મુખ્યમંત્રી વિજય રૂપાણી દ્વારા હરમિત દેસાઇનું સન્માન
સુરતના યુવા ખેલાડી હરમિત દેસાઇને ખેલ પ્રતિભા પુરસ્કાર અન્વયે 33 લાખનો ચેક અપાયો
મુખ્યમંત્રી વિજય રૂપાણીએ 21મી કોમન વેલ્થ ગેમ્સ-2018માં ટેબલ ટેનિસ રમતમાં ભારતને ગોલ્ડ મેડલ અપાવનારા સુરતના યુવા ખેલાડી હરમિત દેસાઇને ખેલ પ્રતિભા પુરસ્કાર અન્વયે 33 લાખનો ચેક અર્પણ કર્યો હતો.
હરમિત દેસાઇને ટેબલ ટેનિસની રમતમાં 2015માં વર્લ્ડ ચેમ્પિયનશીપ તથા એશિયન ચેમ્પિયનશીપમાં ગોલ્ડ મેડલ મેળવીને ગુજરાતનું ગૌરવ આંતરરાષ્ટ્રિય સ્તરે વધારવા માટે રાજ્ય સરકાર દ્વારા અત્યાર સુધીમાં સમગ્રતયા 1 કરોડ 9 લાખ 96 હજારની સહાય તેમજ પુરસ્કાર રાશિથી સન્માનિત કરવામાં આવ્યા છે.
અત્રે એ નિર્દેશ કરવો આવશ્યક છે કે, વર્તમાન પ્રધાનમંત્રી અને તત્કાલિન મુખ્યમંત્રી નરેન્દ્ર મોદીએ રાજ્યની પ્રતિભાવંત ખેલ પ્રતિભાઓને યોગ્ય માર્ગદર્શન-કોચિંગ અને તજ્જ્ઞતા મળી રહે તે હેતુથી 2007થી શકિતદૂત યોજનાનો પ્રારંભ કરાવેલો છે.
તદઅનુસાર રાજ્ય સરકારની શકિતદૂત યોજના અન્વયે હોનહાર ખેલાડીઓને નીડ બેઇઝ સહાય અંતર્ગત જે સહાય આપવામાં આવે છે તેમાં હરમિત દેસાઇને 2007થી 2017-18 સુધી કુલ 60.46 લાખ રૂપિયાની રકમ શકિતદૂત યોજના અંતર્ગત અપાઇ છે. આ ઉપરાંત હરમિત દેસાઇને 16.50 લાખનો ખેલ પ્રતિભા પુરસ્કાર પણ અગાઉ એનાયત કરવામાં આવેલો છે.
શકિતદૂત યોજના અન્વયે 2.50 લાખથી 25 લાખ સુધીની સહાય ખેલાડીને જરૂરિયાત મુજબ ભારતમાં કે ભારત બહાર કોચીંગ વગેરે માટે સરકાર આપે છે. 2007થી 2017-18ના દસકમાં આવા 777 ખેલાડીઓને 15 કરોડ 57 લાખ 59 હજારની સહાય અપાઇ છે.
મુખ્યમંત્રીએ હરમિત દેસાઇને આ ચેક અર્પણ કર્યો તે વેળાએ રમત-ગમત રાજ્યમંત્રી ઇશ્વરસિંહ પટેલ, સચિવ વી. પી. પટેલ, સ્પોટર્સ ઓથોરિટી ઓફ ગુજરાતના સચિવ ડૉ. કાપડીયા, સ્વર્ણિમ ગુજરાત સ્પોટર્સ યુનિવર્સિટીના વાઇસ ચાન્સેલર જતીન સોની તેમજ હરમિત દેસાઇના પરિવારજનો, આમંત્રિતો ઉપસ્થિત રહ્યા હતા.
સુરતના યુવા ખેલાડી હરમિત દેસાઇને ખેલ પ્રતિભા પુરસ્કાર અન્વયે 33 લાખનો ચેક અપાયો
મુખ્યમંત્રી વિજય રૂપાણીએ 21મી કોમન વેલ્થ ગેમ્સ-2018માં ટેબલ ટેનિસ રમતમાં ભારતને ગોલ્ડ મેડલ અપાવનારા સુરતના યુવા ખેલાડી હરમિત દેસાઇને ખેલ પ્રતિભા પુરસ્કાર અન્વયે 33 લાખનો ચેક અર્પણ કર્યો હતો.
હરમિત દેસાઇને ટેબલ ટેનિસની રમતમાં 2015માં વર્લ્ડ ચેમ્પિયનશીપ તથા એશિયન ચેમ્પિયનશીપમાં ગોલ્ડ મેડલ મેળવીને ગુજરાતનું ગૌરવ આંતરરાષ્ટ્રિય સ્તરે વધારવા માટે રાજ્ય સરકાર દ્વારા અત્યાર સુધીમાં સમગ્રતયા 1 કરોડ 9 લાખ 96 હજારની સહાય તેમજ પુરસ્કાર રાશિથી સન્માનિત કરવામાં આવ્યા છે.
અત્રે એ નિર્દેશ કરવો આવશ્યક છે કે, વર્તમાન પ્રધાનમંત્રી અને તત્કાલિન મુખ્યમંત્રી નરેન્દ્ર મોદીએ રાજ્યની પ્રતિભાવંત ખેલ પ્રતિભાઓને યોગ્ય માર્ગદર્શન-કોચિંગ અને તજ્જ્ઞતા મળી રહે તે હેતુથી 2007થી શકિતદૂત યોજનાનો પ્રારંભ કરાવેલો છે.
તદઅનુસાર રાજ્ય સરકારની શકિતદૂત યોજના અન્વયે હોનહાર ખેલાડીઓને નીડ બેઇઝ સહાય અંતર્ગત જે સહાય આપવામાં આવે છે તેમાં હરમિત દેસાઇને 2007થી 2017-18 સુધી કુલ 60.46 લાખ રૂપિયાની રકમ શકિતદૂત યોજના અંતર્ગત અપાઇ છે. આ ઉપરાંત હરમિત દેસાઇને 16.50 લાખનો ખેલ પ્રતિભા પુરસ્કાર પણ અગાઉ એનાયત કરવામાં આવેલો છે.
શકિતદૂત યોજના અન્વયે 2.50 લાખથી 25 લાખ સુધીની સહાય ખેલાડીને જરૂરિયાત મુજબ ભારતમાં કે ભારત બહાર કોચીંગ વગેરે માટે સરકાર આપે છે. 2007થી 2017-18ના દસકમાં આવા 777 ખેલાડીઓને 15 કરોડ 57 લાખ 59 હજારની સહાય અપાઇ છે.
મુખ્યમંત્રીએ હરમિત દેસાઇને આ ચેક અર્પણ કર્યો તે વેળાએ રમત-ગમત રાજ્યમંત્રી ઇશ્વરસિંહ પટેલ, સચિવ વી. પી. પટેલ, સ્પોટર્સ ઓથોરિટી ઓફ ગુજરાતના સચિવ ડૉ. કાપડીયા, સ્વર્ણિમ ગુજરાત સ્પોટર્સ યુનિવર્સિટીના વાઇસ ચાન્સેલર જતીન સોની તેમજ હરમિત દેસાઇના પરિવારજનો, આમંત્રિતો ઉપસ્થિત રહ્યા હતા.
ટિપ્પણીઓ નથી:
ટિપ્પણી પોસ્ટ કરો