ગુજરાતમાં ગીતાબેન અને રમેશભાઈ સૌથી લોકપ્રિય નામ છે
નવી દિલ્હી, તા. ૨૪ :. ગુજરાતમા ભારતીય ચૂંટણી પંચે તૈયાર કરેલી મતદાર યાદીમાંથી એવુ જાણવા મળ્યુ છે કે, ગુજરાતમાં ગીતાબેન અને રમેશભાઈ સૌથી વધુ લોકપ્રિય નામ છે જ્યારે પટેલ, પરમાર અને ઠાકોર સૌથી વધુ અટકવાળા લોકો છે. ગુજરાતમાં જે મતદારયાદી તૈયાર થઈ છે તેમાથી ૩.૧ લાખ મહિલાઓના નામ ગીતાબેન છે. જ્યારે ૩.૪૪ લાખ એવા પુરૂષો છે જેમના નામ રમેશભાઈ છે. ગુજરાતમાં કુલ ૩.૭૮ કરોડ મતદારો નોંધાયા છે. ગુજરાતમાં મતદારયાદીનો જે ડેટા તૈયાર કરવામાં આવ્યો છે તે નવાઈ પમાડે તેવો પણ છે. ૨૦૦૯ની લોકસભાની ચૂંટણી વખતે પણ જે મતદાર યાદી તૈયાર થઈ હતી તેમા પણ ગીતાબેન અને રમેશભાઈ નામવાળા લોકોની સંખ્યા સૌથી વધુ હતી. હંસાબેન નામે બીજા ક્રમે રહી સવિતાબેનના નામને પછાડયા છે તે પછી મંજુલાબેન નામવાળા લોકોની સંખ્યા સૌથી વધુ છે. મંજુલાબેન ૧૩ ક્રમે હતા તે હવે ચોથા ક્રમે આવી ગયા છે. બાબુ અને મોહન પણ લોકપ્રિય નામ ગુજરાતમાં છે. જ્યાં સુધી અટકની વાત કરવામા આવે તો પટેલ અને પરમાર આ યાદીમાં સૌથી આગળ છે. તે પછી ઠાકોર અને રાઠોડની અટક આવે છે. આﾍર્યજનક રીતે ટોપટેનમાં શાહ અટકવાળા લોકોની યાદી નીચે પછડાઈ છે. ૯મા ક્રમે શેખ રહ્યુ છે. પટેલ નામવાળા લોકોની સંખ્યા કુલ મતદારોના ૧૦ ટકા છે અને તેઓની સંખ્યા ૩૦ લાખની છે.
ટિપ્પણીઓ નથી:
ટિપ્પણી પોસ્ટ કરો