જેતપુરમાં બે વર્ષની વાછડી દૂધ આપવા લાગતા કુતૂહલ

જેતપુરમાં બે વર્ષની વાછડી દૂધ આપવા લાગતા કુતૂહલ

દેવાયત પંડિતે તેની આગમવાણીમાં કળીયુગમાં છ માસનું બાળક બોલતા થવાની વાત
કરી છે, તે બન્યું નથી પરંતુ જેમ જેમ સમય પસાર થતો જાય છે તેમ તેમ
કળીયુગના પુરાવા રૂપી કિસ્સા સામે આવી રહ્યા છે જેતપુરના આરબટીંબડી ગામે
એક બે વર્ષની વાછડી એ એકા એક સવાર સાંજ એક એક લિટર દૂધ આપવા લાગતાં નાના
એવા ગામમાં કૂતુહલ સર્જા‍યું છે. આરબટીંબડી ગામે રહેતા પ્રભાબેન અને
વિઠ્ઠલભાઇ ડાયાભાઇ મોવળિયા
નામના પટેલ દંપતીએ જેતપુરના એક વેપારી પાસેથી પાંચેક માસ પૂર્વે એક
દોઢેક વર્ષની વાછડી લાલન પાલન કરવા માટે લઇ આવ્યા હતા. આ વાછડી ને
પ્રભાબેન ભારે વહાલથી ઉછેરતા હતા. નિયમિત તેની સાફ -સફાઇ અને
તંદુરસ્તીનું ધ્યાન રાખતા હતા. આ બાદ પંદરેક દિવસ પૂર્વે નાની એવી વાછરડી
આંચળમાં સોજા જેવું લાગતા પ્રભાબેન દ્વારા આ તેમના પતિ વિઠ્ઠલભાઇને પશુ
ડોકટરને બોલાવવા માટે જણાવ્યું હતું. આ
ગુંમડા જેવા લાગતા સોજા પર વાછડી વારંવાર જીભ ફેરવતી હોવાથી પ્રભાબેન
વાછડીને આંચળમાં ભારે દુ:ખાવા થતું હોવાનું તુરત જ પશુ ડોકટરને બોલાવ્યા
હતા. પશુ ડોકટર મુકેશભાઇ ભુવાએ આવીને વાછડીને તપાસતા વાછડી સંપૂર્ણ
સ્વસ્થ જણાઇ અને તેમને એક પણ પ્રકારની બીમારી ન હોવાનું જણાવ્યું હતું.
પશુ ડોકટરે વાછડી સંપૂર્ણ સ્વસ્થ હોવાનું સર્ટિ‌ફિકેટ આપ્યા બાદ પણ
વાછડીના આંચળ હજુ સોજેલા
જેવા અને વાછડી વારંવાર તેની જીભ ત્યાં ફેરવતી હોવાથી પ્રભાબેનને ભારે
અજુગતું લાગ્યું હતું. આથી તેણીને વાછડીના આંચળમાં હળવેકથી હાથ ફેરવતા
દુધની શેળ ફુટતા પ્રભાબેન તો પ્રથમ ડરી ગયા હતા અને બાદ તેમના પતિ
વિઠ્ઠલભાઇને આ વાત કહેતા તેઓ આ વાત માનવા તૈયાર જ ન હતા પરંતુ તેઓ પણ
વાછડીના આચળને હાથ ફેરવતા આંચળમાંથી દૂધ આવતા તેઓ પણ આશ્ચર્યમાં ગરકાવ થઇ
ગયા હતા. આ બે વર્ષની વાછડી
યુવાનીમાં આવ્યા વગરની કે કોઇ પણ પ્રકારના ગર્ભધારણ કર્યા વગર દૂધ આપતી
હોવાના સામાચાર વાયુવેગે ગામમા ફેલાતા ગામમાં પણ ભારે કુતૂહુલ સર્જાયું
હતું.