રાજકોટ તા.૨૭
રવિવારે સવારે મેટોડા જીઆઈડીસી નજીક એક ટ્રક હડફેટે અજાણ્યા પ્રોઢનું મોત થયાનો બનાવ લોધિકા પોલીસ દફતરે નોંધાતા પોલીસે અજાણ્યા પ્રોઢના વાલીવારસોની શોધખોળ વચ્ચે ટ્રક ચાલક સામે ગુનો નોંધી ધોરણસરની કાર્યવાહી હાથ ધરી છે.
મળતી વિગતો મુંજબ મેટોડા જીઆઈડીસીના ગેટ નંબર-૧ પાસે રવિવારે સવારે જીજે ૧૦ ઝેડ ૬૭૮૫ નંબરના ટ્રક ચાલકે રોડ ક્રોસ કરી રહેલા એક અજાણ્યા પ્રોઢને હડફેટે લેતા તેમનું ઘટના સ્થળે જ મોત થયું હતું. લોધિકા પોલીસે મૃતકની લાશ પીએમ માટે દવાખાને ખસેડી તેમના વાલીવરસોની શોધખોળ આદરી, ઉપરોક્ત ટ્રક ચાલક સામે ગુનો નોંધી ધોરણસરની કાર્યવાહી હાથ ધરી છે.
ટિપ્પણીઓ નથી:
ટિપ્પણી પોસ્ટ કરો