ગ્વાંગડોંગ ખાતે ગુજરાતનો રોડ શો- ચીનના ઉત્પાદન કેન્દ્રમાં ભારે પ્રભાવ કારોબાર અને વિકાસ માટે ગુજરાતના અભિગમની ચીનના નેતાઓ અને ઉઘોગ જગતે કરી પ્રસંશા

ગ્વાંગડોંગના ઉઘોગો ગુજરાતને તેમનું આગામી ઉત્પાદન અને કારોબાર કેન્દ્ર
બનાવવા માટે ઉત્સુક
ગ્વાંગડોંગ પ્રાંતની સરકારે તેમના ઈન્ટરનેશનલ કોઓપરેશન સપ્તાહ માટે
ગુજરાતને આમંત્ર્યું
મુખ્યમંત્રીની પાછલી મુલાકાતે ગ્વાંગડોંગ સ્થિત ઉઘોગોને ગુજરાત તરફ આવવા આકર્ષ્યા

બાર સભ્યોના વાઈબ્રન્ટ ગુજરાતના પ્રતિનિધિમંડળે ચીનના ઉત્પાદન કેન્દ્ર
અને વિશ્વની ફેક્ટરી તરીકે જાણીતા ગ્વાંગડોંગની મૂલાકાત લધી હતી જયાં
તેમણે ગુજરાતને અત્યંત ઉત્સાહી સરકારી અધિકારીઓ, કારોબારીઓ અને નેતાઓ
સમક્ષ વિશ્વના આગામી વૈશ્વિક કારોબાર અને ઉત્પાદન કેન્દ્ર તરીકે પ્રસ્તુત
કર્યું હતું. ગત વર્ષે ઈકોનોમિસ્ટ મેગેઝીને ગુજરાતને ભારતના ગ્વાંગડોંગ
તરીકેનો ઉલ્લેખ કર્યો ત્યારબાદ ગ્વાંગડોંગના કારોબાર અને ઉઘોગો ગુજરાત
તરફ નજર કરી રહ્યાં છે અને ભવિષ્યમાં આ રાજય તરફથી તકો લેવાની ઈચ્છા
ધરાવે છે. ચીને માત્ર ગત વર્ષે જ ૬૦ અબજ ડોલરનું વિદેશી રોકાણ કર્યું
હતું ત્યારે હવે તેઓ ગુજરાતમાં મોટા પાયે રોકાણ કરવાની વિચારણા કરી
રહ્યાં છે અને ભારતમાં સંયુક્ત સાહસ સ્થાપી રહ્યાં છે જે ભારત અને ચીન
બંનેને પરસ્પર રીતે ફાયદાકારક નીવડશે.
ગુજરાત સરકારના પ્રિન્સિપલ રેસિડેન્ટ ઓફિસર શ્રી ભરત લાલની આગેવાની
હેઠળના પ્રતિનિધિમંડળે ગ્વાંગડોંગ અને ગુજરાત વચ્ચે સહકારના સંભવિત
ક્ષેત્રો અંગે ડિપાર્ટમેન્ટ ઓફ ફોરેન ટ્રેડ એન્ડ ઈકોનોમિક કોઓપરેશન અને
વિદેશી બાબતોના કાર્યાલય સાથે ચર્ચા કરી હતી. તેમની સાથે ગ્વાંગડોંગમાં
કોન્સુલ જનરલ ઓફ ઈન્ડિયા શ્રી ઈન્દ્રામણી પાંડે પણ હતા.
ભારતના કોન્સ્યુલેટે ચાઈના કાઉન્સિલ ફોર પ્રમોશન ઓફ ઈન્ટરનેશનલ ટ્રેડ
(સીસીપીઆઈટી) સાથે ભાગીદારીમાં ગ્વાંગડોંગમાં વાઈબ્રન્ટ ગુજરાત ૨૦૧૩ પર
સેમિનારનું આયોજન કર્યું હતું. જેને ગ્વાંગડોંગના પ્રતિનિધિઓ તરફથી બહોળો
પ્રતિસાદ મળ્યો હતો. એન્જિનિયરિંગ અને ઉપકરણો, ખનિજો, મશિનરી,
પુનઃપ્રાપ્ય ઉર્જા અને અન્ય ક્ષેત્રોએ ગુજરાતમાં તેમની સ્થાપવા માટેનો
ખાસ રસ દર્શાવ્યો હતો. ગુજરાતમાં ચીની રોકાણની મોટા પાયે શરૂઆત થઈ ચૂકી
છે. પરિસંવાદ દરમિયાન ગુજરાત વેન્ચર ફાઈનાન્સ લિમિટેડના એક્ઝિક્યુટિવ
ડિરેક્ટર ડૉ હરીશ પાઠકે પ્રસ્તાવિત રોકાણ ભંડોળની વિગતવાર માહિતી આપી
હતી.
ગ્વાંગડોંગના ગવર્નરે પણ ગુજરાતના મુખ્યમંત્રીશ્રીને નવેમ્બર ૨૦૧૨માં
પ્રાંતની મુલાકાત લેવા માટે આમંત્રણ પાઠવ્યું હતું. જયાં બિ્રક્સ દેશો,
અમેરિકા, જાપાન, ફ્રાંસ વગેરે દેશો પોતાની ઉપસ્થિતિ નોંધાવશે. ભરત લાલે
ગ્વાંગડોંગના સરકારી અધિકારીઓને વાઈબ્રન્ટ ગુજરાત ૨૦૧૩માં આવવા માટેનું
આમંત્રણ પાઠવ્યું હતું. પ્રવાસ દરમિયાન પ્રતિનિધિમંડળે ચીનના સિરામિક્સ
ઉઘોગના પાટનગર ફોશાનની પણ મુલાકાત લીધી હતી. ચીનમાં વાઈબ્રન્ટ ગુજરાતનું
પ્રમોશન કરીને પ્રતિનિધિમંડળ આજે હોંગકોંગ રવાના થયા હતા જયાં તેઓ અન્ય
રોડ શોનું માટે આયોજન કરી રહ્યાં છે.