પાટણ--
પાટણ જિલ્લાના રક્ષિત વન, અનામત જંગલ, અભયારણ્ય કે ભારતના વન અધિનિયમની કલમ-૪ હેઠળના જાહેર થયેલા વિસ્તારો તેમન વન વિભાગ દ્વારા કરવામાં આવેલ વાવેતરોમાં ગાંડા બાવળ સહિત કોઇપણ વૃક્ષના કપાણ કે અન્ય વ્યવસ્થા કરવાની કામગીરી માત્ર વન વિભાગ કચેરી જ કરી શકશે. અન્ય દ્વારા આવા કપાણ પર પ્રતિબંધ મુકવામાં આવે છે.
જંગલ વિસ્તારની હદથી ૧૬ કિ.મી. સુધીના વિસ્તારમાંથી ગાંડા બાવળ કે અન્ય વૃક્ષમાંથી કોલસા બનાવવા માટે સબંધિત નાયબ વન સંરક્ષકશ્રીની પરવાનગી લેવાની રહેશે અને બનાવેલ કોલસા જિલ્લામાં, જિલ્લા બહાર કે રાજય બહાર લઇ જવાના હોય ત્યારે વાહતુક પાસ વન વિભાગ પાસેથી મેળવવાનો રહેશે. વૃક્ષો કાપવા અંગેની પરવાનગી સૌરાષ્ટ્ર વૃક્ષછેદન અધિનિયમની /ભારતીય વન અધિનિયમની જોગવાઇઓ મુજબ મેળવવાની રહેશે.
રાજયના કચ્છ, પાટણ, બનાસકાંઠા, મહેસાણા, સુરેન્દ્રનગર અને રાજકોટ જિલ્લાઓમાં ગાંડા બાવળ કે અન્ય વૃક્ષના લાકડામાંથી બનાવેલા કોલસા અંગે વાહતુક પાસ વન વિભાગ પાસેથી મેળવવાની રહેશે અને આ જિલ્લાઓમાંથી બનેલા કોલસાને આ જિલ્લાઓમાં કે આ જિલ્લાઓ બહાર રાજયમાં કે રાજય બહાર લઇ જવાનું હોય ત્યારે વન વિભાગના અધિકૃત વાહતુક પાસ વગર વહન કરી શકાશે નહીં, તેમ નાયબ વન સંરક્ષકશ્રી, વન વિભાગ, પાટણની એક અખબારી યાદીમાં જણાવ્યું છે.
ટિપ્પણીઓ નથી:
ટિપ્પણી પોસ્ટ કરો