જુનાગઢમાં ડીવાયએસપી તરીકેની ફરજ બજાવતા જે.બી.ગઢવીને વર્ષ ૨૦૦૬ ના કેસમાં સગીર સાથે મારકૂટ કરવાના ગુનામાં દેવગઢ બારીયા કોર્ટે ત્રણ વર્ષની સજા ફટકારી છે. વર્ષ ૨૦૦૬ માં
દેવગઢ બારીયાના પોલીસ સબ ઇસ્પેક્ટર તરીકેની ફરજ સમયે એક સગીરને માર માર્યો હતો. કોર્ટે ડીવાયએસપીને સજા ફટકારતા આ મામલો પોલીસ બેડામાં ચર્ચાનો વિષય બન્યો છે.
ડીવાયએસપીને જે કેસમાં સજા મળી છે તે કેસ ર૦૦૬ના વર્ષનો છે. જેમાં તેમણે PSI તરીકે ફરજ દરમિયાન એક સગીરની ગેરકાયદે રીતે અટકાયત કરી
હતી.જે બાદમાં તેને માર મારીને જાનથી મારી નાખવાની ધમકી પણ આપી હતી. હાલ તેઓ જૂનગાઢના કેશોદ ખાતે ડીવાયએસપી તરીકે ફરજ બજાવી રહ્યા છે.કેસની વિગત જોઈએ તો ૧૩મી
ડિસેમ્બર, ૨૦૦૬ના રોજ દેવગઢ બારીયાના તત્કાલિન પીએસઆઈ ગઢવીએ બેંણા ગામના એક યુવક સરજનકુમાર પસાયાની ગેરકાયદે રીતે અટકાયત કરી હતી.જે બાદમાં યુવકને દંડાથી માર મારવામાં આવ્યો હતો. જોકે, બાદમાં આ યુવક સગીર હોવાનું માલુમ પડ્યું હતું. આ બનાવ બાદ સગીરે દેવગઢ બારીયા કોર્ટમાં આ મામલે ફરિયાદ કરી હતી. આ કેસ કોર્ટમાં ચાલી જતા કોર્ટે આઈપીસીની ક્લમ ૩ર૩ અને ૩ર૪ હેઠળ અલગ અલગ સજા ફટકારી કુલ ત્રણ વર્ષની સજા તેજ દંડ ફટકાર્યો છે. ડીવાયએસપી ક્ષાના અધિકારીને સજા થઈ હોવાની વાત સામે આવતા જ પોલીસ બેડામાં ખળભળાટ મચી ગયો હતો.
ટિપ્પણીઓ નથી:
ટિપ્પણી પોસ્ટ કરો