તા.૧૭મી જૂન, ૨૦૧૧ (શુક્રવાર) આર.ટી.ઓ.નડીઆદ ધ્વારા ખેડા જિલ્લાના લાગતા વળગતા તમામ વાહાનોના માલિકોને તેમના તમામ પ્રકારના એલજીવી, ઓટોરીક્ષા, ડીલીવરી વાહનોના નંબરો હવે પછી એકજ સીરીઝમાં આપવાના થતા હોઇ નવી સીરીઝ જીજે-૭-વીડબલ્યુ (VW) તા.૨૩-૬-૨૦૧૧ થી શરૂ કરવામાં આવનાર છે. જેમાં પસંદગી નંબર મેળવવા ઇચ્છતા વાહન માલિકોએ તેમનું વાહનનું રજીસ્ટ્રેશન કરાવીને પસંદગીના નંબર મેળવવા તા.૨૦-૬-૨૦૧૧ થી તા.૨૨-૦૬-૨૦૧૧ સુધી કચેરીના સમય (રજા સિવાય) દરમિયાન સવારે ૧૧.૦૦ કલાકથી ૧૭.૩૦ કલાક સુધી આર.ટી.ઓ.કચેરીમાં ફોર્મ નંબર-૨૦ સાથે બંધ કવરમાં અરજી કરવા જણાવ્યું છે અને તે અરજી સાથે પોતે કેટલી ઓફર કરવા માગે છે તે ઓફરનો આર.ટી.ઓ.નડીઆદના નામનો ડીમાન્ડ ડ્રાફટ (રાષ્ટ્રિયકૃત બેંક) જોડવાનો રહેશે.
પસંદગી નંબર મેળવવા ઇચ્છતી વ્યકિતએ અરજી સાથે તેઓ ધ્વારા ઓફર કરાયેલ રકમનો ડિમાન્ડ ડ્રાફટ રજૂ કરવાનો રહેશે. એક થી વધુ ડિમાન્ડ ડ્રાફટ રજૂ કરાયેલ અરજી દફતરે કરવામાં આવશે. કવર ઉપર વાહન નંબર લખવાનો રહેશે. કવર ઉપર વાહન નંબર સિવાય કોઇપણ પ્રકારના લખાણ કે નિશાની કરવી નહી. અધૂરી વિગતો તેમજ જરૂરી બિડાણો વગરની તેમજ અરજી સાથે ડ્રાફટ રજૂ થયેલ ન હોય તેવી અરજીને ધ્યાને લીધા વગર દફતરે કરવામાં આવશે.
તા.૨૩-૦૬-૨૦૧૧ના રોજ સવારે ૧૦.૩૦ કલાકે પસંદગીના નંબરોની ફાળવણી અંગેની કાર્યવાહી કચેરીના અત્રેની કચેરીના આર.ટી.ઓ. અધિકારીના ખંડ ખાતે ફાળવણી સમિતિ ધ્વારા કરવામાં આવશે. સંબંધિત અરજદારે / તેમના પ્રતિનિધિએ હાજર રહેવાનું રહેશે.જે તે નંબર માટે સૌથી વધુ રકમનો ડિમાન્ડ ડ્રાફટ અરજી સાથે રજૂ કરનાર અરજદારને પસંદગીનો નંબર ફાળવવામાં આવશે. અસફળ અરજદારને તેઓએ રજૂ કરેલ ડિમાન્ડ ડ્રાફટ પરત કરવામાં આવશે. એમ પ્રાદેશિક વાહનવ્યવહાર અધિકારી શ્રી સી.પી.રાણાએની યાદીમાં જણાવ્યું છે.
માહિતી બ્યુરો - નડિયાદ -
ટિપ્પણીઓ નથી:
ટિપ્પણી પોસ્ટ કરો