અમરેલી-પ્રાથમિક શિક્ષણનું મહત્વ સમજીને રાજ્ય સરકારે છેલ્લા સાત વર્ષથી શાળા પ્રવેશોત્સવનું સુદ્રઢ આયોજન કરેલું છે. આથી રાજ્યમાં પૂર્વેની સરખામણીએ સાક્ષરતા દર વધ્યો છે. કન્યા કેળવણી અંતર્ગત શિક્ષણની સઘન કામગીરી થતાં પૂર્વે કરતાં લોકોમાં સ્ત્રી શિક્ષણ અંગે જાગૃત્તિ આવી છે. આજે સમગ્ર રાજ્યમાં પ્રાથમિક શિક્ષણની સુવિધા ઉપલબ્ધ થઇ છે. રાજ્યના ગ્રામ્ય વિસ્તારોમાં તા. ૧૬ થી ૧૮ જૂન અને શહેરી વિસ્તારોમાં તા. ૨૩ થી ૨૫ જૂન દરમ્યાન શાળા પ્રવેશોત્સવ કાર્યક્રમ યોજાશે.
અમરેલી તાલુકાની ૭૯ શાળાઓમાં ૧,૧૧૧ કુમાર અને ૯૨૫ કન્યાઓ તથા પુનઃપ્રવેશપાત્ર ૬ કુમાર સહિત ૨,૦૪૨ બાળકો, બાબરા તાલુકાની ૭૪ શાળાઓમાં ૧,૨૧૭ કુમાર અને ૯૮૨ કન્યાઓ તથા પુનઃપ્રવેશપાત્ર ૬ કુમાર, ૭ કન્યા સહિત ૨,૨૧૨ બાળકો, ધારી તાલુકાની ૧૦૨ શાળાઓમાં ૮૭૭ કુમાર, ૮૩૭ કન્યાઓ તથા પુનઃપ્રવેશપાત્ર ૪ કુમાર, ૧ કન્યા સહિત ૧,૭૧૯ બાળકો, સાવરકુંડલા તાલુકાની ૧૧૬ શાળાઓમાં ૧,૪૭૦ કુમાર, ૧,૩૩૧ કન્યાઓ સહિત ૨,૮૦૧ બાળકો, ખાંભા તાલુકાની ૬૩ શાળાઓમાં ૭૫૫ કુમાર, ૭૧૨ કન્યાઓ સહિત ૧,૪૬૭ બાળકો, લાઠી તાલુકાની ૬૮ શાળાઓમાં ૯૧૨ કુમાર, ૮૭૪ કન્યાઓ સહિત ૧,૭૮૬ બાળકો, લીલીયા તાલુકાની ૪૦ શાળાઓમાં ૪૨૧ કુમાર, ૩૯૨ કન્યાઓ સહિત ૮૧૩ બાળકો, બગસરા તાલુકાની ૪૦ શાળાઓમાં ૪૫૦ કુમાર, ૩૫૩ કન્યાઓ સહિત ૮૦૩ બાળકો, રાજુલા તાલુકાની ૯૮ શાળાઓમાં ૧,૫૦૮ કુમાર, ૧,૦૧૧ કન્યાઓ સહિત ૨,૫૧૯ બાળકો, કુંકાવાવ તાલુકાની ૫૪ શાળાઓમાં ૬૭૩ કુમાર, ૫૫૦ કન્યાઓ સહિત ૧,૨૨૩, જાફરાબાદ તાલુકાની ૫૧ શાળાઓમાં ૯૫૭ કુમાર, ૮૦૬ કન્યા સહિત ૧,૭૬૩ બાળકો પ્રવેશપાત્ર છે. આમ, જિલ્લાના ૧૧ તાલુકાઓની ૭૮૫ શાળાઓમાં ૧૦,૩૬૭ કુમાર અને ૮,૭૮૧ કન્યાઓ સહિત કુલ ૧૯,૧૪૮ બાળકો પ્રવેશપાત્ર છે.
અત્રે ઉલ્લેખનીય છે કે, જિલ્લાના સાવરકુંડલા, ખાંભા, લાઠી, લીલીયા, બગસરા, રાજુલા, કુંકાવાવ અને જાફરાબાદ તાલુકામાં પુનઃ પ્રવેશપાત્ર બાળકો નથી આથી ડ્રોપ આઉટ થયેલ નથી.
જિલ્લામાં ડ્રોપઆઉટ દર ૨૦૦૪-૦૫ના વર્ષમાં ધોરણ ૧ થી ૫ માં કુમાર ૩.૭૩ અને કન્યા ૩.૪૬, ધો. ૬ થી ૭માં કુમાર ૩.૭ અને કન્યા ૩.૪૬ મળી કુલ ૩.૮૧, ૨૦૦૫-૦૬માં ધોરણ ૧ થી ૫ માં કુમાર ૩.૧૬ અને કન્યા ૩, ધો. ૬ થી ૭માં કુમાર ૩.૨૫ અને કન્યા ૩.૪૬ મળી કુલ ૩.૨૭, ૨૦૦૬-૦૭માં ધોરણ ૧ થી ૫ માં કુમાર ૨.૪૭ અને કન્યા ૨.૨૯, ધો. ૬ થી ૭માં કુમાર ૨.૪૫ અને કન્યા ૨.૬૨ મળી કુલ ૨.૫૬, ૨૦૦૭-૦૮માં ધોરણ ૧ થી ૫ માં કુમાર ૧.૭૬ અને કન્યા ૧.૭૮, ધો. ૬ થી ૭માં કુમાર ૧.૯૪ અને કન્યા ૧.૯૮ મળી કુલ ૧.૯૩, ૨૦૦૮-૦૯માં ધોરણ ૧ થી ૫ માં કુમાર ૦.૪૯ અને કન્યા ૦.૬૩, ધો. ૬ થી ૭માં કુમાર ૧.૬ અને કન્યા ૧.૩૪ મળી કુલ ૧.૪૭, ૨૦૦૯-૧૦માં ધોરણ ૧ થી ૫ માં કુમાર ૦.૩૬ અને કન્યા ૦.૪૮, ધો. ૬ થી ૭માં કુમાર ૦.૫૧ અને કન્યા ૧.૧૩ મળી કુલ ૧.૩૬ થયો છે. છેલ્લા ઘણા વર્ષોથી યોજાતાં શાળા પ્રવેશોત્સવ કાર્યક્રમને કારણે જિલ્લાનો ડ્રોપઆઉટ દર માત્ર ૧.૩૬ ટકા થવા પામેલ છે.
ટિપ્પણીઓ નથી:
ટિપ્પણી પોસ્ટ કરો