ગાંધીનગર,બુધવારઃ ગાંધીનગર સ્થિત સરકારી મધ્યસ્થ મુદ્રણાલય ખાતે એપ્રેન્ટિસની ભરતી કરવામાં આવશે. એપ્રેન્ટિસની એકટ હેઠળ આ મુદ્રણાલયમાં બુક બાઇન્ડીંગ એપ્રેન્ટીસ ટ્રેડની ૨૩ જગ્યા તેમજ મશીન માઇન્ડર એપ્રેન્ટીસ ટ્રેડની પાંચ જગ્યા ૧ લી ઓગષ્ટથી શરૂ થતા ભરતી સત્ર માટે ભરવામાં આવશે.
આ એપ્રેન્ટિસ ટ્રેડ અંતર્ગત ધો.૯પાસ અને ૧૪ થી૨૮ વર્ષની વય ધરાવતા ઉમેદવારો બુક બાઇન્ડીંગ એપ્રેન્ટીસમાં ઉમેદવારી નોંધાવી શકશે જેમને પ્રથમ વર્ષે રૂા.૧૪૯૦/- સ્ટાઇપેન્ડ ચૂકવવામાં આવશે. જયારે એસ.એસ.સી પાસ અને ૧૪ થી ૨૮ વર્ષની વય ધરાવતા ઉમેદવારો મશીન માઇન્ડર એપ્રેન્ટીસમાં ઉમેદવારી નોંધાવી શકશે. આ ટ્રેડ માટે પ્રથમ વર્ષે રૂા.૧૪૯૦/-, બીજા વર્ષે રૂા.૧૭૦૦/- અને ત્રીજા વર્ષે રૂા.૧૯૭૦/- સ્ટાઇપેન્ડ આપવામાં આવશે.લાયકાત ધરાવતા ઉમેદવારોએ તા.૨-૭-૨૦૧૧ સુધીમાં જરૂરી પ્રમાણપત્રોની પ્રમાણિત નકલો સાથે શ્રેયાન વ્યવસ્થાપકશ્રી સરકારી મધ્યસ્થ મુદ્રણાલય, ઘ-૭ સર્કલ પાસે, સેકટર-૨૯, ગાંધીનગરના સરનામે અરજી મોકલવાની રહેશે. આ તાલીમ ફકત એપ્રેન્ટીસ ધારાની જોગવાઇ હેઠળની હોઇ તાલીમના અંતે ઉમેદવારોને છૂટા કરવમાં આવશે તેમ મુદ્રણાલયના શ્રેયાન વ્યવસ્થાપકની યાદીમાં જણાવાયું છે.
ટિપ્પણીઓ નથી:
ટિપ્પણી પોસ્ટ કરો