જેતપુરની ખાનગી સ્કુલે કરેલો રૂ.1000 ફી વધારો પાંછો ખેચાવ્યો !

જેતપુરના વાલીમંડળે સફળતાના કર્યા શ્રીગણેશ !!

જેતપુરની ખાનગી સ્કુલે કરેલો રૂ.1000 ફી વધારો પાંછો ખેચાવ્યો !

સ્પેસ સ્કુલના સંચાલકો બાળકોને લુંટવા માંગતાં હતા, પણ વાલીમંડળના આગેવાનો પહોચી ગયા. રૂ.1600 ના 2600 ફી કરી હતી પણ હવે માત્ર રૂ.1760/- ફી જ લેવા શાળા સંચાલકોની વાલી મંડળને ખાતરી અપાતા બાળકો-વાલીઓ ભારે ગેલમાં !!

જેતપુર તા.2

જેતપુર શહેરમાં ચાલતી કોઈ પણ શૈક્ષણિક સંસ્થાઓમાં કરાયેલ ફી વધારા બાબતે કોઈનો વિરોધ ના થાય તો બને તેટલા બાળકોને ફી બાબતે લુંટી લેવાની નીતિ અખત્યાર કરતા શાળા સંચાલકો સામે સ્ટેપ બાય સ્ટેપ પગલા ભરવા અને ભરાવવા કટ્ટીબદ્ધ જેતપુર નવાગઢ શહેર વાલીમંડળના આગેવાનોને આજે ગજબની સફળતા મળી હોવાનું જાણવા મળ્યું હતું..

જો કે ''ચમત્કાર વગર નમસ્કાર નહિ'' એવી કહાવત અક્ષરસઃ સાબિત થઇ હોય તેમ અહીની ખાનગી સ્કુલ સ્પેસના સંચાલકોએ અગાઉની નિયત ફી રૂપિયા 1600/- માં રૂપિયા 1000/- નો વધારો કરી ચાલુ સત્રથી રૂપિયા 2600/- તોતિંગ ફી વધારો વસુલવાનું નક્કી કરતા આ વાત જેતપુરના વાલીમંડળની અદાલતમાં આવી પહોચી હતી.

આ વાતનો ઉગ્ર વિરોધ નોંધાવવા અને ફી વધારો પાંછો ખેંચાવવાના આશય સાથે આજે આ શાળા પર વાલીમંડળના પ્રમુખ જીતેન્દ્રભાઈ લાડવા(એડવોકેટ), ઉપપ્રમુખ મહમદભાઈ, અન્ય હોદેદારો શૈલેશ સાવલિયા વિગેરે દોડી ગયા હતા. અને બાળકોને લુંટવાનું બંધ કરો, ફી વધારો પાંછો ખેંચો, વિગેરે વાતોનો સુત્રોચ્ચાર કરી શાળા પરિસરને ગુંજવી દેતા, શાળા સંચાલકો ભારે મુંજવણ ભરેલી સ્થિતિમાં આવી જઈ વાલીમંડળના આગેવાનો સાથે બેઠક કરી,, સહકારાત્મક અભિગમ વચ્ચે રૂપિયા 1000 નો ફી વધારો પાંછો ખેંચી, નિયત ફી માં માત્ર રૂ.160 વધારો સુચવી રૂ.1760/- જ ફી લેવા ખાતરી આપતા ઉપસ્થિત બાળકો અને વાલીઓમાં રાજીપો છવાયો હતો. આ તકે આવતીકાલ તા.4.6.15 ના રોજ સવારે 10 કલાકે સ્પેસ સ્કુલના પરિસરમાં જ વાલીમંડળે એક બેઠકનું આયોજન કર્યું હોય, વિદ્યાઓ વિદ્યાર્થી ઓને મળતી સેવાઓ અને પડતી અગવડતાઓ બાબતે ચર્ચા વિચારણા કરવાની હોય, આ શાળાના વાલીઓએ હાજર રહેવા અનુરોધ કરાયો છે.

હવે બીજી શાળાઓમાં ફી વધારો પાછો ખેચાવાશે !

જેતપુર: વાલિમંડળના આગેવાનોએ પોતાની સફળતાના શ્રીગણેશ કર્યા બાદ તે શાળામાં ઉપસ્થિત શાળા સંચાલકો અને વાલીઓને જણાવેલ કે જેતપુર નવાગઢની હજુ ઘણી શાળાઓમાં પાછલા બારણેથી ફી વધારો ઠોકી બેસાડયો હોવાની ફરિયાદો મળી છે. કોઈ વાંધો ના ઉઠાવે તો અસહ્ય ફી વધારો વસુલવા પાછીપાની નાં કરવી તેવી નીતિમાં રાચતા શાળા સંચાલકો સામે જરૂર પડ્યે આંદોલનાત્મક કાર્યક્રમો પણ રજુ કરતા વાલીમંડળ અચકાશે નહિ તેવી ચીમકી ઉચ્ચારાઈ છે.

સમાચાર અને ફોટો : કશ્યપ જે. જોશી જેતપુર 9974262812

ભેદભરમના ઝાળાં વચ્ચે જેતલસરમાં મામાદાદાની જગ્યા પાછળથી માનવ ખોપડી-હાડકું મળી આવતા પોલીસ દોડી

ભેદભરમના ઝાળાં વચ્ચે જેતલસરમાં મામાદાદાની જગ્યા પાછળથી 

માનવ ખોપડી-હાડકું મળી આવતા પોલીસ દોડી 

જેતલસર તા.1

જેતલસરમાં જે જગ્યાએ દલિત યુવાન મહેશ જેન્તી ગોહેલને પતાવી દેવાયો તે જગ્યાએથી આજે રાત્રે એક માનવ ખોપડી અને હાડકું મળી આવતા તાલુકા પોલીસે દોડી જઈ તપાસને વેગ આપ્યો હોવાનું જાણવા મળે છે.

મળતી વિગતો મુજબ જેતલસરના દલિત યુવાનની પ્રથમ ગુમ થયાની પોલીસમાં જાહેરાત બાદ મહેશ જેન્તી ગોહેલને તેનાજ બે કૌટુંબિક ભાઈઓના સહારે જુનાગઢ પંથકના બે યુવાનોએ મોતને ઘાટ ઉતાર્યો હોવાની મર્ડરમિસ્ટ્રી બહાર આવ્યા બાદ પોલીસે અગાઉ મૃતક મહેશના લોહીવાળું ટીશર્ટ, ચપલ, છરી વિગેરે કબજે કરી સંડોવાયેલા 4 આરોપીઓને પણ ઝાલી લીધા હતા.

બાદમાં વારાફરતી પહેલા ત્રણ આરોપી સાગર, કિરણ અને જીતેસને રિમાન્ડ પર લઈને પોલીસે તપાસ કરી હતી. પણ આ ત્રિપુટી લાશ બાબતે ભેદી મૌન સેવી લેતા, રિમાન્ડ પૂર્ણ થતા ત્રણેયને જેલહવાલે કરવા કોર્ટે હુકમ કર્યો હતો.

જયારે પાછળથી પકડાયેલ ભુરીયાના આજે ચાર દિવસના રિમાન્ડ પૂર્ણ થતા તે પણ જેલહવાલે કરાયો છે.

બીજીબાજુ મહેશ ગોહેલને જેતલસરમાં જે જગ્યાએ પતાવી દેવાયો હતો તેનાથી થોડે દુર એક ગોદામ પાસે એક માનવ ખોપડી અને હાડકા રખડતા હોવાની જાણ પરથી તાલુકા ફોજદાર આર.એન.કરમટિયા, સ્ટાફના ગૌત્તમભાઈ, મજનુંભાઈ, દિવ્યેશ આહીર, વિગેરેને લઇ જેતલસર પહોચી તપાસ કરતા ત્યાંથી એક લાંબુ હાડકું અને તૂટેલી અવસ્થામાં એક માનવ ખોપડી મળી આવતા, પોલીસે તે કબજે લઈને રાજકોટ ખાતે ફોરેન્સિક લેબો.સુત્રોને મોકલવાની તજવીજ હાથ ધરી છે. આ તકે પીએસઆઈ કરમટિયાએ જણાવેલ કે મળેલ માનવ ખોપડી અને હાડકું મહેશ જેન્તું ગોહેલનું જ છે તે કહેવું અસ્થાને ગણાશે, પોલીસે આ અંગેની જીણવટભરી તપાસ હાથ ધરી છે. 

ફોટો અને સમાચાર કશ્યપ જોશી જેતલસર 9974262812

જેતલસરમાંથી માનવ ખોપડી - હાડકા મળ્યા !!! સમાચાર ફોટો સાથે 15 મીનીટમાં મોકલું છું. કશ્યપ જોશી જેતપુર 9974262812

 

જેતલસર ખૂન કેશના આરોપીઓને ગણતરીની કલાકોમાં ઝડપી લેનાર 

જેતપુર તાલુકા પોલીસની દલિત સમાજમાં સરાહના 

    જો કે મહેશની લાશ ઝંખતો ગોહેલ પરિવાર

એસપી સુધીર દેસાઈને પણ મૃતકના ભાઈ સહિતના પરિવારજનો મળ્યા

(કશ્યપ જોશી ) જેતલસર તા.1

જેતપુર તાલુકાના જેતલસર ગામના મહેશ જેન્તી ગોહેલની હત્યા કરનાર જુનાગઢના 2 અને   જેતલસરના 2 એમ ચારેય આરોપીઓને ગણતરીની કલાકોમાં ઝડપી લેનાર જેતપુર તાલુકા પોલીસના ફોજદાર આર.એન.કરમટિયા સહિતના સ્ટાફની સરાહના કરવા આજે મૃતક યુવાનના ભાઈ સહિતના દલિત સમાજના આગેવાનો જેતપુર તાલુકા પોલીસ અને એસપી સુધીર દેસાઈ ને મળવા દોડી આવ્યા હતા.

અમારા ભાઈની લાશ નહિ મળે તો આરોપીઓ છૂટીને પુનઃ દાદાગીરી કરવા લાગશે તેવી વાતનો ભય વ્યક્ત કરતા મૃતક મહેશના ભાઈ રોહિત ગોહેલ, ગામના દલિત સમાજના વકીલ શૈલેશભાઈ સહિતના દલિત આગેવાનોને સાંત્વના આપતા એસપી સુધીર દેસાઈ અને તાલુકા પીએસાઈ કરમટિયાએ જણાવેલ કે પોલીસ પોતાની કાયદેશરની કાર્યવાહી કે કામગીરીમાં કોઈ કચાશ છોડતી નથી. અને આ વાતનો પુરાવો ગણતરીની કલાકોમાં પકડેલા ચારેય આરોપીઓ છે. પોલીસે રસ નાં દાખવ્યો હોત તો આરોપીઓ આટલી ઝડપે ના પકડાયા હોત.

રિમાન્ડ દરમિયાન પણ લાશની કોઈ માહિતી નાં આપનાર આરોપીઓ પ્રત્યે પોલીસ કામગીરીમાં શંકા વ્યક્ત કરતા ઉપરોક્ત આગેવાનોએ જણાવેલ કે જો ફર્ધર રિમાન્ડની માંગ દ્વારા આરોપીઓને પાછા તપાસાય તો કૈક જાણવા મળે. તે વાતનો ઉત્તર વાળતી પોલીસે જણાવેલ કે પોલીસને સહકાર આપો અને લાશને બે મહિના જેવો સમય થઇ ગયો હોય મળવી મુશ્કેલ છે, આમ છતાં માણાવદર, પલાસવા તેમજ અન્ય શહેરોમાં મળેલી બીનવારશી લાશોને તપાસવા જેતપુર તાલુકા પોલીસ એસપી સુધીર દેસાઈની સુચનાથી વખતોવખત દોડી ગઈ છે.

લાશ ના મળે તો આરોપીઓ નિર્દોષ જાહેર થાય તે વાત દિમાગમાંથી હટાવી પોલીસને સહકાર આપવા તાલુકા ફોજદાર કરમટીયાએ જણાવેલ..

સમાચાર અને ફોટો : કશ્યપ જોશી જેતલસર જેતપુર -9974262812

જેતપુરવાસીઓ આનંદો...ભાદર ડેમમાં જુલાઈ-15 સુધી ચાલે તેટલું પાણી છે !!

>

પાલિકા પ્રમુખે લીધી ભાદર ડેમની મુલાકાત 

જેતપુરવાસીઓ આનંદો...ભાદર ડેમમાં 

જુલાઈ-15 સુધી ચાલે તેટલું પાણી છે !!

જેતપુર તા.1

જેતપુર શહેરમાં પ્રવર્તી રહેલ પાણી સમસ્યાથી ચિંતિત જેતપુર નવાગઢ નગર પાલિકાના પ્રમુખ રમાબેન મકવાણા ગઈકાલે ભાદર ડેમની મુલાકાત લઈને ડેમમાં કેટલો જળ જથ્થો છે તેની જાત માહિતી લીધી હતી.

બાબતે જેતપુર પાલિકા પ્રમુખ રમાબેને જણાવેલ કે તેઓની ભાદર ડેમની મુલાકાત દરમિયાન જેતપુરવાસીઓએ હરખાવા જેવી તે વાત બહાર આવી હતી કે આગામી જુલાઈ માસ સુધી ચાલે તેટલો જળજથ્થો છે. તેઓએ મેળવેલ આંકડાકીય માહિતીઓમાં હાલ સાડા તેર ફૂટ જેટલી પાણીની સપાટીમાંથી ત્રણેક ફૂટ કાંપનો અંદાજ કરીએ તો 10 ફૂટ પાણીની સપાટી ભાદર ડેમની જણાતી હોય, જેતપુર રાજકોટને જુલાઈ માસ સુધી ચાલે તેટલું પાણી છે, અને ત્યાં સુધીમાંતો મેઘરાજાની મહેર થઇ જશે એટલે બંને શહેરોનું જળ સંકટ મહત્તમ હળવું થઇ જશે. જેતપુર શહેર અને રાજકોટ હાલના દિવસોમાં પાણીનો કેટલો જથ્થો ઉપાડી રહ્યા છે ? તેવા સવાલના જવાબમાં જેતપુર પાલિકા પ્રમુખે જણાવેલ કે રાજકોટ દ્વારા 2.26 એમસીએફટી અને જેતપુર દ્વારા 5.74 એમસીએફટી જળ રાશી મેળવાઈ રહી છે.

કશ્યપ જે. જોશી જેતપુર 99742 62812

JETPURNA VIRPUR NAZIK AKSMATMA MAATA PUTRINA MOT

HITESH SAVALIYA AND KASHAP JOSHI JETPUR 

PHOTO : HITESH SAVALIYA JETPUR 

પાંચપીપળાના ખેડૂત પાસેથી રૂ.3 લાખ આંચકી જતા ચકચાર જેતપુરના ધોરાજી રોડ પરની ઘટના બાદ પોલીસની નાકાબંધી

એ..ભાઈ.. ઉભા રહો તો કહી બાઈક થોભાવી 2 અજાણ્યા બાઈક સવારો 

પાંચપીપળાના ખેડૂત પાસેથી રૂ.3 લાખ આંચકી જતા ચકચાર

જેતપુરના ધોરાજી રોડ પરની ઘટના બાદ પોલીસની નાકાબંધી 

પણ બાઈકસવારો હવામાં ઓગળી ગયા..તાલુકા પોલીસે શંકા સાથે શરુ કર્યો તપાસનો ધમધમાટ

જેતપુર તા.30

જેતપુર તાલુકાના પાંચપીપળા ગામના એક ખેડૂત જેતપુર બેંકમાં પૈસા જમા કરાવે તે પહેલાજ ધોરાજી તરફથી આવતા બે અજાણ્યા બાઈકસવારોએ, ખેડૂતને થોભાવી, થેલીમાં બ્લેડનો છરકો મારી રૂ.3 લાખ રોકડા આંચકી છું થઇ ગયાની ઘટનામાં પોલીસે જિલ્લાભરમાં નાકાબંદી કરી ચીલઝડપકારોને પકડવા કવાયત આદરી હતી પણ તે નાકામિયાબ નીવડી હતી.

મળતી વિગતો મુજબ જેતપુરના નવાગઢમાં ગાયત્રી પ્રોવિઝન નામની કરિયાણાની દુકાન ધરાવતા, 28 વીઘાના ખાતેદાર ખેડૂત ડોબરિયા રમેશભાઈ  પુનાભાઈ પટેલ પોતાના પાંચપીપળા ગામ સ્થિત ઘરેથી રૂપિયા 3 લાખ રોકડા લઈને જેતપુર ખાતે રાજકોટ ડિસ્ટ્રીક્ટ બેંકમાં જમા કરાવવા માટે આજે સવારે 8 વાગ્યે નીકળ્યા હતા.

દરમિયાન જેતપુરના ધોરાજી રોડ પર જયશ્રી જીન્નીંગ મિલ પાસે ધોરાજી તરફથી પુરપાટ ઝડપે બાઈક પર આવેલા 2 અજાણ્યા બાઈકસવારોએ રમેશભાઈને '' એ ભાઈ ઉભા રહો તો '' તેવો સાદ કરી ઉભા રખાવ્યા હતા. આવા સમયે પલકવારમાં એક બાઈક સવારે રમેશભાઈની આરપાર દેખાય તેવી થેલીમાં બ્લેડથી છરકો મારી, રૂપિયા ત્રણ લાખ આંચકી જઈ જેતપુર તરફ નાશી છૂટતા રમેશભાઈએ રોડ પર રાડા રાડ કરી મૂકી હતી.

આ બનાવની જાણ થતાજ જેતપુર તાલુકા પીએસાઈ આર.એન.કરમટિયા, સ્ટાફના ગૌત્તમભાઈ ત્રિવેદી, અનિલભાઈ વિગેરેને લઈને ઘટના સ્થળે દોડી જઈ જિલ્લાભરના રોડ પર નાકાબંધી કરાવી હતી. પણ ચીલઝડપકાર એવા બંને બાઈક સવારો હવામાં ઓગળી જતા પોલીસની મહેનત એળે ગઈ હતી. 

પોલીસના અને ફરિયાદીના જણાવ્યા પ્રમાણે બંને બાઈક સવારો પાસે સ્પ્લેન્ડર હોન્ડા, મોઢે રૂમાલ બાંધેલા, કાળા પેન્ટ પહેરેલ અને પાતળા બાંધાનું શરીર ધરાવતા હતા. જયારે ગુમાવેલી રૂપિયા 3 લાખ રકમમાં ખેત પાકોના વેંચાણના અને કરિયાણાની દુકાનના વકરાના પૈસા હતા. આ પૈસા ધિરાણ રૂપે જેતપુરની આરડીસી બેંકમાં જમા કરવાના હતા. પોલીસે શંકાસ્પદ સ્થિતિમાં આ બનાવનો ગુનો નોધી તપાસ હાથ ધરી છે.

જેતલસર ખૂન કેશનો ચોથો આરોપી ચાર દિવસના રિમાન્ડ પર 

અન્ય 3 ને જેલભેગા કરવા હુકમ કરતી જેતપુરની કોર્ટ

જેતલસર તા.30 

જેતલસરના દલિત યુવાન મહેશ ગોહેલ ની હત્યામાં પકડાયેલ ચોથા આરોપીને ગઈકાલે જેતપુર તાલુકા પોલીસે રીમાન્ડની માંગ સાથે જેતપુર કોર્ટમાં રજુ કરતા પોલીસે ચાર દિવસના રિમાન્ડ મંજુર કર્યા છે. જ્યારે અગાઉ પકડાયેલ 3 આરોપીના રિમાન્ડ પૂર્ણ થતા, અત્રેની કોર્ટમાં રજુ કરતા, કોર્ટે ત્રણેયને જેલહવાલે કરવાનો હુકમ કર્યો હોવાનું ફોજદાર કરમટિયા જણાવે છે.

આ અંગે જાણવા મળતી વિગતો મુજબ જેતાલ્સરના મહેશ જેન્તી ગોહેલની હત્યામાં પકડાયેલ સાગર, જીતેશ અને કિરણ એમ ત્રણેય આરોપીના આજે રિમાન્ડ પૂર્ણ થતા પોલીસે અહીની કોર્ટમાં રજુ કરતા, કોર્ટે ત્રણેયને જેલહવાલે કરવાનો હુકમ કર્યો હતો. જયારે ગઈ કાલે પકડાયેલ ભુરીયાને રીમાન્ડની માંગ સાથે કોર્ટમાં રજુ કરતા કોર્ટે 4 દિવસના રિમાન્ડ મંજુર કર્યા છે. ભુરીયાએ જે છરીના 17 ઘા મારી મહેશને પતાવી દીધો તે છરી ગઈ કાલેજ પોલીસે કાઢી દીધી છે. તે હજુ જોઈએ તેવું મોઢું ખોલતો નથી. તેમજ લાશ નહિ મળે તો નિર્દોષ છૂટી જશે તેવી વાતોનું ખંડન કરતી તાલુકા પોલીસે જણાવેલ કે જેતલસર પંથકનાં જ રૂપાવટી ગામે એક મહિલાને બાળી નાખ્યા પછી ગુનો ડિટેકટ થયો હતો આમ છતાં કોર્ટે તેને આજીવન કેદની સજા ફટકારી કાયદાનું ભાન કરાવ્યું તે લોકોએ ના ભૂલવું જોઈએ..

જેતપુરના અમરનગર ગામે જુગાર દરોડો 

રૂ.33 હજાર રોકડ સાથે 10 ઝડપાયા 

જેતપુર તા.30

ગત મોડી રાત્રીના જેતપુર તાલુકા પોલીસે અમરનગર ગામે જુગાર દરોડો પાડી 10 તાસપ્રેમીઓને રોકડ 

રૂ.33770/- સાથે પકડી પાડી ધોરણસરની કાર્યવાહી હાથ ધરી છે.

મળતી વિગતો મુજબ જેતપુરના અમરનગર ગામે કોશોર ડાયા મોરબીયા પોતાના ઘરે નાલ ઉઘરાવી જુગાર રમાડતો હોવાની બાતમી મળતા તાલુકા ફોજદારે સ્ટાફના રામજીભાઈ બગડા, મજનુભાઈ મનાત, પંકજસિંહ જાડેજા, દિવ્યેશ આહીર વિગેરેને સાથે રાખી ગઈ મોડી રાત્રીના કિશોરના ઘરે છાપો મારતા મકાન માલિક કિશોર સહીત 10 શખ્શો રોકડ રકમ 33770/- સાથે જુગાર રમતા પકડાઈ ગયા હતા. પકડાયેલા શખ્શોમાં અમરનગરના મુકેશ બગજી મોરબીયા, નટુ રાણા કુંભાર, મહેશ જસુ લીંબડીયા, મુકેશ ધીરુ કુંભાર, શૈલેશ હરસુખ કુંભાર, વિપુલ બાબુ મકવાણા, ગિરધર વજુ વસોયા, શૈલેશ મનસુખ વડાલીયા તથા કિશન બહાદુર લાલકિયા નો સમાવેશ થતો હોવાનું ફોજદાર કરમટીયાએ જણાવેલ..

જેતલસર નજીક મારુતિ પલટી જતા એકનું મોત 

જેતલસર તા.30

ચાર દિવસ પહેલા જેતલસર ગામ નજીક પલટી ગયેલી કારના બનાવમાં એકનું મોત થતા તાલુકા પોલીસે કાર ચાલક સામે ગુનો નોંધ્યો છે.

મળતી વિગતો મુજબ લાઠી તાલુકાના શેખપીપળીયા ગામના પ્રતાપભાઈ કાનાભાઈ બોદર (ઉ.વ.37) મિત્ર જાદવ રામાભાઈ બારડ(રહે.ગાભા, તા.તાલાલા) ની મારુતિ કાર જીજે 12એકે 5147 માં બેસી ખાંભાથી અમદાવાદ જવા તા.26.5.15 ના રોજ નીકળ્યા હતા. દરમિયાન જેતલસર નજીક અકસ્માતે પલટી ખાઈ ગયેલી કારમાં પ્રતાપભાઈ બોદરનું ઘટના સ્થળેજ કાર નીચે દબાઈ જવાથી મોત થયું હતું, જયારે ચાલક જાદવ રામાને સારવાર માટે રાજકોટ ખસેડાયો છે. તાલુકા જમાદાર મજનુભાઇ મનાતે કાર ચાલક સામે ગુનો નોંધી ધોરણસરની કાર્યવાહી હાથ ધરી છે.

શરાબ વાહક યુવાન પાસે રૂ.17 હજારનો તોડ કરનાર 

પોલીસમેન સામે ગુનો નોંધાતા જેતપુરના એસપી દેસાઈ 

જેતપુર તા.30

જેતપુરના એસપી સુધીર દેસાઈએ બાતમીના આધારે એક શરાબની બોટલ સાથે પકડાયેલ યુવાન પાસેથી રૂપિયા 17 હજારનો તોડ કરના પોલીસમેન સામે ગુનો નોધી શિક્ષાત્મક કામગીરી કરતા પોલીસબેડામાં ચકચાર જાગી છે.

મળતી વિગતો અનુસાર જેતપુરના જુનાગઢ રોડ પર ઉભી કરાયેલ ચેક પોસ્ટ પાસેથી પસાર થયેલ બે બાઈક સવારોને શંકાસ્પદ હાલતમાં રોકી તપાસતા તેઓ પાસેથી વિદેશી શરાબની એક બોટલ મળી આવી હતી. આવા સમયે શરાબની બોટલ કબજે લેનાર પોલીસમેન મહેન્દ્રસિંહ ભીખુભાઈ ચુડાસમાએ મહેશ ભૂરા પાસે રૂ.50 હજારની માંગ કરી  નાશી છુંટેલા સતીશ બચું ખાંટને હાજર કરવા જણાવ્યું હતું..

આ બનાવની ઉપરોક્ત યુવાનોએ સ્થાનિક એસપી સુધીર દેસાઈને જાણ કરતા, એસપીએ તપાસ કરતા ઉક્ત પોલીસમેન પાસેથી રોકડ રૂ.17 હજાર કબજે કરાયા હતા. આ ઘટનામાં એસપીએ સરકાર તરફી ફરિયાદી બની, લાંચ સ્વીકારવાનો ગુનો નોંધી એસીબી તંત્રને જાણ કરતા અત્રેના પોલીસબેડામાં ચકચાર જાગી છે.

જેતપુરમાંથી સગીરાનું અપહરણ 

જેતપુર તા.30

જેતપુરના અમરનગર રોડ પર રહેતી એક સગીરાને પાડોશી રાજેશ બાબુ નામનો યુવાન લલચાવી ફોસલાવી લગ્ન કરવાના ઈરાદે ભગાડી અપહરણ કરી ગયાની શહેર પોલીસ દફતરે ફરિયાદ નોંધાવાતા પોલીસે રાજેશની શોધખોળ આદરી છે.

વિદેશી શરાબની 1 બોટલ સાથે 2 પકડાયા 

જેતપુર તા.30

જેતપુરના મંડલીકપુર રોડ પરથી પસાર થયેલા ધર્મેશ લાભુ સાગલાની તથા ધર્મેશ રાઠોડ એમ બંનેને રોકી તાલુકા પોલીસે તલાશી લેતા તેમની પાસેથી એક વિદેશી શરાબની બોટલ મળી આવી હતી. પોલીસે રૂ.300 ની બોટલ અને રૂ.40 હજારનું બાઈક કબજે લઇ ધોરણસરની વિધિ હાથ ધરી છે.

જેતપુરમાં જુગાર દરોડો 6 તાસપ્રેમી ઝડપાયા 

જેતપુર તા.30

જેતપુર તાલુકાના જેપુર ગામે જાહેરમાં જુગાર રમાતો હોવાની બાતમી પરથી વીરપુર પોલીસના ફોજદાર જોશી સહિતના કાફલાએ જેપુર ત્રાટકી જુગાર રમતા 6 શખ્શોને રોકડ 8950/- સાથે પકડી પાડ્યા હતા. પકડાયેલા તાસપ્રેમીઓમાં ભરત ભાણજી બાટવીયા, ભગવાનજી નાથા ગુજરાતી, સવજી કનું સરવૈયા, હરસુખ જેરામ ગુજરાતી, કમલેશ વજુ મકવાણા રહે. તમામ જેપુર તથા લુનીવાવના ભાવેશ પ્રભુદાસ ગોંડલિયા નો સમાવેશ થતો હોવાનું પોલીસ જણાવે છે.

 કશ્યપ જોશી જેતપુર - 9974262812

 

જેતલસર ખૂન કેશના ચોથા આરોપીને ઝડપી લેતી તાલુકા પોલીસ 

જેતલસર તા.29

જેતલસરના દલિત યુવાનની હત્યા કેશમાં સંડોવાયેલ ચોથા આરોપીને પણ જેતપુર તાલુકા ફોજદાર કરમટીયાએ ઝડપી લઇ તેને પણ રિમાન્ડ પર લેવા તજવીજ હાથ ધરી છે. જયારે અગાઉ પકડાયેલા અને 3 દિવસના રિમાન્ડ પર લેવાયેલા ત્રણેય આરોપીઓએ આજે રીમાન્ડના બીજા દિવશે પણ કઈ નવી વિગતો ઓકતા ના હોય પોલીસ મુંજવણ ભરેલી સ્થિતિમાં તપાસ આગળ ધપાવી રહી છે.

આ અંગે મળતી વિગતો મુજબ જેતલસર ના દલિત યુવાન મહેશ જેન્તી ગોહેલની જુના મન દુઃખને કારણે તેનાજ કૌટુંબિક બે ભાઈ સમાન મિત્રો જેતલસરના જીતેશ હીરા ગોહેલ અને કિરણ ભલા ગોહેલ ના સહારે જુનાગઢના સાગર બાબુ રાઠોડ અને સમીર ઉર્ફે જયેશ ઉર્ફે ભૂરો દેવશી ચાંડપ્પા એમ ચારેયે હત્યા કરી નાંખતા જેતલસર પંથકમાં ચકચાર જાગી હતી. 

બીજીબાજુ જેતપુર તાલુકા પીએસઆઈ  આર.એન.કરમટીયાએ માત્ર્રા મૃતક મહેશ ગોહેલના લોહીવાળું ટીશર્ટ અને ચપલને આધારે ગણતરીની કલાકોમાં મહેશને ઢાળી દેનારા 2 જેતલસરના સહીત 3 ને પકડી પાડ્યા હતા. જયારે ભૂરિયો દેવશી (રહે. મૂળ વેરાવળ તાલુકાના ઉમવાળા) નાશી છૂટ્યો હતો. પોલીસે ભૂરિયાની શોધખોળ વચ્ચે જીતેશ, સાગર, અને કિરણને જેતપુરની કોર્ટમાં રજુ કરી રીમાન્ડની માંગણી કરતા કોર્ટે 3 દિવસના રિમાન્ડ મંજુર કર્યા હતા. જે રીમાન્ડના આજે બીજા દિવશે પણ ઉક્ત ત્રિપુટીએ જેતપુર તાલુકા પોલીસને કોઈ અસરકારક વિગતો કે કબુલાત આપી નથી.

પરંતુ મહેશની હત્યા બાદ ભાગતો ફરતો ભૂરિયો જૂનાગઢમાં હોવાની બાતમી પરથી આજે તાલુકા ફોજદાર કરમટીયાએ સ્ટાફના ગૌત્તમભાઈ ત્રીવેદી , અનિલભાઈ વિગેરેને સાથે રાખી આજે જુનાગઢના રાજીવનગરમાં ત્રાટકી ત્યાં રહેતા ભૂરિયાને દબોચી લઇ જેતપુર લઇ આવ્યા હતા. ભુરીયાએ પોલીસ ટ્રીટમેન્ટ વચ્ચે મહેશના ખૂનમાં વપરાયેલ મૂળ લોહીવાળી છરી આજે રોડ પરના રસિકભાઈના મકાનની કંપાઉંડ વોલ પાસે દાટી હતી તે કાઢી આપી હોવાનું ફોજદાર કરમટીયા જણાવે છે. 

તાલુકા પોલીસે આજે પકડાયેલા ભૂરિયાને પણ રિમાન્ડ પર લેવા તજવીજ હાથ ધરી છે.

તાલુકા પોલીસે એમ પણ જણાવેલ કે ચારેય ખૂનીઓ પકડાઈ ગયા છે પણ મહેશની લાશનું લોકેશન બતાવવામાં ચારેય ગલ્લા તલ્લા કરતા હોય, મહેશની લાશ મળવી મુશ્કેલ હોવાનું ખુદ પોલીસને સ્વીકારવું પડે તેવી હાલત ઉભી થઇ છે.

કશ્યપ જે. જોશી જેતલસર 9974262812

અમરનગર જૈન દેરાસરમાં ધ્વજારોહણ કરાયું 

જેતપુર તા.29

તાજેતરમાં જેતપુરના અમરનગર ગામે જૈન દેરાસરમાં દેવળકીના વયોવૃદ્ધ વણિક બટુકલાલ મહેતાના અધ્યક્ષસ્થાને ધ્વજારોહણ કાર્યક્રમ યોજાયો હતો. જેમાં ધર્મપ્રેમી જનતા, જેતપુર ટેલીફોન એક્ષચેન્જના અધિકારી સોનીગ્રા, વડીયા બ્રહ્મસમાજના અશ્વિનભાઈ મહેતા, દેરાસરના પુજારી ભીખુભાઈ, બેંકસુત્રો વિગેરેની હાજરીમાં મહાવીર ભગવાનની પૂજા અર્ચના બાદ ધામધૂમથી ધ્વજારોહણ કાર્યક્રમ સંપન્ન કરાયો હતો. આ તકે ઉપસ્થિત ભાવિકોને બટુકભાઈ મહેતાએ પ્રસાદ અને પ્રભાવના આપી હતી.

ફોટો : કશ્યપ જોશી જેતપુર - 9974262812

જેતપુરમાં બ્રહ્મ છાત્રોને મફત પાઠ્ય પુસ્તકો વિતરણ કરાશે

શ્રી પરશુરામ સેના દ્વારા 

જેતપુરમાં બ્રહ્મ છાત્રોને મફત 

પાઠ્ય પુસ્તકો વિતરણ કરાશે

જેતપુર તા.29

જેતપુર શહેર અને તાલુકા વિસ્તારમાં વસતા અને ધો.1 થી 12 માં અભ્યાસ કરતા બ્રહ્મસમાજના વિદ્યાર્થી બાળકોને પ્રતિ વર્ષની જેમ આ વર્ષે પણ વિના મુલ્યે પાઠ્ય પુસ્તકો આપવાનું આયોજન શ્રી પરશુરામ સેના જેતપુર દ્વારા આયોજન કરાયું છે. જેનો લાભ લેવા ઈચ્છાતા છાત્રોના વાલીઓએ ફોર્મ સ્વીકારવાની છેલ્લી તારીખ 5-6-2015 ધ્યાને લઇ, જરૂરી ફોર્મ્સ, જેતપુરમાં જુના પાંચ પીપળા રોડ પર આવેલ જ્ઞાન જ્યોત વિદ્યાલય ખાતેથી મેળવી લેવા તેમજ વધુ વિગતો માટે 98258 11278 / 99981 94790 મો. ઉપર સંપર્ક સાધવા અનુરોધ કરાયો છે.

જેતપુરમાં અખિલ સૌરાષ્ટ્ર ઝાલોરી પિંજારા 

મુસ્લિમ પરિવારના પ્રથમ સમુહલગ્નનું આયોજન 

જેતપુર તા.29

ઝાલોરી પિંજારા મુસ્લિમ સમાજ એજ્યુકેશન-ચેરીટેબલ ટ્રસ્ટ, જેતપુર દ્વારા તા.31.5. ને રવિવારે અહીના મહાત્મા ગાંધી રોડ પર આવેલ તાલુકા શાળા ખાતે અખિલ સૌરાષ્ટ્ર ઝાલોરી પિંજારા મુસ્લિમ પરિવારના સૌ પ્રથમ સમૂહલગ્નોત્સવનું આયોજન કરાયું છે. 

જેતપુરના ઉપરોક્ત  આયોજક સંસ્થા સાથે બાગે મુસ્તુફા યંગ કમિટી-જેતલવડ, બાગે મુસ્તુફા કમિટી-રાણપુર, બાગે મુસ્તુફા કાદરીયા યંગ ગ્રુપ ધોરાજી, બાગે મુસ્તુફા યુવા સર્કલ જુનાગઢ, બાગે મુસ્તુફા યુવા મંડળ  બાગે મુસ્તુફા યંગ કમિટી મોણવેલ એમ તમામ કમિટીઓની સેવા અને મુસ્લિમ સમાજના અગ્રણીઓની હાજરીમાં 11 નવયુગલો નિકાહ પઢનાર હોય, ઝાલોરી પિંજારા મુસ્લિમ સમાજના લોકોએ સમૂહલગ્નનો લાભ લેવા સમૂહ લગ્ન સમિતિ જેતપુરના પ્રમુખ મહેબુબભાઈ પઠાણ, મંત્રી રફીકભાઈ તર્ખેસા વી. નો અનુરોધ છે.

કશ્યપ જે. જોશી જેતપુર 99742 62812

જેતપુર પાલિકાએ દેરડી રોડ પર બનાવેલ

ધર્મપ્રેમી જનતાની માંગને ધ્યાને લઈને 

જેતપુર પાલિકાએ દેરડી રોડ પર બનાવેલ 

મૃત પશુના ઓરડાનું 8મીએ લોકાર્પણ 

જેતપુર તા.29 જેતપુરના દેરડી રોડ પર નગર પાલિકાએ સ્વભંડોળમાંથી મૃત પશુઓને ખોલવા માટે બનાવેલા 2 ઓરડાનું આગામી 8.6.2015 ના રોજ લોકાર્પણ થનાર હોવાનું પાલિકા પ્રમુખ રમાબેન મકવાણા જણાવે છે.

મળતી વિગતો મુજબ જેતપુરના સારણના પુલ વિસ્તારમાં ખુલી જગ્યાએ મૃત પશુઓને ખોલવાનું કામ થતું હોય, આ વાત ધર્મપ્રેમી જનતા માટે કાયમ માથાના દુખાવા સમાન બની રહેતી. આ વાતનું તાકીદે નિવારણ લાવી આ પ્રકિયા કોઈ બંધ મકાનમાં કરાઈ તેવી અવારનવારની માંગોને ધ્યાને લઇ, જેતપુર નવાગઢ નગર પોલીકાએ સ્વભંડોળમાંથી દેરડી રોડ પર 2 રૂમ બાંધી આપ્યા છે. જે બાંધકામની ચકાસણી માટે તાજેતરમાં પાલિકા પ્રમુખ, ચીફ ઓફિસર, પાલિકા ઉપપ્રમુખ, વણકર સમાજના પ્રમુખ માધાભાઈ ડાયાભાઇ વેગડા,હરિભાઈ મંગાભાઈ બગડા, સોમાભાઈ બારોટ અને સિંઘલ, જેઠાભાઈ વાઘેલા વી. એ મુલાકાત લીધી હતી.

ફોટો : કશ્યપ જોશી જેતપુર 9974262812

 

દુવિધા બસસ્ટેન્ડની :

દુવિધા બસસ્ટેન્ડની :

જેતપુર-સોમનાથ ફોરલાઈન કામગીરી કરતી કંપનીએ જેતલસરમાં બસસ્ટેન્ડ ઉભું કર્યું છે. પણ સંબંધિત તંત્રએ આ બસસ્ટેન્ડમાં કોઈ પણ પ્રકારની બેઠક વ્યવસ્થા ઉભી કરી ના હોય, પ્રસ્તુત તસ્વીરમાં દેખાઈ રહ્યા મુજબ લોકોને બેસવું પડે છે. આ બાબતે તત્કાલીલ ઘટતું કરવા ગામના ખોડિયાર પાનવાળા શૈલેશ(ગીધો)વલ્લભભાઈ ઠુંમર સહિતના જાગૃત માણસોએ માંગ કરી છે.

ફોટો લાઈન : કશ્યપ જોશી જેતલસર 

જુનાગઢ પંથકના 2 યુવાનોએ જેતલસર સ્થિત 2 મિત્રોની મદદથી જેતલસરના દલિત યુવાનને ઠંડા કલેજે પતાવી દેતા ચકચાર !! પોલીસે જેતલસરના 2 સહીત 3 ની કરી ધરપકડ : લાશ હજુ હવામાં !?

જુનાગઢ પંથકના 2 યુવાનોએ જેતલસર સ્થિત 2 મિત્રોની મદદથી 

જેતલસરના દલિત યુવાનને ઠંડા કલેજે પતાવી દેતા ચકચાર !!

પોલીસે જેતલસરના 2 સહીત 3 ની કરી ધરપકડ : લાશ હજુ હવામાં !?

જેતપુર તાલુકા પોલીસે પકડેલા જેતલસર ખૂન કેશના 3 આરોપીઓ 

જેતલસરના દલિત યુવાનને ઠંડા કલેજે પતાવી દેતા ચકચાર !!

જુનાગઢ પંથકના 2 યુવાનોએ જેતલસર સ્થિત 2 મિત્રોની મદદથી 

જેતલસરના દલિત યુવાનને ઠંડા કલેજે પતાવી દેતા ચકચાર !!

પોલીસે જેતલસરના 2 સહીત 3 ની કરી ધરપકડ : લાશ હજુ હવામાં !?

હત્યાના કારણમાં જુની તકરાર કારણભૂત..દોઢ મહિના થયા ભેદી સંજોગોમાં ગુમ મહેશના લોહીયાળ કપડા, હાથનું કડુ, તથા ચપલ મળી આવતા તાલુકા પોલીસના ફોજદાર રઘુભાઈ કરમટીયાએ શરુ કરેલ તપાસના દૌર મળેલી સફળતા : પંથકમાં સનસનાટી !!

(કશ્યપ જોશી ) જેતલસર તા.26

જેતલસરમાંથી દોઢ મહિના થયા ભેદી સંજોગોમાં ગુમ થયેલ એક દલિત યુવાનની જુના મનદુઃખને કારણે પૂર્વયોજિત ઘટના હત્યામાં પરિણમતા જેતપુર તાલુકા પોલીસે  ઘટનામાં સંડોવાયેલ જેતલસરના 2 અને એક જૂનાગઢનો એમ 3 લવરમુછીયાંને ઝડપી લઇ, હવામાં ઓગળી ગયેલા ડુંગરપુરના ભૂરાની શોધખોળ આદરી છે. 

સમગ્ર જેતલસર પંથકમાં ચકચાર જગાડનાર અને દલિત સમાજમાં રોષ સાથે અરેરાટી ઉપજાવનાર બનાવની  મળેલી સિલસિલાબદ્ધ હકીકતો જોઈએ તો જેતલસરના ડેડરવા રોડ પર ગાયત્રી નગરની સામે આવેલ આંબેડકરનગરમાં રહેતો મહેશ જેન્તી ગોહેલ નામનો 33 વર્ષીય દલિત યુવાન ગત તા.15-4-2015 ના રોજ ઘરેથી કોઈને કહ્યા વગર ચાલ્યો જતા, તેમના નાનાભાઈ રોહિત અને માતા સહિતના પરિવારજનોએ આજુબાજુ તેમજ સગાવહાલાઓમાં તપાસ કરી હોવા છતાં મહેશનો ક્યાંય પત્તો લાગ્યો નહોતો..પરિણામે મહેશના નાનાભાઈ રોહિતે જેતપુર તાલુકા પોલીસમાં મોટોભાઈ મહેશ ગુમ હોવાની તા.24-4-2015 ના રોજ નોંધ કરાવી હતી.

બીજીબાજુ મહેશની ચાલચલગત અને રહેણીકહેણી અંગે જેતપુર તાલુકા ફોજદાર રઘુભાઈ કરમટીયાએ જીણવટ ભરેલી તપાસ દરમિયાન પણ મહેશના ક્યાય પોલીસને સગડ મળ્યા નહોતા. આમ છતાં પોલિસની ગુપ્ત તપાસ વચ્ચે ગઈકાલે કોઈએ પોલીસને જાણ કરી હતી કે, જેતલસરના મામાદેવવાળી જગ્યાની પાછળના જંગલી વિસ્તારમાં કોઈનું લોહીવાળું ટીશર્ટ, હાથનું કડુ તેમજ ચપલ પડ્યા હોય તપાસ કરવી જરૂરી છે.

જેતપુર તાલુકા પોલીસને આવી બાતમી મળતાજ ફોજદાર રઘુભાઈ કરમટીયાએ સ્ટાફના ગૌત્તમભાઈ ત્રિવેદી, મજનુભાઇ મનાત, દિવ્યેશ આહીર, જયવીરસિંહ રાણા સહિતનો કાફલો મારતે ઘોડે જેતલસર પહોંચી, બાતમીવાળી વસ્તુઓ(કપડા વી.) જેસીબી મારફત ખાડો ખોદાવી બહાર કાઢી, ગામના ભેદી સંજોગોમાં ગુમ યુવાન મહેશના ભાઈ રોહિતને બતાવતા રોહિતે આ બધું તેમના મોટાભાઈ મહેશનું જ હોવાની વિગતો આપતા, ગુમસુધ્ધા યુવાનની ઘટના હત્યાના બનાવમાં ફેરવાઈ હોવાની શંકા સાથે મહેશના મોબાઈલની કોલ્સ ડીટેઈલ્સ તપાસતા જુનાગઢના બીલખા રોડ પર આવેલ આંબેડકરનગરમાં રહેતા સાગર ઊર્ફે સચિન બાબુ રાઠોડ (ઉ.વ.22) અને ભૂરો (રહે.ધરાર નગર-ડુંગરપુર) ના કોલ્સને શંકાના દાયરામાં રાખી પોલીસે બંનેની શોધખોળ આદરતા સાગર રાઠોડ પકડાઈ ગયો હતો. જેની આગવી ઢબે સરભરા કરતા સાગર પોપટ બની જઈ, મહેશની મર્ડરમિસ્ટ્રી વર્ણવતા પોલીસ પણ ચોંકી ગઈ હતી. સાગરે મહેશની હત્યામાં તેમનો એક ભૂરો નામનો મિત્ર અને જેતલસરના 2 લવરમૂછીયા જીતેશ ઉર્ફે જીતો હીરાભાઈ ગોહેલ(ઉ.વ.21), કિરણ ઉર્ફે કટીયો ભલાભાઈ ગોહેલ(ઉ.વ.19)ના નામો આપતા જેતપુર તાલુકા પોલીસે ગણતરીની કલાકોમાં જેતલસરના આ બંને યુવાનોને પણ ઝાલી લીધા હતા. જયારે નાશતા ફરતા ભૂરિયાને પકડવા ચક્રો ગતિમાન કર્યા છે.

બોક્સ: મહેશનું શુંકામ ઢીમ ઢાળી દેવાયું ??

જેતલસર: પોલીસને એવી વિગતો સાંપડી છે કે જુનાગઢના સાગર રાઠોડની બહેન  જેતલસરમાં ભરત ઉર્ફે ભલીયો કરશન ચૌહાણના પરિવારમાં શ્વસુરગૃહ ધરાવતી હોય, સાગર સમયાંતરે જેતલસર આવતો, ત્યારે કોઈ પારિવારિક બોલાચાલી દરમિયાન મહેશ અને સાગર વચ્ચેની ઉગ્ર તકરાર મારામારીમાં ફેરવાતા જ્યારે જ્યારે સામસામા આવી જતા મહેશ અને સાગર વચ્ચે બોલાચાલી અને માથાકુટો થયા કરતી. જે વાતનો કાયમી નિવેડો લાવવા સાગરે તેમના મિત્ર ભૂરો અને મહેશના એક તબક્કે કૌટુંબિક મિત્રો એવા જેતલસરના જીતેશ અને કિરણની મદદથી મહેશનું ઢીમ ઢાળી દીધાની પોલીસને પ્રાથમિક વિગતો મળી રહી છે.

બોક્સ: ઘટનાને અંજામ કઈ રીતે અપાયો ??!

જેતલસર: બનાવની સચોટ માહિતીઓ આપવામાં બંધ મોઢાને ખોલવા ના માંગતી પોલીસ વચ્ચેજ મળેલી અને ચર્ચાતી વિગતો એવી હતી કે જુનાગઢના સાગરે મિત્રો ભૂરો, જીતેશ અને કિરણની મદદથી મહેશને મામાંદાદાની જગ્યા પાછળના એક અવાવરું ગોદામ (જુનવાણી ટોટાનું ગોદામ) માં દારૂ પીવા બોલાવ્યો હતો. જ્યાં શરાબ પાર્ટી પતાવ્યા પછી ચારેય મિત્રોએ મહેશને ઉપરાછાપરી છરીઓના ઘા ઝીંકી, નજીકના એક ઊંડા ખાડામાં ગબડાવી, પથ્થરો અને ધૂળ નીચે મહેશને દાંટી ચારેય નાશી છુટ્યા હતા. આવી મર્ડરમિસ્ત્રી પકડાયેલ ત્રણેય તહોમતદારોએ પોલીસ સમક્ષ કબુલી હતી. પણ પોલીસ આવી વિગતોમાં સતત આઘી ભાગતી જોવા મળી હતી.

બોક્સ: પોલીસની તપાસ સમયે જીતેશ અને કિરણ સાથેજ રહેતા !!

જેતલસર: ગામના જાણકારો અને અને અમુક પોલીસમિત્રોમાં ચર્ચાતી વિગતો મુજબ ગુમસુધાં મહેશની શોધખોળ કરવા જ્યારે જયારે તાલુકા પોલીસ જેતલસરમાં આવતી ત્યારે અજાણ્યા બની જેતલસરનો કિરણ અને જીતેશ પોલીસની આજુબાજુજ ફરતા અને મહેશની સાથે કોણ કોણ ઘરોબો રાખતા તેની વાયા મીડયા માહિતીઓ પોલીસને આપતા, પણ આ બંને જ મહેશની હત્યાની ઘટનામાં સંડોવાયા હોવાની વિગતો બહાર આવતા પોલીસ પણ હબક ખાઈ ગઈ છે.

બોક્સ: મૃતકના ભાઈએ શું કહ્યું એફ.આઈ.આર.માં ??

જેતપુર: જેતલસરમાં ચાર યુવાનોના કારસા વચ્ચે હત્યાનો ભોગ બનેલા મહેશ જેન્તી ગોહેલના નાના ભાઈ રોહિતે નોંધાવેલી એફઆઈઆર માં જણાવેલ છે કે તેમનો મોટોભાઈ શરાબ પીવાની ટેવવાળો હતો. તેમજ સાગર અને ભુરીયા સાથે દારૂ જેવી બદીમાં ફસાઈ ગયો હોય, તેમજ અગાઉના મનદુઃખનો ખાર રાખી એકબીજાએ મદદગારી કરી, તીક્ષણ હથિયાર વડે મહેશને મોતને ઘાટ ઉતારી, પુરાવાના નાશ માટે મહેશની લાશને સગેવગે કરી નાખી છે. પોલીસે રોહિતની ફરિયાદ ફરથી સાગર, ભૂરિયો, જીતેશ અને કિરણ સામે ઈપીકો કલમ 302, 201 અને 114 મુજબ ગુનો નોંધી સાગર, જીતેશ અને કિરણની ધરપકડ કરી, નાશી છુટેલા ભુરીયાને પકડવા ચક્રો ગતિમાન કર્યા છે.

બોક્સ: મૃતકના કોઈ અસ્થી મળ્યા નથી : પોલીસ 

જેતલસર: જેતલસરના ગુમ યુવાનનો બનાવ હત્યામાં ફેરવાયા બાદ મૃતક યુવાનના હાડકા, ખોપડી, કે શરીરના અંગો મળ્યા છે કે કેમ ? તે વાતની પૂછપરછ દરમિયાન પોલીસ સુત્રોએ જણાવેલ કે મહેશના લોહીવાળા કપડા અને ચપલ સિવાય કશું મળ્યું નથી. મોઢા એટલી વાતો એ કહેવત મુજબ આ બધી વાતોને પોલીસે અફવામાં ખપાવી છે.

બોક્સ: 24 કલાક પછી પણ પોલીસ લાશ ક્યા છે ? તેનાથી અજાણ ??

જેતલસર: ગત મોડી રાત્રીના જ બનાવ સ્થળે મળેલા પત્રકારોને માહિતી આપવાની વાતમાં મોઢું ફેરવી લેતી પોલીસે છેલ્લી 24 કલાક થયા મહેશની હત્યામાં સંડોવાયેલ મનાંતા સાગર, કિરણ અને જીતેશ પાસેથી તેઓએ મહેશની લાશ ક્યા સગેવગે કરી છે ? તેની માહિતી ઓંકાવવામાં નિષ્ફળતા મેળવી હોય, જો સાંયોગિક પુરાવાઓ નહિ મળે તો આ હત્યાના કસુરવારો પોલીસ સકંજાની બહાર ચાલ્યા જશે તેવી જાણકારોએ દહેશત વ્યક્ત કરી છે.

બોક્સ: ડોગસ્કવોડ આંટો મારી ચાલી ગઈ !!

જેતલસર: ગઈ મોડી રાત્રીના ફોજદાર રઘુભાઈ કરમટીયા, મોટો પોલીસ કાફલો, ગ્રામજનો અને મામલતદાર કચેરીના નીખીલ મહેતા, પત્રકારો વી ની હાજરીમાં જેતલસર બનાવ સ્થળે આવી પહોંચેલ રાજકોટની ડોગસ્કવોડના સ્વાનને લોહીવાળું ટીશર્ટ, ચપલ સુંઘાડાયા હતા, પણ બનાવ સ્થળે લાંબી ચક્કર મારી ડોગસ્કવોડ પરત ચાલી ગઈ હતી. જતા જતા ડોગસ્કવોડના સ્ટાફે જણાવેલ કે 45 દિવસ જેવો સમય થઇ ગયો હોય, આ પ્રકરણ ઘેરું બન્યું છે. જો આઠેક દિવસનો બનાવ હોત તો ડોગસ્કવોડ ધણી અસરકારક કામગીરી કરી શકી હોત.

અહેવાલ અને ફોટો : કશ્યપ જે. જોશી જેતલસર(જેતપુર) 99742 62812

     

 

જેતલસર નઝીક રીક્ષા હડફેટે યુવાન ઘાયલ

જેતલસર નઝીક રીક્ષા હડફેટે યુવાન ઘાયલ 

જેતલસર તા.25

જેતલસર જંકશનમાં રહેતો અમિત મીના નામનો 20 વર્ષનો યુવાન જુનાગઢ તરફ પોતાનું બાઈક લઈને જતો હતો ત્યારે જેતલસર ગામ નઝીક જીજે3 ડબલ્યુ 1993 નંબરની પેસેન્જર રીક્ષા ચાલકે અમિતના બાઈકને હડફેટે લઇ નાશી છૂટ્યો હતો. જયારે ઘાયલ અમિતને સારવાર માટે જેતપુર ખસેડાયાની જાણ પરથી તાલુકા પોલીસે નાશી છુટેલા ઉક્ત રીક્ષા ચાલકને પકડવા તપાસ આદરી છે.

કશ્યપ જે. જોશી જેતલસર જેતપુર 99742 62812

જેતપુરમાં રાજ્યમંત્રી-પાલિકાસુત્રોએ સાફસફાઈ હાથ ધરી

જેતપુરમાં રાજ્યમંત્રી-પાલિકાસુત્રોએ સાફસફાઈ હાથ ધરી

જેતપુર તા.25

ગઈકાલે રવિવારે જેતપુરમાં રાજ્યમંત્રી જયેશભાઈ રાદડિયા અને જેતપુર નવાગઢ નગર પાલિકા પ્રમુખ રમાબેન મકવાણાના નેજા હેઠળ મહાત્મા ગાંધી રોડ પર સાફસફાઈ ઝુંબેશ હાથ ધરાઈ હતી. જેમાં ભાજપના હિતેશ રાવલ, મીનાક્ષીબેન સોજીત્રા, બિંદીયા મકવાણા, કિશોર શાહ, જેતપુર તાલુકા પંચાયત પ્રમુખ નીતાબેન, વિગેરે જોડાયા હતા.

કશ્યપ જોશી જેતપુર 99742 62812

જેતપુરમાં કોઈ શાળા સંચાલકો ગરીબોને ભણાવવા તૈયાર નથી, બોલો !!

જેતપુરમાં કોઈ શાળા સંચાલકો ગરીબોને ભણાવવા  તૈયાર નથી, બોલો !!

આરટીઈ અંતર્ગત બાળકોને પ્રવેશ આપવામાં જેતપુરના શાળા સંચાલકોના રીતસરના ઠાગાઠૈયા ! વાલીઓ ભારે મુજવણમાં !?

જેતપુર તા.25

જેતપુર શહેરના મોટાભાગના શાળા સંચાલકો પોત પોતાની શાળામા ધોરણ 1 ના વિદ્યાર્થીઓની સંખ્યા અને ફીના ધોરણ બાબતે સ્થાનિક વાલીઓ અને શાશનાધીકારીને જાણે ઉંધા ચશ્માં પહેરાવી ગરીબ બાળકોને પ્રવેશ(આરટીઈ અંતર્ગત) આપવામાં રીતસરના ઠાગાઠૈયા કરતા હોવાના આક્ષેપ સાથે જેતપુર નવાગઢ શહેર વાલી મંડળે લાગતા વળગતા શૈક્ષણિક સત્તાધીશોને લેખિત રજુઆતો કરી છે.

 આ બાબતે મળતી વિગતો મુજબ, રાજકોટ જીલ્લા શિક્ષણાધિકારી, જીલ્લા પ્રાથમિક શિક્ષણાધિકારી વિગેરેને લેખિત રજૂઆત કરી જણાવ્યું છે કે જેતપુર શહેરમાં સરકારના રાઈટ ટુ એજ્યુકેશન અંતર્ગત શિક્ષણ મેળવવા 268 જેટલા બાળકોએ ધો.1 માં પ્રવેશ ફોર્મ ભર્યા છે. બીજીબાજુ દરેક ખાનગી શાળામાં સરકારના આ નિયમ મુજબ 25 ટકા બાળકોને પ્રવેશ ફરજીયાત આપવો તેવો સરકારના આદેશ છે. 

પણ અહીના શાળા સંચાલકો પોત પોતાની શાળામાં ભણતા ધોરણ 1 ની સંખ્યામાં વ્યાપક ગોટાળા કરી, સ્થાનિક શાશનાધિકારીને અને વાલીઓને ઉંધા ચશ્માં પહેરાવાની કોશિશ કરતા હોય, ઉક્ત 268 છાત્રોમાંથી પણ અનેક બાળકો પ્રવેશથી વંચિત રહી જાય તેવો તાલ સર્જાયો છે.

બોક્સ: છાત્રોની સંખ્યા બાબતે શાળા સંચાલકોએ આવું કર્યું !!?? 

જેતપુર: સરકારી નિયમ મુજબ ફરજીયાત 25 ટકા બાળકોને પોતાની નિશાળમાં પ્રવેશ આપવાના સરકારી પરિપત્રથી મુંજાયેલા જેતપુરના મોટાભાગના શાળા સંચાલકોએ પોત પોતાની શાળામાં ધો.1 ના છાત્રોની ઓછી સંખ્યા દેખાડવા માંડ્યા?! દા.ત. જો કોઈ શાળા સંચાલક પોતાની શાળામાં ધો.1 ના છાત્રોની સંખ્યા 100 બતાવે તો 25 ગરીબ બાળકોને પ્રવેશ આપવો પડે. તેના બદલે 26, 36, 42 એવી સંખ્યા બતાવતા સ્થાનિક વાલીમંડળને શંકા જતા આ બારાની ઉચ્ચ શિક્ષણ તંત્રને રજુઆતો કરી છે.

બોક્સ: જી.શિક્ષણાધિકારી આટલું તપાસે એટલે સત્ય બહાર આવે !?

જેતપુર: જેતપુર નવાગઢ વાલી મંડળના પ્રમુખ જીતુભાઈ લાડવા(એડવોકેટ), ઉપપ્રમુખ મહમદભાઈ વી. જણાવે છે કે ધો.1 ના બાળકોને સંખ્યા બાબતે વાલીઓ સહીત સૌને ઉંધી ટોપી પહેરાવી રહેલા જેતપુરના શાળા સંચાલકોની આંખો ઉઘાડવા છેલ્લા 3 વર્ષ (2013-14-15) ના હાજરી પત્રકો, છાત્રોની માસિક ફી, સત્ર ફી, પ્રવેશ ફી વી.ની તાત્કાલિક કાર્બન કોપી જીલ્લા શિક્ષણાધિકારી મંગાવે તો દૂધનું દૂધ અને પાણીનું પાણી થઇ જવાની શક્યતાઓ નકારી શકાય નહિ !? (કશ્યપ જે. જોશી જેતપુર 99742 62812)

++++++++++++++++++++++++++++++++++++++++++

જેતપુરના લેખકનું સન્માન 

જેતપુર તા.25

તાજેતરમાં વઢવાણમાં યોજાયેલ કાર્યક્રમ દરમિયાન નિર્મિત મેગેઝીન દ્વારા જેતપુરના લેખક જીતુભાઈ ધાધલને શ્રી ઝવેરચંદ મેઘાણી સાહિત્યિક પત્રકારત્વ એવોર્ડ(2014-15) એનાયત કરીને સન્માનિત કરાયા હતા.

ફોટો : જીતુભાઈ ધાધાલનો એવોર્ડ સાથે  (કશ્યપ જે. જોશી જેતપુર 99742 62812)

++++++++++++++++++++++++++++++++++++++++++++++

રાજકોટ રૂરલ એલસીબીના જમાદાર ભુરાભાઈ માલીવાડે પકડી લીધો 

પોરબંદર-જુનાગઢ-રાજકોટ જીલ્લામાંથી નાશતો ફરતો 

પ્રોહીબીશન બુટલેગર જેતપુરના બસસ્ટેન્ડમાંથી પકડાયો

જેતપુર તા.25

દેશી દારૂ પકડાવાના અનેક ગુનાઓમાં સંડોવાયેલ અને લાંબા સમય થયા પોરબંદર, જુનાગઢ અને રાજકોટ જીલ્લાના જેતપુર તાલુકા પોલીસના ગુનાઓમાં નાશતા ફરતા જુનાગઢના આરોપીને આજે જેતપુરમાંથી એલસીબી રાજકોટના ભુરાભાઈ માલીવાડે પકડી પાડ્યો હતો.

મળતી વિગતો મુજબ જુનાગઢના ઘંટેશ્વર વિસ્તારમાં રહેતો મુળુ અરજણ રબારી પોરબંદરના કુતિયાણા પોલીસ સ્ટેશનમાં, જુનાગઢના ઈ ડીવીજન પોલીસ સ્ટેશનમાં અને રાજકોટના જેતપુર તાલુકા પોલીસ સ્ટેશનમાં અનેક વાર દેશી દારૂના વેંચાણમાં પકડવાના ગુના સબબ પોલીસ ચોપડે ચડી ચુક્યો છે. પણ વખતો વખત સંબંધિત પોલીસને દારુ દરોડા દરમિયાન હાથતાળી આપી મુળુ  નાશવામાં સફળ રહેતો હોય, ત્રણ જીલ્લાની પોલીસ તેમને શોધતી હતી.

દરમિયાન આ પ્રોબીશન બુટલેગર જેતપુરના એસટી બસસ્ટેન્ડમાં આવ્યો હોવાની રાજકોટ રૂરલ એલસીબીના જમાદાર ભુરાભાઈ માલીવાડને બાતમી મળતા, એલસીબીના પીઆઈ ઉનડકટની સુચનાથી સ્ટાફના નીલેશભાઈ, નરેન્દ્રસિંહ રાણા વિગેરેએ અહીના બસસ્ટેન્ડમાંથી મુળુને પકડી પાડી જેતપુર તાલુકા પોલીસને સોંપ્યો છે. જ્યાં કાયદેસરની વિધિ બાદ મુળુંને ટ્રાન્સફર વોરંટ દ્વારા જુનાગઢ અને કુતિયાણા પોલીસ તરફ રવાના કરાશે.(કશ્યપ જે. જોશી જેતપુર 99742 62812)

ચાર ચાર દિવસની જહેમત છતાં દીપડી પાંજરે પુરાતી નથી ! જેતપુરના વાડાસડા ગામની સીમમાંથી દીપડીના 15-15 દિવસના 2 બચ્ચાને ઉછેરતું જંગલખાતું !!

ચાર ચાર દિવસની જહેમત છતાં દીપડી પાંજરે પુરાતી નથી ! 

જેતપુરના વાડાસડા ગામની સીમમાંથી દીપડીના  

15-15 દિવસના 2 બચ્ચાને ઉછેરતું જંગલખાતું !!

જેતપુર તા.23

જેતપુરના વાડાસડા ગામે આજથી ચાર દિવસ પહેલા ગામલોકોની બાતમી પરથી જેતપુર સ્થિત વનખાતાના સ્ટાફે વાડાસડા દોડી જઈ, પાંજરું ગોઠવી દીપડીને પકડવા પ્રયાસો કર્યા હતા. પણ શેરડીના વાડમાં ધીંગામસ્તી કરતા 15-15 દિવસના 2 બચ્ચા મળી આવતા બચ્ચાને દૂધ પીવડાવી ઉછેરવાની વનખાતું સેવા કરતુ હોવાનું આરએફઓ નંદાણીયે જણાવ્યું હતું.

મળતી વિગતો મુજબ ગઈ 19-5.  રોજ જેતપુર તાલુકાના વાડાસડા ગામે એક દીપડી બચ્ચા સાથે સીમમાં ફરી રહી હોવાની બાતમી મળતા જેતપુર વનખાતાના એમ.ડી.નંદાણીયા સ્ટાફ સાથે આ ગામની સીમમાં દોડી જઈ પાંજરું ગોઠવ્યું હતું.

પણ દીપડી પાંજરા તરફ ફરકતી નહોતી. બીજીબાજુ વાડાસડાના યુવા આગેવાન અશોકસિંહ ચૌહાણના જણાવ્યા પ્રમાણે વનખાતું દીપડીની શોધમાં હતું ત્યારે ગામની સહકારી મંડળીના પ્રમુખ ગોવિંદભાઈ કાનજીભાઈ ચૌહાણની વાડીમાંથી ખેતપાકની વચ્ચેથી ધીંગામસ્તી કરતા કરતા 2 બચ્ચા (15-15 દિવસના) મળી આવતા વન તંત્રે આ બંને બચ્ચાને વહાલથી ઉપાડી લઇ ગુપ્ત સ્થળે રાખી છેલ્લા 4 દિવસ થયા દુધની બોટલ દ્વારા દૂધ પાઈ ઉછેર કરી રહ્યા છે. જો કે દીપડી હજુ પકડાઈ નાં હોય ગામના સીમ ખેડૂત વર્ગમાં ભયનું લખુંલખું પસાર થઇ ગયું છે. અમુક ધીરજ ગુમાવી બેસેલા ખેડૂતોએ ત્યાં સુધી કહ્યું કે દીપડી નાં પકડાય તો કોઈ વાંધો નહિ, પણ વન તંત્ર દીપડીના બચ્ચા જ્યાંથી હાથ લાગ્યા ત્યાં મૂકી જાય તો માં તે માં ની કથની મુજબ દીપડી ગમે ત્યાંથી બચ્ચા સુધી પહોચી જશે.

બોક્સ:  રોજ બચ્ચા રાત્રે પાંજરે મુકાય છે !

જેતપુર: વનખાતાના આરએફઓ નંદાણીયાએ એક મુલાકાત દરમિયાન જણાવેલ કે છેલ્લા ચાર દિવસ થયા રોજ રાત્રીના દીપડીના બચ્ચાને વાડાસડા સીમમાં લઇ જઈને પાંજરે રાખી દીપડીને પકડવા કવાયત આદરાઈ રહી છે. પણ દીપડી જાણે ડરપોક હોય તેમ પાંજરા પાસે ફરકતી નથી.તેઓએ એમ પણ જણાવેલ બચ્ચા ખુબ નાના હોય, બંનેનો જન્મ વાડાસડાની સીમમાં જ થયો હોવો જોઈએ અને દીપડી પણ તેટલા વિસ્તારમાંજ હોવી જોઈએ. આ બાબતે જે હોય તે પણ વાડાસડા ના ખેડૂતોનો ભય દુર કરવા દીપડી પાંજરે પુરાય તે જરૂરી છે.

કશ્યપ જોશી જેતપુર 

++++++++++++++++++++++++++++++++++++++++++++++

15 દિવસ પહેલા અકસ્માતે દાઝેલા 

જેતપુરના વૃધ્ધાનું સારવાર દરમિયાન મોત

જેતપુર તા.23

જેતપુરના ગોંડલ દરવાજા વિસ્તારમાં રહેતા સવિતાબેન ભાણાભાઈ નામના વૃધ્ધા આજથી એક પખવાડિયા પહેલા રસોડામાં પ્રાયમસની ઝાળે દાઝી જતા પ્રાથમિક સારવાર જેતપુર અપાવી વધુ સારવાર માટે રાજકોટ ખસેડાયેલ. જ્યાં તેમનું સારવાર દરમિયાન આજે મોત થયાનું શહેર પોલીસ દફતરે જાહેર કરાયું હતું.

જેતપુરમાં જુગાર દરોડો, ખેલંદો ભાગી ગયો !

જેતપુર તા.23

જેતપુરમાં ભાદરના સામા કાંઠા વિસ્તારમાં એક કે યુવાન પોતાના મોબાઈલ પર જુગાર રમાડતો હોવાની અહીના એએસપી દેસાઈને બાતમી મળી હતી. જેના આધારે ગઈકાલે એએસપીએ સ્ટાફને સાથે રાખી ઉપરોક્ત વિસ્તારમાં ત્રાટકતા મહિપત ઝીલુભાઈ નામનો દરબાર યુવાન પોલીસેને જોઇને નાશી છૂટ્યો હતો. પોલીસે મહીપતના ઘરમાંથી એક મોબાઈલ, રોકડ રૂ.26000 તથા એક બાઈક મળી કુલ રૂ.57000 નો મુદામાલ કબજે કરી ધોરણસરની કાર્યવાહી હાથ ધરી છે.

 કશ્યપ જોશી -જેતપુર 

++++++++++++++++++++++++++++++++++++++++++++++++++++++++++++++++++++++++++++++++++++