જેતલસરના એસટી કંડકટરનું વૃક્ષ સાથે અથડાતા મોત

રાજકોટ એસટી ડેપોના જામકંડોરણા રૂટમાં ચાલતા 

જેતલસરના એસટી કંડકટરનું વૃક્ષ સાથે અથડાતા મોત

જેતલસર  તા.17

જેતલસર રહેતા અને રાજકોટ એસટી ડેપોના બસ કંડકટરનું આજે સાંજે જેતપુર જેતલસર વચ્ચે અકસ્માતમાં મોત થતા જેતલસરના પટેલ સમાજમાં શોક ફેલાયો છે.

બનાવની મળતી  સાથે તી વિગતો મુજબ જેતલસર ગામે રહેતા વિઠ્ઠલભાઈ હીરજીભાઈ ભુવા (ઉ.વ.55) આજે સાંજે પોતાનું બાઈક લઈને જેતપુરથી જેતલસર આવતા હતા ત્યારે જુનાગઢ રોડ પર આવેલ મામાના મંદિર સામેના એક વૃક્ષ સાથે અચાનક અથડાઈ જતા તેમનું ઘટના સ્થળેજ મોત થયું હતું. 

બનાવની જાણ થતાજ તાલુકા પોલીસના ફોજદાર કરમટીયા, જમાદાર મજનુંભાઈ વિગેરે ઘટના સ્થળે દોડી જઈ મૃતકની ડેડબોડી પીએમ માટે અહીની સરકારી હોસ્પીટલમાં ખસેડી હતી. બનાવ બાબતે એવી વિગતો મળી હતી કે વિઠ્ઠલભાઈ રાજકોટ એસટી ડેપોની જામકંડોરણા રૂટમાં ચાલતી બસમાં કંડકટર તરીકે ફરજ બજાવતા હતા. આ બાબતે રાજકોટ એસટી ડેપોના મેનેજર ખામ્ભલાએ જણાવેલ કે આજે બપોરેજ પોતાની નોકરી પૂરી કરી વિઠ્ઠલભાઈ જેતપુર તરફ નીકળ્યા હતા. પણ આવો બનાવ બન્યો હોવાનું સાંભળવા મળતા એસટી કર્મચારી આલમમાં પણ શોક વ્યાપ્યો છે. પોલીસના પ્રાથમિક તારણમાં એવી વાત બહાર આવી છે કે બાઈક ડ્રાઈવિંગ સમયે કોઈ વાતના વિચારે ચડેલા વિઠ્ઠલભાઈ અકસ્માતે વૃક્ષ સાથે અથડાઈ જતા તેમનું મોત થયું હોવું જોઈએ.

કશ્યપ જેજોશી જેતલસર - 9974262812

મારા શહીદ પુત્રનું જેતલસરમાં સ્મારક નહિ બનાવાય તો મારો જીવ અવગતીએ જશે !!

15-15 વર્ષ થયા રાજકારણીઓ અને સરકારના ઠાલા વચનોથી વ્યથિત શહીદ યુવાનના પિતાનો વલોપાત !

મારા શહીદ પુત્રનું  જેતલસરમાં સ્મારક નહિ 

બનાવાય તો મારો જીવ અવગતીએ જશે !! 

સને 2000 માં શહીદ થયેલ જેતલસરના ફૌજી ધનસુખ ભૂવાનું સ્મારક બનાવવાની વાત ''વાતોના વડા" સાબિત ! 

(કશ્યપ જોશી)  જેતલસર તા.17

આજથી પંદર વર્ષ પહેલા જેતપુર તાલુકાના જેતલસર ગામના સિયાચીન ગ્લેસિયર ખાતે શહીદ ધનસુખ ધીરજલાલ ભૂવાનું જેતલસરમાં સ્મારક બનાવવાની વાતમાં તમામ રાજકારણીઓ અને સરકારે વાતોના વડા જ કર્યા હોય, ખુબ વ્યથિત શહીદના પિતાએ વલોપાત વ્યક્ત કરતા જણાવેલ કે મારા પુત્રનું સ્મારક હું જીવતા નહિ જોઈ શકું તો મારો જીવ અવગતીએ જશે !

દેશની રક્ષા કાજે શહીદ થયેલા એક સપૂતના પિતાને ઉપરોક્ત શબ્દોની વાત વ્યક્ત કરતા કેટલી વેદના અનુભવી હશે ? તે છેલ્લા 15 વર્ષ દરમિયાનના રાજકારણીઓ, ધારાસભ્યો, સંસદસભ્યો કે સ્થાનિક પંચાયતસુત્રો તે આજ દિન સુધી જાણી શક્યા નાં હોય, આ પણ એક દુઃખદ વાત જ ગણવી રહી.

સને 2000 ના વર્ષમાં 20 મી નવેમ્બરે બર્ફીલા વિસ્તાર સિયાચીન ગ્લેસિયર ખાતે શહીદ થયેલ ધનસુખ ધીરજલાલ ભુવા (ધીરજલાલ મુળજીભાઈ ભુવાના પુત્ર ) ના પરિવારજનોને તત્કાલીન મુખ્યમંત્રી કેશુભાઈ પટેલ, પ્રધાન મુળુભાઈ બેરા સહિતના સરકારી તંત્રે સાંત્વના આપતા જણાવેલ કે શહીદ ધનસુખનું સ્મારક બનાવાશેજ ! પણ સરકારમાં બેઠેલા પ્રધાનો સહિતના સત્તાવાળાઓના વચનો ચોકલેટી બની જતા શહીદના પિતા ધીરુભાઈ ભુવાએ પોતાના પુત્રના સ્મારક બાબતે લગભગ તમામના કાન આમળવાનું ચાલુ કર્યું હતું, પણ આ પ્રશ્નનો આજે 15 વર્ષ પછી પણ ઉકેલ ના આવ્યો હોય, શહીદની શહાદત એળે ગયાનું પિતા દુઃખ વ્યક્ત કરે છે. તેઓએ એક એવી પણ ચૌકાવનારી વિગતો આપી હતી કે તેમના શહીદ પુત્રના માનમાં અને શહીદની યાદ કાયમી જળવાઈ રહે તે માટે જેતલસરમાં સ્મારક બનાવવા સરકારે ગ્રામ પંચાયતને રૂપિયા એક લાખની ગ્રાન્ટ આપી હતી. પણ સંબંધિતોના સંકલનના અભાવે, ગામમાં ક્યાય જગ્યા નક્કી નહિ કરી શકાતા ગ્રાન્ટ સરકારમાં પુનઃ જતી રહી હતી ! 

બોક્સ: સ્મારકને લાયક ક્યાય જગ્યા નથી મળતી !??

જેતલસર: ધીરુભાઈએ આ લખનાર સમક્ષ એક એવું દુઃખ વ્યક્ત કર્યું હતું કે માં ભૌમની રક્ષા કાજે મારા દીકરા ધનસુખે પોતાની જાતનું બલિદાન દઈ દીધું ને જેતલસર, જેતપુર, રાજકોટ, ગાંધીનગર કે દિલ્હીના સરકારી તંત્રોને જેતલસરમાં શહીદ સ્મારકને લાયક ક્યાય જગ્યા મળતી કે દેખાતી ના હોય, આ વાતથી મોટી બીજી કઈ કમનશીબી ગામ કે ભુવા પરિવાર માટે હોય શકે ?! તે કહેવાની જરૂર નથી.

બોક્સ: ચાર માર્ગીય રસ્તાનું બહાનું પણ પૂર્ણ થયું !

જેતલસર: જેતલસરની હાઈસ્કુલ કે ડંકીના ચોક વિસ્તારમાં શહીદવીર ધનસુખ ભૂવાનું સ્મારક ઉભું કરવાનું એક તબક્કે પંચાયત અને ગ્રામજનો દ્વારા નક્કી કરાયું હતું, પણ તે વખતે જેતપુર સોમનાથ ચાર માર્ગીય રોડનું કામ મંજુર થઇ ગયું હોય, આ કામ પતે પછી પાછુ કૈક વિચારી શકાય, તેવા રાજકારણીઓ અને સત્તાવાળાઓનું બહાનું પણ પૂર્ણ થયું હોય રોડની કામગીરી પૂરી થઇ હોય, હવે સ્મારક બાબતે કોઈ નિર્ણય લેવાશે કે કેમ ? તેવો ધીરુભાઈનો પ્રશ્ન છે.

બોક્સ: અનેક શહીદોના સ્મારક બની ગયા, મારા દીકરાનું કેમ નહિ ?

જેતલસર: હું જીવતો છું ત્યાં સુધીમાં મારા શહીદ પુત્રનું સ્મારક નહિ બને તો મારો જીવ અવગતીએ જશે તેવો વલોપાત કરનાર શહીદ ધનસુખના પિતા ધીરુભાઈએ જણાવેલ કે કારગીલ ક્ષેત્રે કે અન્ય સ્થળોએ શહીદ થયેલા ગુજરાત ઉપરાંત ભારત ભરના શહીદોના સ્મારકો જે તે ગામો અને શહેરો (કેશોદ, દ્વારકા, પોરબંદર પંથકમાં રાણાવાવ-કુતિયાણા, મેંદરડા, જામજોધપુર) માં તાત્કાલિક બનાવીને શહાદતનો મલાજો જાળવાયો છે, ત્યારે મારા જ શહીદ દીકરાના સ્મારક બાબતે કેમ સરકાર ઊંઘે છે ?, કેમ રાજકારણીઓ રાજકીય રોટલા શેકે છે ? કેમ ધારાસભ્યો-સંસદસભ્યો જાગતા નથી ? તેવા ધીરુભાઈએ પ્રશ્નો કર્યા છે.

ફોટો અને સમાચાર : કશ્યપ જોશી જેતલસર(જેતપુર) 99742 62812

જેતપુરમાં વીજ કંપનીના અધિકારીની બઢતી સાથે બદલી

KASHYAP JOSHI JETPUR JETALSAR 9974262812

જેતપુરમાં વીજ કંપનીના અધિકારીની બઢતી સાથે બદલી 

જેતપુર તા.16

જેતપુર વીજકંપનીના જુનિયર એન્જીનીયર જીગ્નેશ ગઢવીએ જેતપુરથી માણાવદર, ઉપલેટા, જામકંડોરણા, ધોરાજી, જેતપુર વી.શહેરોમાં સારીએવી કામગીરી કરી હતી. સંબંધિત ઉચ્ચ વીજ કંપની સુત્રોએ જૂની.એન્જી. માંથી ડેપ્યુટી એન્જી. તરીકે બઢતી આપી વીજકંપનીની જામનગર સર્કલમાં બદલી કરી હોવાનું તેઓ જણાવે છે.

ફોટો અને સમાચાર --------------કશ્યપ જોશી જેતપુર જેતલસર  9974262812

નવાગઢના 2 શખ્શો દારુ-બીયર સાથે પકડાયા 

જેતપુર તા.16

જેતપુર પોલીસે બાતમીના આધારે નવાગઢના ખાટકીવાસમાં દરોડો પાડતા તોસીફ લાખાણી અને સિકંદર ભીંડીના મકાનમાંથી વિલાયતી શરાબની 10 બોટલ્સ અને બીયરના 4 તીન મળી આવતા પોલીસે ધોરણસરની કાર્યવાહી હાથ ધરી હતી.

કશ્યપ જોશી જેતપુર જેતલસર 

આઈસ્ક્રીમ-શીખંડના પૈસા આપવાના હતા પણ તસ્કરો ઉસેડી ગયા

જેતલસર પંથકના બાવાપીપળિયા ગામે

દુકાનમાંથી રોકડ રૂ.30000 ની ચોરી

જેતલસર તા.15

જેતલસર પંથકના બાવાપીપળિયા ગામે ગત મોડી રાત્રીના એક દુકાનમાં ત્રાટકેલા તસ્કરો રૂપિયા 30 હજાર રોકડની ચોરી કરી ગયાની જેતપુર તાલુકા પોલીસમાં ફરિયાદ નોંધાવાઈ છે.

બનાવની મળતી વિગતો મુજબ જેતલસર પંથકના બાવાપીપળિયા ગામે ગઈકાલે માતાજીનો માંડવો હોય ગામના ભરતગીરી હીરાગીરી ગોસ્વામી નામના વેપારીએ પોતાની ઠંડા પીણાંની દુકાનમાં શીખંડ અને આઈસ્ક્રીમ મંગાવ્યો હતો. આ ખાદ્ય વસ્તુઓના પૈસા સંબંધિત વેપારીને આપવાના હતા. પણ વેપારી પૈસા લેવા ના આવતા ભરતગીરીએ એક પ્લાસ્ટીકની થેલીમાં રૂપિયા 30 હજાર રાખી, દુકાનમાં મૂકી ઘરે ચાલ્યા ગયા હતા. પણ સવારે આવીને જોતા દુકાનના નળિયા ઉંચકાવી કોઈ હરામખોર તસ્કરો આ રોકડ રકમની થેલી ચોરી કરી લઇ જતા આ બારાની તાલુકા પોલીસમાં ફરિયાદ નોંધાવતા ફોજદાર રઘુભાઈ કરમટિયાએ હાથ ધરી છે.

કશ્યપ જોશી જેતલસર 9974262812

 

 

 

સાડી કારખાનામાં મજુરી કરતા અને સવારે કારખાનાનું પરચુરણ કામ કરવા નીકળેલા 

જેતપુરમાં ટ્રકની ઠોકરે બે પરપ્રાંતીય યુવાનોના મોત 

અજાણ્યા સાઈકલ ચાલકને બચાવવા કાવો માર્યો ને બંનેએ જીંદગી ગુમાવી !

જેતપુર તા.15

જેતપુરમાં આજે સવારે એક કારખાનાનું પરચુરણ કામ કરવા નીકળેલા બે પરપ્રાંતીય યુવાનોએ એક જિંદગીને બચાવવા જીવ ગુમાવ્યા હોવાની ઘટનાથી નઝારે જોનારોમાં અરેરાટી ઉપજી હતી.

જે પોષતું તે મારતું જેવી બનેલી ઘટનાની મળતી વિગતો મુજબ જેતપુરના ધોરાજી રોડ પર વીજ કંપનીની કચેરી પાછળ આવેલ યમુના પ્રિન્ટ નામના સાડી કારખાનાના સાદી છાપવાનું મજુરી કામ કરતાઆત્મારામ શિવપૂજન જયસ્વાલ (ઉ.વ.20) તથા શૈયદઅલી અસગરઅલી(ઉ.વ.20) એમ બંને સાડી છાપકામના કારીગરો સાડી  એકમના શેઠનું જીજે3 બી.જી.8537 નંબરના મોટર સાઈકલ પર  નવાગઢ ખાતે જુના કારખાનેથી પરચુરણ કામ પતાવી પરત ફરતા હતા ત્યારે નાઝાવાલા પરા ચોકડી, જગદીશના બંગલા પાસે રોડ ઉપર એક અજાણ્યો સાઈકલ સવાર વચ્ચે પડતા તેમને બચાવવા ઉપરોક્ત બાઈકસવારોએ કાવો મારતા, પાછળ જ આવતા જીજે3 એ ઝેડ 1770 નંબરના ટ્રકની ઠોકરે ચડ્યા બાદ તે જ ટ્રકના તોતિંગ વ્હિલ તળે ચકાદાઈ જતા બંનેના ઘટના સ્થળેજ કરુણ મોત થયા હતા. એકની જીંદગી બચાવવા ગયેલા બે કારીગરોએ જીવ ગુમાવ્યાના 

બનાવની જાણ  થતાજ શહેર પોલીસના પીઆઈ વી.એમ. ગોહિલ સ્ટાફ સાથે દોડી જઈ, જામ થી ગયેલા ટ્રાફિકને પૂર્વવત કરાવી મૃતકોની લાશને પીએમ માટે સરકારી હોસ્પીટલે ખસેડી હતી.

બનાવની મૃતક આત્મારામ શિવપૂજન જયસ્વાલ ના ભાઈ પીન્ટુ શિવપૂજનની ફરિયાદ પરથી શહેર પોલીસે ટ્રક ચાલક સામે આઈપીસી 279,304-અ,એમવીએકટ 177,184 વી મુજબ ગુનો નોંધી ધોરણસરની કાર્યવાહી હાથ ધરી છે.

કશ્યપ જોશી જેતલસર 9974262812

જેતપુરના સરધારપુર ગામના ખેડૂતનો ભોગ લેતી આર્થિક ભીંસ !

જેતપુરના સરધારપુર ગામના ખેડૂતનો  ભોગ લેતી આર્થિક ભીંસ !

જેતપુર તા.14

તાલુકાના સરધારપુર ગામે રહેતા ચુનીલાલ વલ્લભભાઈ પટોળીયા (ઉ.વ.45)એ ગઈ કાલે પોતાની વાડીએ  ઝેરી દવા પી આત્મહત્યા કરી લેતા પટેલ સમાજમાં શોક ફેલાયો છે. પોલીસના પ્રાથમિક તારણમાં ચુનીભાઈ લાંબા સમય થયા આર્થિક ખેંચ અનુભવતા હોય, કાયમી છુટકારા માટે આવું પગલું ભરી લીધાનું બહાર આવ્યું છે.

ઝેરી મધમાખીનો ડંખ સ્ટેશનવાવડીના આધેડ માટે જીવલેણ નીવડ્યો !

જેતપુર તા.14 

તાલુકાના સ્ટેશન વાવડીના આહીર ઘુસાભાઈ લાખાભાઈ ભેડા(ઉ.વ.49) ગઈકાલે મિત્રની વાડીએ બાઈક ઉપર જતા હતા ત્યારે રસ્તે ઉડતી ઝેરી માખીઓ ઘુસાભાઈ ને ચોટી જઈ ડંખ મારતા તેમને કાળી બળતરા સાથે પરિવારજનો દવાખાને લઇ જતા હતા. પણ આ આધેડ માટે ઝેરી માખીઓનો ડંખ જીવલેણ નીવડ્યો હોય તેમ તેનું રસ્તામાંજ મોત થતા તેમની ડેડબોડીને પીએમ માટે હોસ્પીટલે ખસેડી હતી. જ્યાં ફરજ પરના તબીબોની જાણ પરથી પોલીસે ધોરણસરની વિધિ હાથ ધરી હતી.

કશ્યપ જોશી જેતપુર 9974262812

જેતલસરના વિપ્ર વૃદ્ધની માનવતા ! 5 હજાર રોકડ ભરેલું પર્સ માલિકને પરત કર્યું

જેતલસરના વિપ્ર વૃદ્ધની માનવતા !

5 હજાર રોકડ ભરેલું પર્સ માલિકને પરત કર્યું 

જેતલસર તા.14

જેતપુરના જુનાગઢ રોડ પરથી મળેલ રોકડ રકમ સમેત પર્સ જેતલસરના નિવૃત રેલકર્મીએ નવાગઢના મૂળ માલિકને પરત કરી માનવતાના દર્શન કરાવ્યા હતા.

નવાગઢના વ્રજલાલ હકાભાઇ ડોંગા નામના ખેડૂતનું રૂપિયા 5 હજાર રોકડા અને અગત્યના કાગળો ભરેલું પાકીટ જુનાગઢ રોડ પર ક્યાંક પડી જતા વજુભાઈ ઘાંઘા થયા હતા. આ પાકીટ મૂળ જેતલસરના અને હાલ જેતપુર નિવાસી નિવૃત રેલ કર્મચારી જયસુખભાઈ પ્રાણશંકરભાઈ જોશી ને મળતા આ વિપ્ર વૃદ્ધે પાકીટના મૂળ માલિક વજુભાઈ ને શોધી, નવાગઢ જઈને પરત કરી ઉમદા માનવતાના દર્શન કરાવ્યા હોવાનું નવાગઢના અખબારી વિક્રેતા પરેશભાઈ જોબનપુત્રાએ જણાવ્યું હતું.

કશ્યપ જોશી જેતલસર જેતપુર 

9974262812

ધો.5 ની બે છાત્રાઓને સ્કેલ-ધુમ્બા વતી માર મારતા ચકચાર !

જેતપુરના નવાગઢમાં ખાનગી શાળાના સંચાલકે બાકી ફી ચુકવવા બાબતે 

ધો.5 ની બે છાત્રાઓને સ્કેલ-ધુમ્બા વતી માર મારતા ચકચાર !

સ્કુલનું નામ સાંભળતાજ બાળકીઓ ધ્રુજતી હોવાનો વાલીઓનો આક્ષેપ : હાલ બંને સરકારી દવાખાનામાં દાખલ 

જેતપુર તા.14

જેતપુરના નવાગઢમાં એક ખાનગી શાળા સંચાલકે પોતાની શાળાની ધોરણ 5 ની બે છાત્રાઓને બાકી ફી ચુકવવા મુદ્દે સ્કેલ અને શરીરે ધુમ્બા મારી ઈજાઓ કર્યાની ઘટનાએ ચકચાર જગાવી છે. બીજીબાજુ બંને બાળકીઓ સારવાર માટે અત્રેની સરકારી હોસ્પીટલમાં દાખલ થયાની જાણ પરથી હોસ્પીટલે વાલીઓના ટોળા ઉમટી પડી ઘટનાના કસુરવારો સામે પોલીસ ફરિયાદ સહિતની કાયદેસરની કાર્યવાહી કરવાની માંગ દોહરાવી હતી.

સમગ્ર બનાવની મળતી વિગતો મુજબ જેતપુરના નવાગઢ  ઈદ  મસ્જીદ ધારમાં રહેતા આનંદ વજુભાઈ બોસમીયાની પુત્રી રૂપલ(ઉ.વ.11) તથા નવાગઢ ગઢની  રાંગ બહાર રહેતા અશરફભાઈ સીદીકભાઈ ઠામણીયાની પુત્રી તરન્નુમ(ઉ.વ.10) એમ બંને બાળકીઓ નવજીવન વિદ્યાલય નામની ખાનગી શાળામાં ધો. 5 માં, એકજ વર્ગ-અ માં અભ્યાસ કરે છે.

આ બંને છાત્રાઓમાં અનુક્રમે તરન્નુમ ના ફીના રૂપિયા 1300-00 અને રૂપલના રૂપિયા 100 ફીના બાકી ખેચાતા હોય, ફી લઇ આવો નહીતર ક્લાસરૂમમાં બેસવા નહિ દઈએ તેવી ધમકીભરી વાત ઉચ્ચારી બંને ને ક્લાસ રૂમની બહાર ચાર ચાર કલાક ઉભી રાખી શાળા સંચાલકોએ માનશીક ત્રાસ આપતા આ બંને છાત્રાઓ ભારે માનસિક દબાણમાં આવી ગઈ હતી.

એટલુજ નહિ તરન્નુમ અને રૂપલના કહેવા અનુસાર આ શાળાના સંચાલક અને માલિક કલ્પેશભાઈએ બંનેને સ્કેલ(ફૂટ) વતી અને વાંસામાં ધુમ્બા મારી અમોને ભારે ધમકાવી હતી.  આવી આપવીતી બંને બાળાઓએ પોતપોતાના વાલીઓને કહેતા બંને વાલીઓ આનંદ બોસમીયા અને અશરફભાઈ શાળા સંચાલકોને રજૂઆત કરવા દોડી ગયા હતા, ત્યારે પણ શાળા સંચાલકોએ ફી ના ભરવી હોય તો તમારા બાળકોના લીવીંગ સર્ટીફીકેટ લેતા જાઓ તેવું ધમકીભર્યું વર્તન કર્યાનો વાલીઓનો આક્ષેપ છે.

બીજીબાજુ શાળાનું નામ લેતાજ ધ્રુજતી અને શાળા સંચાલકના માર થી શારીરિક અસ્વસ્થ બનેલી બંને બાળાઓને અત્રેની સરકારી હોસ્પીટલમાં સારવાર માટે દાખલ કરાતા વાલીઓ હોસ્પીટલે દોડી જઈ, ઘટનાના કસુરવારો સામે શિક્ષાત્મક પગલા ભરાય તેવી માંગો દોહરાવી હતી. આ તકે બંને બાળાઓના વાલીઓએ શાળા સંચાલકો સામે ફોજદારી રાહે પગલા ભરવા શહેર પોલીસ સ્ટેશનમાં અરજીરૂપ ફરિયાદ કરતા પોલીસે બનાવને તપાસવા કવાયત આદરી છે.

બોક્સ: રંજન ટીચરે રૂમ બહાર કાઢી, સંચાલકે ફટકાર્યા !

જેતપુર: સરકારી હોસ્પિટલ બિછાને રહેલી રૂપલ અને તારાન્નુંમે પત્રકારોને જણાવેલ કે તેઓની શાળાના રંજન ટીચરે અમો બંનેને રૂમ બહાર કાઢી કલાકો સુધી બહાર ઉભી રાખી હતી, ત્યાં કલ્પેશ ટીચરે બંનેને હાથોમાં ફૂટપટ્ટી ફટકારી, વાળ ખેંચી વાંસામા ધુમ્બા માર્યા હતા. આટલું બોલવામાં પણ થોથરાતી બંને બાળકીઓ પર શાળા સંચાલકો અને શિક્ષિકાનો કેટલો ભય છવાયો છે તે છતો થઇ ગયો હતો. બંને વાલીઓએ પોલીસ ઉપરાંત જેતપુરના શાશનાધિકારી, રાજકોટ ખાતે જીલ્લા શીક્ષણાંધિકારી, તેમજ ગાંધીનગર ખાતે નાયબ પ્રાથમિક શિક્ષણ નિયામકને અને રાજકોટ જીલ્લા પોલીસ વડા ગગનદીપ ગંભીરને લેખિત ફરિયાદ કરી ન્યાય મંગાયો છે.

બોક્સ: મારો ને બાળકીઓનો ડીએનએ ટેસ્ટ કરાવો : શાળા સંચાલક કલ્પેશ કોઠારી 

જેતપુર: પોતાની શાળાની બે બાળકીઓને માર માર્યો હોવાની વાતના તથ્ય માટે કરાયેલ મોબાઈલ સંપર્ક દરમિયાન શાળા સંચાલક કલ્પેશ વજુભાઈ કોઠારીએ જણાવેલ કે સંસ્થાના નિયમો મુજબ ફી ભરવાની સૂચનાઓ અપાતી હોય છે,  મેં કોઈ બાળકીઓને માર માર્યો નથી, કોઈ હિતશત્રુઓ તેમની પાછળ પડ્યા છે. ઘટના સત્યથી વેગળી છે. પોતે છેલ્લા ચાર દિવસ થયા નવાગઢમાં ચાલતા શ્રી રામજી મંદિર પ્રાણ પ્રતિષ્ઠા મહોત્સવમાં જોડાયેલા હતા. આમ છતાં વાલીઓ પોતાની બાળકીઓને માર માર્યાની ફરિયાદ કરતા હોય તો બાળકીઓ અને મારો(કલ્પેશ કોઠારીનો) ડીએનએ ટેસ્ટ કરાવો, સત્ય બહાર આવી જશે. 

કશ્યપ જે. જોશી જેતલસર(જેતપુર)9974262812

જેતપુરના રેશમડીગાલોળ ગામે કાલથી ગૌ ભાગવત કથાનું આયોજન 

જેતપુર તા.14

જેતપુર તાલુકાના રેશમડીગાલોળ ગામ ખાતે આવતીકાલ તા. 16.3 થી 19.3 એમ ચાર દિવસીય ગૌ ભાગવત કથાનું આયોજન કરવામાં આવ્યું છે. સમસ્ત રેશમડીગાલોળના પ્રજાજનો તેમજ શ્રી કામધેનું ગૌ સેવા સમાજ દ્વારા આયોજિત આ કથાના વ્યાસાસને ડભોઈના વિશ્વ ગાયત્રી પરિવારના પ્રજ્ઞાપુત્રી રશ્મિકાબેન બિરાજી પોતાની આગવી શૈલીથી કથાનું સૌને રસપાન કરાવશે. ગૌ શાળાના લાભાર્થે યોજાનાર આ કથા સ્થળે તા.18 ના રોજ રાત્રીના નારાયણ ઠાકોર, અલ્પા પટેલ, મનસુખભાઈ વિગેરે કલાકારોના  લોકડાયરાનું પણ આયોજન કરાયું હોય, ધર્મપ્રેમી જનતાએ ગૌ ભાગવત કથા અને ડાયરાનો લાભ લેવા અનુરોધ કરાયો છે.

કશ્યપ જે. જોશી જેતલસર(જેતપુર)9974262812

JETALSAR NEWS: DEDARWA GAAME VIJALI PADI

KASHYAP JOSHI JETALSAR JETPUR

સાંસદ રાદડિયાની દરમિયાનગીરીથી રેલ્વે હદની દબાણ હટાવ ઝુંબેશ અટકી !

 અનેક ગરીબો ઉપર આભ ને નીચે ધરતી જેવી હાલતમાં પટકાતા હાલ પૂરતા બચ્યા !

સાંસદ રાદડિયાની દરમિયાનગીરીથી રેલ્વે હદની દબાણ હટાવ ઝુંબેશ અટકી !

જેતલસરતા.14

જેતપુરમાં આજે રેલ્વે એન્ક્રોંચમેન્ટ, એટલેકે રેલ્વેની હદમાં થયેલા દબાણને દુર કરવાની ઝુંબેશ શરુ થયાની ગણતરીની મીનીટોમાં જ સાંસદ વીઠ્ઠલભાઈ રાદડિયાની દરમિયાનગીરીથી અટકી જતા અનેક ગરીબ અને મધ્યમવર્ગી લોકોએ રાહતની લાગણી અનુભવી હતી.

રેલસુત્રોના વર્તુળોના વિગતો આપવાના નનૈયા વચ્ચે મેળવાયેલી વિગતો મુજબ આજે જેતપુરના ભાદરના બેઠા પુલ પાસે, સામા કાંઠા વિસ્તારમાં વેસ્ટર્ન રેલ્વેની હદમાં થયેલી વ્યાપક પેશકદમીને દુર કરવા રેલ્વેના એન્જી.વિભાગના સોનારા(ગોંડલ) તથા પાંડે(વીરપુર) એમ બંને અધિકારીઓ આરપીએફના મોટા કાફલા સાથે રેલવેના ગેંગમેન સહિતના કર્મીઓને લઈને મારતે ઘોડે જેતપુર દોડી આવ્યા હતા.

અને ભાદર સામા કાંઠા વિસ્તાર નજીકથી પસાર થતી રેલ્વે લાઈન અને પુલ પાસે વર્ષો થયા ખડકાઈ ગયેલા દબાણો દુર કરવાની વીજળીક કામગીરી શરુ કરી હતી. પણ આ બારાની જાણ થતાજ રાજ્ય મંત્રી જયેશ રાદડિયાના પિતા અને પોરબંદરના સાંસદ વીઠ્ઠલભાઈ રાદડિયા ઘટના સ્થળે દોડી જઈ, બાજી સંભાળતા, પેશકદમી દુર કરવા માંગતા રેલ્વેના સંબંધીતોને ડેલીએ હાથ દઈને પાછા ફરવા જેવી નોબત સહવી પડી હતી. 

જોકે અચાનક આવેલા ઓડકાર જેવા ખોંખારા વચ્ચે રેલબાબુઓએ જણાવેલ કે આજ નહિ તો કાલ, દબાણ જોવા મળશે કે સાબિત થશે તો રેલતંત્ર હટાવ્યા વગર નહિ રહે તે પાક્કું છે. આ બાબતે જે હોય તે પણ કાંડા બળિયા નેતા વીઠ્ઠલભાઈ ની દરમિયાનગીરી થી અનેક ગરીબો તેમજ મધ્યમ વર્ગના લોકો ઉપર આભ અને નીચે જમીન તેમજ માવઠાની દારુણ હાલતમાં પટકાઈ જતા બચી જતા તમામે રાહત અને હાશકારાની લાગણી વ્યક્ત કરી હતી.

બોક્સ: ભાવનગરના રેલસુત્રો સાથે સાંસદની વાત..

જેતલસર: જેતપુરની   આજની આ ઘટના બાબતે સાંસદ વિઠ્ઠલભાઈ રાદડીયાએ જણાવેલ કે તેઓએ ભાવનગર સ્થિત વેસ્ટર્ન રેલવેના સંબંધિતો સાથે વાત કરી હતી કે રેલવેના સંબંધિતો તેમની(સાંસદની) સાથે પ્રથમ એક બેઠક યોજી, રેલ્વેની હદ નક્કી કરે, કારણ જ્યાં દબાણ હટાવવા તંત્ર આવ્યું ત્યાં રેલ પાટા ઊંચા છે, પુલ ઉંચો છે, વચ્ચેથી એક રોડ પસાર થાય છે છતાં રેલવેને દબાણ ક્યાં નડે છે ? શુકામ નડે છે ? ઈ તો ચોખવટ કરો !!

કશ્યપ જે.જોશી જેતપુર જેતલસર - 9974262812