તા.૧૭મી જૂન, ૨૦૧૧ (શુક્રવાર) ખેડા જિલ્લા પંચાયતની આરોગ્ય વિભાગ, નડીઆદ ધ્વારા તા.૩૦મી જૂન,૨૦૧૧ સુધી કપડવંજ બ્લોક હેઠળ આવેલ પ્રાથમિક આરોગ્ય કેન્દ્રો આંત્રોલી, તોરણા, નિરમાલી, મોટી ઝહેર, વધાસ, અંતિસરના ગામો તથા શહેરી વિસ્તારમાં મેલેરિયા વિરોધી માસની ઉજવણી ચાલી રહી છે.
આ કાર્યક્રમ સફળ બનાવવા પ્રાથમિક આરોગ્ય કેન્દ્રોના મેડિકલ ઓફિસરોમાં આંત્રોલીમાં ર્ડા.અંકુર પટેલ, નિરમાલીના ર્ડા.દર્શના વાધેલા, વધાસના ર્ડા.કે.એમ.અગ્રાવત, મોટીઝહેરના ર્ડા.હિનાબેન રામાનુજ, અંતિસરના ર્ડા.જીગીષા પારેખ, તોરણના ર્ડા.ભાવિકા પટેલ તથા અર્બન વિસ્તારના ર્ડા.મનોજ ક્ષત્રિય ધ્વારા કાર્યક્રમનું સંચાલન કરતાં મોનીટરીંગ સુપરવિઝન ધનિષ્ઠ બનાવાઇ છે.
આ કાર્યક્રમમાં મેલેરિયા નિયંત્રણ માટે લોકજાગૃતિ ઉભી કરવા તેમજ આરોગ્ય શિક્ષણ છેક છેવાડાના માનવી સુધી પહોંચે અને કાર્યક્રમને બહોળો પ્રતિસાદ સાંપડે તે હેતુથી પ્રાથમિક આરોગ્ય કેન્દ્રો ધ્વારા કર્મચારીઓ મારફતે જૂથ ચર્ચાઓ, પ્રદર્શન સેટ વીથ લાઇવ ડેમો, રેલી તથા પોરાનાશક કામગીરી તથા મચ્છરદાની દવાયુકત કરવાની કામગીરી સાથે સ્વચ્છતા જાળવણી માટેનું માર્ગદર્શન પણ આપવામાં આવે છે. તેમજ કાર્યક્રમમાં મેલેરિયા નિયંત્રણ માટે લોકોએ અગમચેતી વાપરી આ રોગ ફેલાય નહીં તે માટે નું પ્રત્યક્ષ માર્ગદર્શન દરેક લાભાર્થી સુધી પહોંચાડવામાં આવી રહયું હોવાનું બ્લોક હેલ્થ ઓફિસર કપડવંજ ધ્વારા જણાવાયું છે.
માહિતી બ્યુરો - નડિયાદ
ટિપ્પણીઓ નથી:
ટિપ્પણી પોસ્ટ કરો