જેતપુરના રબારીકા રોડ પર
અજાણ્યા વાહનની હડફેટે ચડી ગયેલા
અજાણ્યા આધેડનું કમકમાટી ભર્યું મોત
મૃતકના પેન્ટના નેફામાંથી દેશી દારૂની કોથળીઓ મળી આવી
જેતપુર તા. ૪
જેતપુરના રબારીકા રોડ પરથી આજે રાત્રે નવેક વાગ્યાની આસપાસ અજાણ્યા વાહન ચાલકની હડફેટે ચડી ગયેલા એક અજાણ્યા આધેડનું મોત થયું હોય, મૃતકનો મૃતદેહ અહીની સરકારી હોસ્પીટલમાં પીએમ અર્થે લવાયો હતો.
મળતી વિગતો મુજબ આજે રાત્રીના નવેક વાગ્યાની આસપાસ અહીના રબારીકા રોડ પર એક અજાણ્યા આધેડને કોઈ અજાણ્યું વાહન હડફેટે લઈને નાશી છૂટ્યું હતું. પોલીસના જણાવ્યા પ્રમાણે વાહનની ઠોકર એટલી મજબુત હતી કે અજાણ્યા આધેડનું ઘટના સ્થળે જ મોત થયું હતું.
દરમિયાન આ અજાણ્યા આધેડનો મૃતદેહ અહીની સરકારી હોસ્પીટલમાં પીએમ માટે પોલીસે ખસેડ્યો હતો. પોલીસે હાથ ધરેલ મૃતદેહની અંગજડતી દરમિયાન મૃતકના પેન્ટના નેફામાંથી દેશી દારૂની કોથળીઓ મળી આવી હતી. આ વાત પરથી સમાંબંધિત પોલીસે અનુમાન લગાવેલ કે ચિક્કાર નશામાં રોડ પર જઈ રહેલા આ અજાણ્યા આધેડને કોઈ વાહન ચાલક ઠોકર મારી નાશી છૂટ્યું છે. પોલીસે મૃતકની ઓળખવિધિ માટે કવાયત આદરી છે.
ફોટો અને સમાચાર : કશ્યપ જોશી જેતપુર જેતલસર
ટિપ્પણીઓ નથી:
ટિપ્પણી પોસ્ટ કરો