ગુજરાતના પોલીસ મથકોને 'કાગળનાં થોથા' થી મુકત કરવાના અભિયાનનો અમદાવાદથી પ્રારંભ
રાજકોટ તા. ર૦ :.. ગુજરાતનાં પોલીસ મથકોને બાવા આદમના યુગના 'કાગળનાં થોથા' ની પધ્ધતિથી મુકત કરી તમામ ફરિયાદો કોમ્પ્યુટર દ્વારા નોંધાય તે માટે ચાલતા પ્રયાસોનું ફળ ગુજરાત રાજયના સ્થાપના દિન અર્થાત પહેલી મે થી મળવાનું શરૂ થાય તેવા ચિન્હો દ્રષ્ટિ ગોચર થઇ રહ્યા છે. આ મહત્વકાંક્ષી 'પેપરલેસ' પોલીસ સ્ટેશન સ્કીમનો પ્રારંભ રાજય સરકારે અમદાવાદથી કરવાનાં નિર્ધાર કરી હાલના તબકકે ૪ પોલીસ મથકો આ મહત્વની યોજના માટે પસંદ કર્યાનું ઉચ્ચ પોલીસ સુત્રોએ જણાવ્યું છે. વિવિધ ટેકનોલોજી અપનાવી અને તેનો મહત્તમ ઉપયોગ કરવા માટે કૃત નિﾍયી એવા મુખ્યમંત્રી નરેન્દ્રભાઇ આ પ્રોજેકટ અમલમાં મુકવા માટે લાંબા સમય થયા કૃત નિﾍયી હતાં. અને તેઓએ ગત વર્ષે રાજયનાં પોલીસ વડા હાલ નિવૃત એવા ચિતરંજન સિંઘ અને ગૃહ મંત્રાલય સાથે ચર્ચા કરી આ પ્રોજેકટની રૂપરેખા સમજાવી હતી.
રાજયના તત્કાલીન પોલીસ વડા દ્વારા ગુજરાતના તમામ ઉચ્ચ અધિકારીઓને પરિપત્ર પાઠવી, ટેકનીકલ જ્ઞાન ધરાવતાં સ્ટાફ મારફત આ યોજના વહેલી તકે અમલી બને તે માટેના આદેશ થયા હતાં. અને જે માટેની તૈયારીઓ લગભગ તમામ જીલ્લાઓમાં પૂર્ણતા આરે છે. પોલીસ સુત્રોના કથન અનુસાર ૭પ૦ જેટલા પોલીસ સ્ટાફને આ માટે ખાસ તાલિમ આપવામાં આવી છે અને એટલા જ સ્ટાફને તાલિમ અપાઇ રહી છે. સુત્રોનાં કથન મુજબ આ સિસ્ટમ સંપૂર્ણ રીતે અમલમાં આવશે ત્યારે માત્ર ફરીયાદો કે એફ. આઇ. આર. જ નહિ પરંતુ પોલીસ પાસેથી લેવી પડતી વિવિધ લાયસન્સ માટેની અરજીઓ, તથા પાસપોર્ટ માટે કરવામાં આવતી અરજી ઓકે પોલીસ વેરીફિકેશન માટે થતી અરજીઓનો સમયસર નિકાલ થશે તેવી આશા સેવાઇ રહી છે. હવે પોલીસ મથકોમાં 'રાઇટરો' ફરીયાદ લખતા નજરે પડવાને બદલે કોમ્પ્યુટર ઓપરેટરો પોતાનાં કોમ્પ્યુટરોનાં ફરીયાદો નોંધતાં અરજીઓ ફીલઅપ કરતાં નજરે પડશે, અને ઉચ્ચ અફસરો પોતાનાં પડશે અને ઉચ્ચ અફસરો પોતાનાં કોમ્પ્યુટર દ્વારા સ્ટાફના દરેક ડેટા પર નજર રાખી શકશે. હવે કલમ યુગ પુર્ણ થઇ માઉસ યુગ આવે તેવા દિ' દુર નથી.
ટિપ્પણીઓ નથી:
ટિપ્પણી પોસ્ટ કરો