રાજયના પોલીસદળમાં ટૂ઼ંક સમયમાં થનાર મોટાપાયે ભરતી
પી.એસ.આઇ અને કોન્સ્ટેબલની અંદાજે ૮૬૦૦ જેટલી જગ્યાઓ ઉપર સીધી ભરતીથી નિમણુંક અપાશે
રાજ્યના પોલીસદળને મજબૂત બનાવવા માટે ટૂંક સમયમાં મોટાપાયે ભરતી કરવામાં આવનાર છે. જેમાં પી.એસ.આઇ. અને કોન્સ્ટેબલની અંદાજે ૮૬૦૦ જેટલી જગ્યાઓ સીધી ભરતીથી ભરવામાં આવશે એમ ગૃહ વિભાગની યાદીમાં જણાવાયું છે.
આ ભરતી કાર્યક્રમમાં પી.એસ.આઇ. કક્ષામાં અનાર્મ્ડ, એસ.આર .પી.એફ. અને ઇન્ટેલીજન્સ ઓફિસર તરીકે જ્યારે કોન્સ્ટેબલ દરજ્જાની આર્મ્ડ, અનાર્મ્ડ, મહિલા, એસ.આર.પી.એફ. બેન્ડ, ધોડેસ્વાર, સ્વાનદળ અને ઊંટદળ જેવી વિવિધ કક્ષામાં ભરતી કરવામાં આવશે.
ઉપરોક્ત જગ્યા ઓ માટે સૌ પ્રથમ શારીરિક કસોટી યોજવ ામાં આવશે. આ કસોટી પાસ કરનાર ઉમેદવારોને જ લેખિત પરીક્ષા માટે બોલાવવામાં આવશે. કોન્સ્ટેબલ સંવર્ગની જગ્યા માટેની લેખિત પરીક્ષાનું એક પેપર રહેશે. જ્યારે પી.એસ.આઇ. સંવર્ગની જગ્યાઓ માટેની લેખિત પરીક્ષા માટે કુલ ચાર પેપર તેમજ પ૦ ગુણનું ઇન્ટરવ્યુ રહેશે.
જ્યારે મહિલા ઉમેદવાર માટે ઊંચાઇ ૧પ૮થી ૧૬૦ સે.મી., વજન ૪૦ કિલોગ્રામ અને ૧૬૦૦ મીટરની દોડ ૯ મીનીટમાં પૂરી કરવાની રહેશે. ઉમેદવાર જો એક્સ સર્વિસમેન હશે તો તેણે ર૪૦૦ મીટરની દોડ ૧ર મીનીટ ૩૦ સેકન્ડમાં પૂરી કરવાની રહેશે.
કોન્સ્ટેબલ સંવર્ગની જગ્યા માટેની લેખિત પરીક્ષાના પ્રશ્નપત્રમાં સામાન્યજ્ઞાન, વર્તમાન પ્રવાહો, મનોવિજ્ઞાન , ઇતિહાસ, ભૂગોળ, સમાજશાસ્ત્ર, વિજ્ઞાન તેમજ ભારતનું બંધારણ, ઇન્ડિયન પીનલકોર્ડ, સી.આર.પી.સી. અને ભારતીય પુરાવા, કાયદાને લગતા પ્રાથમિક પ્રશ્નો આવરી લેવાશે.
જ્યારે પોલીસ સબ ઇન્સ્પેકટર કક્ષાની અલગ અલગ જગ્યાઓ માટેના ચાર પ્રશ્નોપત્રોમાં ગુજરાતી ભાષા, અંગ્રેજી ભાષા, સામાન્ય જ્ઞાન(વર્તમાનપ્રવાહો અને મનોવૈજ્ઞાનિક બાબતો) અને કાયદાકીય બાબતોને લગતા પ્રશ્નપત્રો રહેશે.
અત્રે ઉલ્લેખનીય છે કે રક્ષાશક્તિ યુનિવર્સિટી દ્વારા અપાતા ડિગ્રી , ડિપ્લોમામાં જે ઉમેદવારોએ ડિગ્રી મેળવી હશે જેમાં કોન્સ્ટેબલની ભરતી માટે ડીસ્ટીકશન વર્ગને ૦પ ગુણ , પ્રથમ વર્ગને ૦૪ ગુણ, બીજા વર્ગને ૦૩ ગુણ તથા પાસ વર્ગને ૦ર ગુણ વધારાના મળશે. એજ રીતે પી.એસ.આઇ. માટે ડીસ્ટીકશનમાં ૧પ ગુણ, પ્રથમ વર્ગમાં ૧ર ગુણ, બીજા વર્ગમાં ૦૯ ગુણ તેમજ પાસવર્ગમાં ૦પ ગુણ મળવા પાત્ર થશે.
ટિપ્પણીઓ નથી:
ટિપ્પણી પોસ્ટ કરો