ગુજરાતમાં મહેસુલી-જમીન સુધારા, ઇ-ધરા, ઇ-જમીન અને ઇ-ગ્રામ યોજનાથી પ્રભાવિત વિશ્વબેન્ક ટીમ વિશ્વબેન્કની ટીમે અમદાવાદ કલેક્ટર કચેરીની લીધેલી મુલાકાત

ગુજરાતમાં મહેસુલી અને જમીન સુધારા ક્ષેત્રે લેવાયેલા પગલાં અને સમગ્ર
રાજ્યમાં અમલી બનાવેલ ઇ-ધરા, ઇ-જમીન, અને વિશ્વગ્રામ-ઇ-ગ્રામ યોજનાથી
પ્રભાવિત થઇને વિશ્વબેન્કની ટીમના સભ્યોએ સરાહના વ્યક્ત કરી છે. દેશના
અન્ય રાજ્યોની મુલાકાત પછી ગુજરાતની મુલાકાતે આવેલ વિશ્વબેન્કની ટીમે
અમદાવાદમાં જિલ્લા કલેક્ટરશ્રી વિજય નહેરા સાથેની મુલાકાતમાં ગુજરાતે
મહેસુલી સુધારણા, ઇ-ગવર્નન્સ, લેન્ડ રેકર્ડ કમ્પ્યુટરાઇઝેશન, જમીન
સંપાદન, ટાઉન પ્લાનીંગ, અર્બન ડેવલપમેન્ટ, મિલકત દસ્તાવેજોની નોંધણી,
ઓનલાઇન મ્યુટેશન, લેન્ડ કન્વર્ઝનન્સ સહિતની બાબતોમાં પારદર્શતા સાથે
અમલમાં મુકેલા પ્રોજેક્ટની વિગતવાર માહિતી મેળવીને તેને બિરદાવ્યા હતા.
સરકારી દફ્તરે મિલ્કતના માલિકી હક્ક અને માલિકીની નોંધણી, મિલ્કતના
ખરીદ-વેચાણ, જમીન સંપાદનની પ્રક્રિયા વગેરે બાબતે પણ વિગતવાર જાણકારી
મેળવી હતી. વિશ્વબેન્કની ટીમે કલેક્ટર કચેરી ખાતેના ઇ-ધરા અને ઇ-જમીન
સેન્ટરની પણ રૂબરૂ મુલાકત લઇને થતી કામગીરી અંગે જાત માહિતી મેળવી હતી.
વિશ્વબેન્કની ટીમમાં સાઉથ એશિયા રિજીયનના સેક્ટર મેનેજર સુશ્રી મારીયા
સી. કોરીયા ઉપરાંત શ્રી આઇ.યુ.બી. રેડ્ડી, શ્રી વિક્રમ રાઘવન, શ્રી શંકર
નારાયણન અને શ્રી મૃદુલાસિંઘ જોડાયા હતા.