અહેવાલ-પારૂલ આડેસરા, માહિતી મદદનીશ, જામનગર
ગ્રામ ઉત્થાકન માટે રાજય સરકારની અનેક યોજનાઓ અમલી છે. પરંતુ જો આ
યોજનાઓમાં ગામડાના કોઇ સક્રિય વ્યાકિત, આગેવાન કે મોભી રસ લે તો આવી
યોજનાઓ સફળ બને છે, લોક ઉપયોગી બને છે. આવુ જ કશુંક કાલાવડ તાલુકાના ટોડા
ગામમાં બન્યુન છે. ૨૦૦૦ની વસતી ધરાવતા નાનકડા એવા ટોડામાં ૪ સખી
મંડળો(શ્રી દાદા, શ્રી ક્રિષ્નાન, જય માતાજી અને શ્રી બંસી સખી મંડળ)ની
૮૦ બહેનો પાપડ વણી આર્થિક રીતે પગભર બની છે. આ પાપડની પ્રવૃતિમાં સહયોગ
રૂપ થયા છે રાજકોટ લિજજત પાપડમાં ૨૦ વર્ષ નોકરી કરી ચૂકેલા ગામના જ
કુંવરસિંહ જાડેજા.
કુંવરસિંહ જાડેજા કહે છે, પહેલા ગામમાં હું થોડા પાપડ વણવા આપતો. પરંતુ
બહુ ઓછી બહેનો તે કામમાં જોડાતી. ધીમે ધીમે રાજય સરકારની મિશન મંગલમ
યોજના તળે છ જેટલા સખી મંડળો ગામમાં બન્યાગ. આ મંડળ થકી મહિલાઓ એકત્રિત
થતા ૮૦ જેટલી બહેનો આજે પાપડ વણી કામ મુજબ મહીને બે થી ત્રણ હજાર આવક
મેળવતી થઇ છે. કેટલીક વધુ દીકરીઓ અને મહિલાઓ વાળા ઘરોમાં ૨૦ થી ૨૫ હજારની
પણ માસિક આવક પાપડના કામ થકી થાય છે. ચોમાસાના બે મહિના બાદ કરતા ટોડા
ગામમાં દરરોજ ૫૦૦ કિલો પાપડનું ઉત્પામદન ગામની મહિલાઓ, યુવતીઓ કરે છે.
દરરોજ રાજકોટથી લોટ ટોડા લઇ આવુ અને દરેક મહિલાઓના ઘરે મહિલાઓ વણી શકે
તેટલો લોટ આપી બીજે દિવસે સવારે પાપડ રાજકોટ પહોંચાડી આપુ છુ અને બાંધેલો
લોટ લઇ આવુ છું. ટોડાની મહિલાઓ ઘરની બહાર કામ માટે નિકળતી નથી તેથી તેઓ
પોતાના જ ઘરે – ઘરે પાપડ વણીને આવક મેળવે છે.
ટોડાના ગૃહિણી ભાવનાબેન જાડેજા અને તેમની ત્રણ દીકરીઓ કિરણબા, ઉષાબા અને
પૂજાબા થઇને દરરોજ ૨૦ કિલો જેટલા પાપડ વણી લે છે. અને મહિને ૨૫ હજાર
ઉપરની આવક મેળવે છે. ભાવનાબેનના પતિ ખેતી કામ કરે છે, ભાવનાબહેન કહે છે
કે મારી ત્રણે દીકરીઓ પોતાની કમાણી પોતે જ રાખે છે અને પોતાને જોઇતી
વસ્તુા ખરીદીને બચત કરે છે.
ટિપ્પણીઓ નથી:
ટિપ્પણી પોસ્ટ કરો