ખેડામાં યોજાયેલ તાલુકા કક્ષાના ગરીબ કલ્યાણ મેળામાં ૩૨૮૨
લાભાર્થીઓને રૂા.૬.૦૩ કરોડની સાધન સહાયનું વિતરણ
ખેડામાં અગાઉ યોજાયેલ ત્રણ ગરીબ કલ્યાણ મેળામાં ૨૩૨૨૯
લાભાર્થીઓને રૂા.૪૧.૩૬ કરોડની સહાય ચૂકવવામાં આવી છે.
રાજય સરકારે દરિદ્રનારાયણોને તેમના હકક અને અધિકાર નાણાં હાથો હાથ
પહોચાડવા ગરીબ કલ્યાણનો મહાયજ્ઞ શરૂ કર્યો છે. ગરીબ કલ્યાણ મેળા દલાલો,
કટકીબાજો અને વચેટિયા નાબૂદી મેળા બન્યા છે એમ મહેસૂલ મંત્રી શ્રીમતી
આનંદીબેન પટેલે જણાવ્યું હતું.ખેડા ખાતે એચ.એન્ડ ડી. પારેખ હાઇસ્કૂલમાં
યોજાયેલ તાલુકા કક્ષાના ગરીબ કલ્યાણ મેળામાં મહેસૂલ મંત્રી શ્રીમતી
આનંદીબેન પટેલ તથા મહાનુભાવોના હસ્તે ૩૨૮૨ ગરીબ પરિવારોને રૂા.૬.૦૩
કરોડની માતબર સાધન સહાયનું વિતરણ કરવામાં આવ્યું હતું. ખેડા તાલુકામાં
યોજાયેલ ચાર તબકકાના ગરીબ કલ્યાણ મેળામાં કુલ ૨૩૨૨૯ ગરીબ લાભાર્થીઓને
રૂા.૪૧.૩૬ કરોડની જંગી સાધન સહાયનું વિતરણ કરવામાં આવ્યું છે.મહેસૂલ
મંત્રી શ્રીમતી આનંદીબેન પટેલે જણાવ્યું હતું કે, રાજયમાં માતા અને
બાળમૃત્યુ દર ધટાડવા ચિરંજીવી યોજના અમલમાં મુકી છે. આ યોજના હેઠળ અત્યાર
સુધીમાં આઠ લાખ ગરીબ પરિવારની મહિલાઓની પ્રસુતિ ખાનગી દવાખાનાઓમાં થઇ છે.
કૂપોષણની સમસ્યાને પહોંચી વળવા સરકારે આંગણવાડીના બાળકો માટે બાળભોગ
યોજના તેમજ સગર્ભા/ધાત્રી માતાઓ અને કિશોરીઓનું આરોગ્ય જળવાય તે માટે
અનેકવિધ યોજનાઓ અમલમાં મૂકી છે. રાજયમાં રૂા. ૪૦ કરોડના ખર્ચે
આંગણવાડીઓના અધતન મકાનો બનાવી તમામ આંગણવાડીઓમાં રસોઇના સાધનો પહોંચાડયા
છે તેમ તેમણે ઉમેર્યું હતું.ગુજરાત છેલ્લા આઠ વર્ષથી રોજગારી આપવામાં
સમગ્ર દેશમાં અગ્રેસર છે તેનો ઉલ્લેખ કરતાં મંત્રી શ્રીમતી આનંદીબેન
પટેલે ઉમેર્યુ હતું કે, સ્વામી વિવેકાનંદના ૧૫૦મા જન્મ જયંતિ વર્ષ
નિમિત્તે રાજય સરકારે એકજ અઠવાડિયામાં ૬૫ હજાર યુવાનોને રોજગારી પુરી
પાડી છે.ગરીબી સામે લડવા માટેનું એક માત્ર હથિયાર શિક્ષણ છે ત્યારે ગરીબ
પરિવારોને પોતાના બાળકોને શિક્ષણ આપવાનો અનુરોધ કરી મંત્રીશ્રીએ ગરીબીના
કલંકને પરાસ્ત કરવા સંકલ્પબધ્ધ થવા હાકલ કરી હતી.
ટિપ્પણીઓ નથી:
ટિપ્પણી પોસ્ટ કરો