જામનગર- ડિઝાસ્ટર મેનેજમેન્ટ સેલ, જામનગરની એક યાદી જણાવે છે કે વાવાઝોડુ અને વીજળી મોટે ભાગે સાથે જ થાય છે. વીજળીના એક ઝબકારામાં ૧,૨૫,૦૦૦,૦૦૦ વોલ્ટ જેટલી વીજળી હોય છે. જે ૧૦૦ વોટના વીજળીના બલ્બને ત્રણ મહિનાથી પણ વધુ ચલાવવા માટે અથવા તો કોઇને ગંભીર ઇજા પહોચાડવા માટે અથવા કોઇનું મોત નીપજાવવા માટે પુરતું ગણાય. વાવાઝોડા અને વીજળીના બનાવ વખતે કેવા પગલા લેવા તેની જાણકારી જીવન બચાવવામાં મદદરૂપ થાય છે. વીજળી એવી બાબત છે કે તેના પ્રત્યે બેદરકાર પણ ન રહેવું જોઇએ. વીજળીથી બચાવ સલામતીના નિયમોને અનુસરો.
વીજળીથી સલામત રહેવા માટે ઘરમાં જ રહો અથાવ ઘરની અંદર જતા રહો. બારી બારણા અને વીજળીના ઉપકરણોથી દુર રહો. વીજળીના વાહક બને તેવી કોઇપણ ચીજવસ્તુથી દુર રહો.વાવાઝોડુ /તોફાન આવતુ હોય તે પહેલા જ ઇલેકટ્રીક ઉપકરણોના વાયર પ્લગ માંથી કાઢી નાખો. પરંતુ તોફાન દરમિયાન તેમ કરવું નહીં. વાવાઝોડા દરમિયાન ટેલીફોનનો ઉપયોગ કરશો નહીં. વીજળી ઘર પર પડે તો તેનો વીજભાર ઘરની અંદરની વ્યકિત સુધી પહોચી શકે તેમ છે. વીજળી બહાર આવેલી ટેલીફોન લાઇન પર પણ ત્રાટકી શકે છે. સીન્ક બાથ અને નળ સહિત નળીઓનો સંપર્ક ટાળો. આપ ઘરથી બહાર હો ત્યારે વીજળીથી બચવા મકાનો, બખોલ, ખાઇ કે ગુફાનો આશરો લેવો પરંતુ વૃક્ષોનો આશરો કયારે ય લેવો નહીં. વૃક્ષો વીજળીને આકર્ષે છે.
મુસાફરી કરતા હોવ તો તમારા વાહનમાં જ રહો વાહનો વીજળીથી તમને સૌથી સારૂ રક્ષણ પુરૂ પાડી શકે છે. જેનું છાપરૂ મજબુત હોય તેવી કાર/વાહનમાં રહો. આસપાસમાં એકાદ વૃક્ષ હોય તો આવા વૃક્ષની ઉંચાઇથી બમણા અંતરે ખુલ્લામાં આશ્રય લેવો હીતાવહ ગણાય. આસપાસની જમીનના અંતરથી વધુ ઉંચા માળખા ધરાવતા વિસ્તારમાં આશ્રય લેવાનું ટાળો. લોકોના ટોળામાં રહેવાના બદલે છુટા છવાયા વીખેરાઇ જાવ. પાણીની બહાર નીકળી જાવ. પાણીમાં રહેલી નાની હોડીઓનો સમાવેશ પણ થાય છે. હોડી માંથી તાત્કાલીક બહાર નીકળીને પુલ, તળાવ અને અન્ય જળાશયો માંથી દૂર રહો.
વીજળીઓ ઝટકો લાગે ત્યારે જો માથાના વાળ ઉભા થઇ જાય અથવા ચામડીમાં ઝણઝણાટ થાય ત્યારે વીજળી તમારી આસપાસ ત્રાટકવા ઉપર છે તેમ સમજવું તાત્કાલીક નીચા નમીને કાન ઢાંકી દેવા. જમીન પર સુવું નહીં. કે તો જમીન પર હાથ ટેકવવા નહીં. વીજળીનો આંચકો લાગેલી વ્યકિતને જરૂર જણાય તો સીપીઆર(કાર્ડિયો પલ્મોનરી રીસસિટેશન) એટલે કે કૃત્રિમ શ્વાસોશ્વાસ આપવા જોઇએ.અને તાત્કાલિક પ્રાથમિક તબીબી સારવાર આપવી.
ટિપ્પણીઓ નથી:
ટિપ્પણી પોસ્ટ કરો