જેતપુરની બોસમીયા કોલેજમાં નજીવી બાબતે ફર્સ્ટ યેરના સ્ટુડન્ટને
ફોટો અને સમાચાર કશ્યપ જોશી જેતપુર જેતલસર 9974262812
પડખામાં છરીનો ઘા ઝીંકી દેતા તેજ કોલેજના અન્ય બે છાત્રો
જેતપુર તા.14
જેતપુરની બોસમીયા કોલેજમાં આજે બપોરે સામાન્ય બોલાચાલી દરમિયાન બાખડી પડેલા છાત્રોના બનાવમાં એક ઉપર અન્ય બે કોલેજીયનોએ છરી વતી હુમલો કર્યાની ઘટના પોલીસ દફતરે નોંધાતા ફોજદાર જાડેજાએ ધોરણસરની કાર્યવાહી હાથ ધરી છે.
મળતી વિગતો મુજબ જેતપુરના જુનાગઢ રોડ પર આવેલ જીકેસીકે બોસમીયા કોલેજની કેન્ટીનમાં આજે રીસેસ દરમિયાન ફૂલવાડી રામજી મંદિર રોડ પર રહેતા રફીક ઇકબાલ મુલતાની (ઉ.વ.21-એફવાયબીએ), નીલેશ હમીર મકવાણા(નાઝાવાલાપરા-ટીવાયબીકોમ), તથા રવિરાજ એમ ત્રણ છાત્રો વચ્ચે ઠઠા મશ્કરી ચાલતી હતી. જે મશ્કરી ઉગ્ર ઝગડામાં પરિણમતા નીલેશે રફીકને પડખામાં છરીનો ઘા મારી નાશી છૂટતા અન્ય વિદ્યાર્થીઓમાં નાશભાગ વચ્ચે રફીકને સારવાર માટે અત્રેની સરકારી હોસ્પીટલમાં સારવાર માટે ખસેડ્યો હતો.
બનાવની જાણ પરથી શહેર પોલીસના ફોજદાર જાડેજાએ ધોરણસરની કાર્યવાહી હાથ ધરી હતી.
બોક્સ: હુમલાખોરને કોલેજમાંથી રેસ્ટીકેટ કરાશે : પ્રિન્સીપાલ
જેતપુર: રાજકોટ જીલ્લાભરમાં શિક્ષણ ક્ષેત્રે નામના ધરાવતી તમારી કોલેજમાં આમ છાત્રો છરીઓ લઈને ભણવા આવે અને હુમલા કરે ત્યારે તમે તહોમતદારો સામે કેવા પગલા ભરશો ? તેવા એક સવાલના જવાબમાં કોલેજના પ્રિન્સીપાલ આર.કે.ચોચાએ જણાવેલ કે આવો બનાવ તો પ્રથમ વખતજ બન્યો છે. આમ છતાં બનાવ બાદ આજે મેનેજમેન્ટની હાજરીમાં છરીના ઘા કરનાર વિદ્યાર્થીને કોલેજમાંથી રેસ્ટીકેટ કરવાની કાર્યવાહી હાથ ધરી છે.
ટિપ્પણીઓ નથી:
ટિપ્પણી પોસ્ટ કરો