ પીને ન્હાઈને કવિતા નથી બનતી, એ દોસ્ત.. લોહી વહે ત્યારે જ કાગળ વચ્ચે ધરવો જોઈએ... - ડૉ. મુકુલ ચોક્સી

એક મિનિટ : બકો : આ વૉટ્સઍપમાં જરૂર જાતજાતનાં વિટામિનો હોવાં જોઈએ.. પકો : કેમ એવું લાગે છે તને..?? બકો : જો તે, એક દિવસ વૉટ્સઍપ ન વાપરીએ તો આખો દિવસ કમજોરી લાગે છે, સુસ્તી જેવું લાગે છે...

એક મિનિટ :  જ્યોતિષ : બકા, તારી કુંડળીમાં અઢળક ધન છે.. બકો : એ બધું ઠીક પણ મહારાજ, એ કહો કે આ ધન કુંડળીમાંથી મારા બૅન્ક અકાઉન્ટમાં ક્યારે ટ્રાન્સફર થશે..??

એક મિનિટ : બકાની વાઈફ : હું આજે સાંજે કંઈ રસોઈ બનાવવાની નથી, થાકી ગઈ છું. થાકી.. બકો : હા, હોં, ન બનાવતી... અમેય થાકી ગયા છીએ...

કાગળ પરના દીવા : અંદર અંદર સળવળતી એક ઘટનાથી શરૂઆત કરું તો તમને એમાં વાંધો છે કંઈ..?? ઠરી ગયેલી ફૂંક ફરી પેટાવી ઝંઝાવાત કરું તો તમને એમાં વાંધો છે કંઈ..?? - સંજુ વાળા

સાયલન્સ પ્લીઝ : આપણે જે છીએ તે જ બની રહેવાની હિંમત રાખવી જોઈએ...  ભલે પછી એમાં આપણને ડર લાગતો હોય કે બીજાઓને આપણે વિચિત્ર લાગતા હોઈએ... – અજ્ઞાત

પાન બનાર્સવાલા : ઘણી વખત આપણી સહમતી કે અસહમતીનું એકમાત્ર કારણ ગેરસમજણ હોય છે... – વોટ્સએપ પર વાંચેલું

પાન બનાર્સવાલા : જિંદગીમાં સમયનું બહુ મહત્વ છે એવું નથી, જિંદગીમાં સમયનું જ મહત્વ છે... - અજ્ઞાત

 — સૌરભ શાહ

રાજકોટ: ફોરેન ટ્રેડ ડેવલપમેન્ટ ઓફિસર 4 હજારની લાંચ લેતા ઝડપાયો

 રાજકોટ: ફોરેન ટ્રેડની કચેરીનો ફોરેન ટ્રેડ ડેવલપમેન્ટ ઓફિસર લીલાધર કેશવભાઇ શ્રીવાસ્તવ રૂ. 4 હજારની લાંચ લેવાના આરોપસરના છટકામાં સપડાયો હતો. આ અંગે એક્સપોર્ટનો ધંધો કરતાં આસામીએ તેના ફોરેન ટ્રેડ લાયસન્સમાં પાન નંબર ખોટો લખાવેલ હોય તે સુધારી આપવા માટે અરજી કરી હતી. આ અરજીના સંદર્ભમાં તાત્કાલીક પાન નંબર સુધારી આપવા માટે ફોરેન ટ્રેડ ડેવલોપમેન્ટ ઓફિસર લીલાધર કેશવભાઇ શ્રીવાસ્તવે રૂ. છ હજારની લાંચની માગણી કરી હતી. જે પૈકી રૂપિયા 2 હજાર સ્વીકારી લીધા હતાં.

બાકીના રૂપિયા 4 હજાર પછી આપવાનો વાયદો કરાયો હતો. આ લાંચની રકમ ધંધાર્થી આપવા માગતા ન હતાં આથી લાંચ રૂશ્વત વિરોધી બ્યુરોમાં ફરિયાદ કરી હતી. આ ફરિયાદ પરથી રાજકોટ બ્યુરોના મદદનીશ નિયામક એચ.પી.દોશીના સુપરવિઝન હેઠળ પોલીસ ઇન્સપેક્ટર સી.જે. સુરેજા અને તેમની ટીમે છટકુ ગોઠવ્યું હતું. આ છટકામાં લીલાધર શ્રીવાસ્તવ રંગેહાથ ઝડપાયો હતો. અધિકારી કલાસ-2માં આવતો હોય તેના નિવાસસ્થાનની તલાશી લેવાની પ્રક્રિયા ચાલી રહી છે.

અમદાવાદના તજજ્ઞ ડોક્ટર્સનો સિવિલ હોસ્પિટલ ખાતે નિ:શુલ્ક ઓપરેશન કેમ્પ

નવજાત શિશુ થી ૧૮ વર્ષ સુધીના બાળકોની સર્જરી - ખોડખાપણ તેમજ કપાયેલા હોઠ અને તાળવાની સર્જરી નિ:શુલ્ક કરી આપવામાં આવશે

રાજ્ય સરકાર દ્વારા જનઆરોગ્ય માટે બહોળા પ્રમાણમાં નિ:શુલ્ક સ્વાસ્થ્ય સુવિધાઓ પૃરી પાડવામાં આવે છે. અનેકવિધ યોજનાઓ હેઠળ જરૂરિયાતમંદ દર્દીઓને વિવિધ સારવાર પુરી પાડવામાં આવે છે તેમજ અવાર નવાર કેમ્પનું વિશિષ્ઠ આયોજન કરવામાં આવે છે.  જેના ભાગ રૂપે રાજકોટમા સર્વપ્રથમ વાર મુખ્યમંત્રી અમૃતમ યોજના, મુખ્યમંત્રી વાત્સલ્ય યોજના અને આયુષ્માન ભારત યોજના હેઠળ ડીસ્ટ્રીકટ હેલ્થ સોસાયટી અને જયદીપ હોસ્પિટલ અમદાવાદના સંયુક્ત ઉપક્રમે તા. ૨૯-૧૨ ને શનિવારના રોજ સવારે ૧૦ થી ૧૨ કલાક દરમયાન તજજ્ઞ ડોક્ટર્સની ટીમ દ્વારા નવજાત શિશુ થી ૧૮ વર્ષ સુધીના બાળકોનું નિ:શુલ્ક નિદાન તેમજ સર્જરીના કેમ્પનું આયોજન કરવામાં આવેલ છે. આ કેમ્પમાં અમદાવાદના ડો. જયુલ કામદાર (નવજાત બાળકોના સર્જન) ડો. નિશ્વલ નાયક (કોસ્મેટિક અને પ્લાસ્ટિક સર્જન) ઉપસ્થિત રહી બાળકોની સર્જરી , દાજ્યા પછી રહી ગયેલ ખોડ ખાંપણ તથા સ્માઈલ ટ્રેન અંતર્ગત કપાયેલા હોઠ તેમજ ફાટેલા તાળવાનુ નિદાન તેમજ સર્જરી નિ:શુલ્ક કરી આપવામાં આવશે. આ  કેમ્પનું આયોજન સવારે ૧૦ થી ૧૨ કલાક દરમ્યાન પીડીયું જનરલ હોસ્પિટલ, નવી ઓપિડી બિલ્ડીંગ, બાળકોના વિભાગ રૂમ નં ૧૯ ખાતે રાખવામાં આવેલ છે. આ કેમ્પનો વધુને વધુ જરૂરિયાતમંદ લોકો લાભ લે તેમ ચીફ ડિસ્ટ્રિક્ટ મેડિકલ ઓફિસર તેમજ પીડીયું જનરલ હોસ્પિટલ તથા ચીફ ડિસ્ટ્રિક્ટ હેલ્થ ઓફિસર રાજકોટ દ્વારા અનુરોધ કરાયો છે. (માહિતી બ્યુરો -રાજકોટ)