જેતપુર નાઝીક બાઈક સ્લીપ થતા અનીડાના પ્રૌઢનું મોત
જેતપુર તા. 4
ગઈકાલે સાંજે જેતપુરના જાંબુડી પાસે બાઈક સ્લીપની ઘટનામાં અનીડાના એક વણકર પ્રૌઢનું મોત થયાની ઘટના તાલુકા પોલીસ દફતરે નોંધાઈ છે.
મળતી વિગતો મુજબ કોટડા સાંગાણી તાલુકાના અનીડા વાછાડાના વણકર કરશનભાઈ પોલોઅભાઈ વાઘેલા ગઈકાલે સાંજે કડિયા કામ પતાવી પોતાના ગામ તરફ જઈ રહ્યા હતા ત્યારે તેમનું બાઈક જેતપુર ના જાંબુડી ગામ નજીક સ્લીપ થઇ જતા તેમને માથામાં ગંભીર ઈજાઓ સાથે સરકારી એમ્બ્યુલન્સ 108 માં જેતપુર સરકારી હોસ્પીટલે લઇ જવાતા હતા. પણ કરશનભાઈનો મૃતદેહ જ દવાખાને પહોંચ્યો હતો. સરકારી હોસ્પીટલે પીએમ માટે આવેલ આ ડેડબોડી અંગે હોસ્પિટલસુત્રોની જાણ પરથી તાલુકા પોલીસે ધોરણસરની કાર્યવાની હાથ ધરી છે.
જેતપુરમાં ચોરીનો વિચિત્ર બનાવ !!
તસ્કરો રૂ.1.50 લાખની 3 ભેંસ ચોરી ગયા !!
જેતપુર તા.4
જેતપુરના ટાકુડીપરા વિસ્તારમાં એક વાડામાં બાંધેલી 3 ભેંસ કોઈ તસ્કરો હંકારી ઉઠાવી ગયાની શહેર પોલીસ દફતરે ફરિયાદ નોંધાવતા પોલીસ પણ અચરજ પામી ગઈ છે.
અત્રેના ટાકુડીપરા વિસ્તારમાં રહેતા જગદીશભાઈ મનજીભાઈ પાંભર નામના ખેડૂતે પોતાના વાડામાં બાંધેલી રૂપિયા 1 લાખ 50 હજારની ત્રણ ભેંસ કોઈ પશુચોર ગઈ મોડી રાત્રીના ખીલેથી છોડી, હંકારી, ઉઠાવી ગયાની પોલીસ દફતરે ફરિયાદ નોંધાવતા ફોજદાર જાડેજાએ નવતર ચોરની શોધખોળ આદરી છે.
કશ્યપ જે. જોશી જેતપુર જેતલસર
ટિપ્પણીઓ નથી:
ટિપ્પણી પોસ્ટ કરો