સુરેન્દ્રનગર
-પ્રતિવર્ષની જેમ ચાલુ ચાલુ વર્ષે પણ થઇ રહેલી કન્યા કેળવણી મહોત્સવ અને શાળા પ્રવેશોત્સવ-૨૦૧૧ની ઉજવણી અંતર્ગત પરંપરાગત પ્રચાર માધ્યમ દ્વારા લોકડાયરાના કાર્યક્રમ દ્વારા સરકારશ્રીની કન્યા કેળવણીને પ્રોત્સાહન મળે અને કોઇ બાળક શિક્ષાવિહિન ન રહે તેવા હેતુસર સુરેન્દ્રનગર જિલ્લા માહિતી કચેરી દ્વારા તા. ૧૫ મી જૂન-૨૦૧૧ થી તા. ૧૭ મી જૂન-૨૦૧૧ દરમિયાન જિલ્લાના ૨૦ જેટલા ગામોમાં લોકડાયરાના કાર્યક્રમોનું આયોજન કરવામાં આવ્યું છે.
તદ્દનુસાર તા. ૧૫ મી એ પાટડી તાલુકાના ઝેઝરી ખાતે, તા. ૧૬ મી એ ધ્રાંગધ્રા તાલુકાના નારીચાણા, હળવદ તાલુકાના સુખપર, વઢવાણ તાલુકાના ટીંબા, લખતર તાલુકાના છારદ, લીંબડી તાલુકાના પાંદરી, ચુડા તાલુકાના ચાચકા, મુળી તાલુકાના સરલા, સાયલા તાલુકાના ડોળીયા અને ચોટીલા તાલુકાના મઘરીખડા ગામોમાં રાત્રે લોકડાયરાના કાર્યક્રમો યોજાશે.
તા.૧૭ મી એ ધ્રાંગધ્રા તાલુકાના પ્રથુગઢ, હળવદ તાલુકાના ચંદ્રગઢ, વઢવાણ તાલુકાના ફુલગ્રામ, લખતર તાલુકાના વરસાણી, લીંબડી તાલુકાના બોડીયા, ચુડા તાલુકાના રામદેવગઢ, મુળી તાલુકાના ટીકર, સાયલા તાલુકાના નવા સુદામડા, ચોટીલા તાલુકાના સણોસરા અને પાટડી તાલુકાના પીપળી ગામોમાં લોકડાયરાના કાર્યક્રમો યોજાશે, જેનો સંબંધિત ગામના ગ્રામજનોને બહોળી સંખ્યામાં લાભ લેવા અનુરોધ છે.
ટિપ્પણીઓ નથી:
ટિપ્પણી પોસ્ટ કરો