રાજકોટ: ફોરેન ટ્રેડની કચેરીનો ફોરેન ટ્રેડ ડેવલપમેન્ટ ઓફિસર લીલાધર કેશવભાઇ શ્રીવાસ્તવ રૂ. 4 હજારની લાંચ લેવાના આરોપસરના છટકામાં સપડાયો હતો. આ અંગે એક્સપોર્ટનો ધંધો કરતાં આસામીએ તેના ફોરેન ટ્રેડ લાયસન્સમાં પાન નંબર ખોટો લખાવેલ હોય તે સુધારી આપવા માટે અરજી કરી હતી. આ અરજીના સંદર્ભમાં તાત્કાલીક પાન નંબર સુધારી આપવા માટે ફોરેન ટ્રેડ ડેવલોપમેન્ટ ઓફિસર લીલાધર કેશવભાઇ શ્રીવાસ્તવે રૂ. છ હજારની લાંચની માગણી કરી હતી. જે પૈકી રૂપિયા 2 હજાર સ્વીકારી લીધા હતાં.
બાકીના રૂપિયા 4 હજાર પછી આપવાનો વાયદો કરાયો હતો. આ લાંચની રકમ ધંધાર્થી આપવા માગતા ન હતાં આથી લાંચ રૂશ્વત વિરોધી બ્યુરોમાં ફરિયાદ કરી હતી. આ ફરિયાદ પરથી રાજકોટ બ્યુરોના મદદનીશ નિયામક એચ.પી.દોશીના સુપરવિઝન હેઠળ પોલીસ ઇન્સપેક્ટર સી.જે. સુરેજા અને તેમની ટીમે છટકુ ગોઠવ્યું હતું. આ છટકામાં લીલાધર શ્રીવાસ્તવ રંગેહાથ ઝડપાયો હતો. અધિકારી કલાસ-2માં આવતો હોય તેના નિવાસસ્થાનની તલાશી લેવાની પ્રક્રિયા ચાલી રહી છે.
ટિપ્પણીઓ નથી:
ટિપ્પણી પોસ્ટ કરો