રાજકોટ – ભૂતકાળમાં ગુજરાત રાજયમાં જાહેર જગ્યાઓ ઉપર બોમ્બ વિસ્ફોટ કરવા માટે સાયકલ તથા ટુ વ્હીલર ઉપર ટીફીન બોક્ષ તથા અન્ય સામાનમાં વિસ્ફોટક સામગ્રી, રાખી બોમ્બ ધડાકા કરવામાં આવેલ છે. જયાં લોકોની વધુ સંખ્યામાં અવર જવર હોય અને વધુ લોકો ભેગા થતા હોય તેવી ભીડભાડવાળી જગ્યાએ થતા આવા બનાવોને નિવારવા તથા આતંકવાદીઓના હિંસાત્મક કૃત્યોને રોકવા શ્રી ગીથા જોહરી પોલીસ કમિશનર, રાજકોટ શહેર દ્વારા ટીફીન બોકસ કે અન્ય કોઇ સામાન સાથેના સાયકલ તથા ટુ વ્હિલર વાહનો જાહેર રસ્તા/રોડ તથા ફુટપાથ ઉપર કોઇ વ્યકિતની દેખરેખ સીવાય (નધણીયાત રીતે) બીનવારસી મુકવા ઉપર પ્રતિબંધ ફરમાવવામાં આવ્યો છે રાજકોટ શહેર પોલીસ કમિશનરની હકુમત હેઠળનો સમગ્ર વિસ્તારમાં આ હુકમો લાગુ પડશે જે તા. ૧૦-૦૬-૨૦૧૧ થી તા. ૯-૦૮-૨૦૧૧ સુધી અમલમાં રહેશે.
ટીફીન બોકસ કે અન્ય કોઇ સામાન સાથેના સાયકલ તથા ટુ વ્હિલર વાહનો જાહેર જગ્યા/રસ્તા તથા ફુટપાથ ઉપર કોઇ વ્યકતીની દેખરેખ સીવાય (નધણીયાતી રીતે) બિનવારસી હાલતમાં મળી આવશે તો તે સાયકલ, ટુ વ્હીલર તથા ટીફીન બોકસ કે અન્ય કોઇ સામાન પોલીસ તપાસ અર્થે કબ્જે લઇ શકશે.
આ હુકમનો ભગં કરનાર શિક્ષાને પાત્ર થશે.
ટિપ્પણીઓ નથી:
ટિપ્પણી પોસ્ટ કરો