રાજ્ય ભરમાં શાળા પ્રવેશોત્સવનો ૨૦૧૧ ત્રણ દિવસ સુધી યોજાનાર છે. શાળા પ્રવેશોત્સવ આજે માત્ર ઉત્સવ નહી પરંતું લોક ઉત્સવ બની ગયો છે.શાળા પ્રેવેશોત્સવ અને કન્યા કેળવણીની ફલશ્રુતિ આજે ૧૦૦ ટકા નામાંકરણ થયું છે,શાળા અને સમાજ વચ્ચેનું અંતર ઘટ્યું છે.મહેસાણા જિલ્લામાં ત્રી દિવસીય શાળા પ્રવેશોત્સવ દરમિયાન ૨૫,૬૦૬ બાળકોનું શહેરી તેમજ ગ્રામ્ય વિસ્તારમાં નામાંકન થનાર છે.જેમાં સૌથી વધું મહેસાણા તાલુકામાં ૫૩૯૨ બાળકોનું નામાંકન આ વર્ષ થનાર છે.આ સિવાય કન્યા કેળવણી રથયાત્રા દરમિયાન ૩૫ ટકા સુધી સ્ત્રી સાક્ષરતા દર ધરાવતા ગ્રામ્ય તેમજ શહેરી વિસ્તારના ગરીબી રેખા નીચે આંક ધરાવતા બાળકોને વિધાલક્ષી બોન્ડ આપવામાં આવશે. આ વર્ષે જિલ્લામાં ગ્રામ્ય વિસ્તારમાં ૧૨૫૩ બાળકો તેમજ શહેરી વિસ્તારમાં ૧૭૯ બાળકોને વિધાલક્ષી બોન્ડ આપવામાં આવનાર છે..
આ વર્ષે શાળા પ્રવેશોત્સવમાં નવીન આયોજન કરાયું છે.જેમાં જિલ્લામાં દરેક તાલુકા સ્તરે થીમ આધારિત ઉત્સવ ઉજવવામાં આવશે. મહેસાણા તાલુકા માટે મારી સપનાની શાળા, અમારે શાળાએ જવું છે મજૂરીએ નહી તે પ્રકારની વિશિષ્ટ થીમ થી આ પ્રવૃતિનું આયોજન કરાયું છે.આ સિવાય ઉંઝા તાલુકામાં વાંચે ગુજરાત થીમ. સતલાસણા તાલુકામાં કન્યા કેળવણી અને શાળા પ્રવેશોત્સવ, વિજાપુર તાલુકામાં પ્રજ્ઞા અભિગમ,ખેરાલુ તાલુકામાં મારી શાળા સ્વર્ણિમ શાળા તમજ વડનગર તાલુકામાં મારૂ ગામ સ્વર્ણિમ ગામ ,કડી તાલુકા માટે પર્યાવરણનું જતન ક્લાઇમેટ ચેન્જ,વિસનગર તાલુકા માટે સ્વર્ણિમ ખેલ મહાકુંભ અને બેચરાજી તાલુકા માં નિરોગી બાળ થીમ આધારિત શાળા પ્રવેશોત્સવ ઉજવવાનું આયોજન છે.
શાળા પ્રવેશોત્સવના આ કાર્યક્રમમાં રથનું સ્વાગત કરાશે ત્યારબાદ નાની બાળાઓ દ્વારા પ્રાથના ગીત રજુ થશે, આવેલ મહેમાનોનું બાળકો દ્વારા પુસ્તકથી સ્વાગત, શાળામાં આપેલ તિથી ભોજનદાતા તેમજ પ્રવેશોત્સવ ગાતાશ્રીનું મહેમાનો દ્વારા સન્માન કરવામાં આવશે, આંગણવાડી, ધોરણ-૧ તેમજ ધોરણ-૮ માં બાળોકનું પ્રવેશીકરણ અને કીટ વિતરણ કરાશે.ધોરણ- ૩ થી ૭ માં પ્રથમ ત્રણ ક્રમે આવેલ બાળકોનું સન્માન કરવામાં આવનારછે.
શાળા પ્રવેશોત્સવ દરમિયાન આ વર્ષે સમ્રગ જિલ્લાની શાળાઓમાં સરગવાના વૃક્ષોનું વાવેતર કરાશે.
ટિપ્પણીઓ નથી:
ટિપ્પણી પોસ્ટ કરો