રાજકોટ
જેતપુર તાલુકામાં કન્યા કેળવણી રથયાત્રા અને શાળા પ્રવેશોત્સવનો શાનદાર
પ્રારંભ થયો હતો. રાજ્ય સરકારના આ મહત્વપૂર્ણ અભિયાનના પ્રારંભે જેતપુર
તાલુકાના પીઠડિયા, કાગવડ, વીરપુર(જ), થોરાળા, સેલુકામાં ૩૩૪ ભૂલકાઓને
ગુજરાત ગૌણ સેવા પસંદગી મંડળના અધ્યક્ષશ્રી પ્રકાશ સોનીએ વિદ્યામંદિરમાં
પ્રવેશ અપાવ્યો હતો. તેમણે બાળકોને ભણીગણી આગળ વધી દેશનું નામ રોશન કરવા
જણાવ્યું હતું.
શાળાઓમાં નાના ભૂલકાઓને જ્ઞાન પ્રાપ્તિના યજ્ઞમાં જોડવા માટે યોજવામાં
આવેલા કાર્યક્રમમાં ઉપસ્થિત વાલીઓ અને ગ્રામજનોને સંબોધતા શ્રી સોનીએ
વધુમાં જણાવ્યું હતું કે રાજ્ય સરકાર દ્વારા શિક્ષણની ગુણવત્તા સુધરે એ
માટે તમામ પ્રયત્નો કરવામાં આવ્યા છે. સવા લાખ જેટલા નવા શિક્ષકોની ભરતી
કરવામાં આવી છે. શાળાઓમાં ધોરણ ૮નો ઉમેરો અને નવા વર્ગખંડોનું નિર્માણ
કરવામાં આવ્યું છે, જે સૌની નજર સમક્ષ છે. આથી વાલીઓએ પોતાના સંતાનોને
ભણાવવા અનુરોધ કર્યો હતો. જિલ્લા પંચાયતના ઉપપ્રમુખ શ્રીપ્રવીણભાઇ
ક્યાડાએ પ્રાંસગિક પ્રવચન કર્યું હતું.
જેતપુરના અગ્રણીશ્રી મનસુખભાઇ ખાચરિયાએ કહ્યું હતું કે રાજ્ય સરકારે
શાળામાં બાળકના નામાંકનની પ્રક્રિયાને ઉત્સવ બનાવ્યો છે. જેથી બાળકોનું
સ્થાયીકરણ થાય અને એનું પરિણામ સૌને જોવા મળે છે. કારણ કે ડ્રોપ આઉટ
રેશિયો ઘટી ગયો છે.
ટિપ્પણીઓ નથી:
ટિપ્પણી પોસ્ટ કરો