જિલ્લા પોલીસ વડા ઉપર સેન્ટ્રલ ઓબ્ઝર્વર નિમાશે

------Original message------
From: ATUL N. CHOTAI <kasumbo@yahoo.co.in>
To: "ATUL N CHOTAI" <kasumbo@yahoo.co.in>
Date: Thursday, November 8, 2012 12:07:37 PM GMT+0800
Subject: જિલ્લા પોલીસ વડા ઉપર સેન્ટ્રલ ઓબ્ઝર્વર નિમાશે

ગુજરાતમાં દરેક જિલ્લામાં SP ઉપર સેન્ટ્રલ ઓબ્ઝર્વર નિમાશે

(પ્રતિનિધિ દ્વારા) ગાંધીનગર, બુધવાર : ગુજરાતમાં વિધાનસભા ચૂંટણીના અનુસંધાને મતદાન દિવસ સુધી દરેક જિલ્લામાં કાયદો અને વ્યવસ્થા સંભાળવા તથા પોલીસદળ અને કેન્દ્રીય સુરક્ષા દળોની વ્યવસ્થા સંભાળવા જિલ્લા પોલીસ વડા- ડીએસપી ઉપર અન્ય રાજ્યના ડીઆઈજી અથવા આઈજી કક્ષાના સીનિયર આઈપીએસ અધિકારીઓ નિરીક્ષકો તરીકે મૂકાશે. કેન્દ્રીય ચૂંટણી પંચે મુક્ત અને ન્યાયી ચૂંટણી કરાવવાનો
તેનો આશય પાર પાડવા માટે છેલ્લા બે વર્ષ દરમિયાન ૧૦ રાજ્યોમાં થયેલી ચૂંટણીમાં આ પ્રકારની પધ્ધતિ અપનાવી છે. જો કે ગુજરાતમાં પહેલીવાર આવો પ્રયોગ થશે. ગુજરાતના મુખ્ય ચૂંટણી અધિકારી અનિતા કરવાલે બુધવારે પત્રકાર પરિષદમાં આ જાહેરાત કરતા જણાવ્યં હતું કે, સમગ્ર જિલ્લામાં ચાંપતી નજર રાખવા માટે આ ડીઆઈજી કે આઈજી કક્ષાના પોલીસ ઓબ્ઝર્વર ટૂંક સમયમાં આવશે અને મતદાન પૂરું થાય
ત્યાં સુધી ગુજરાતમાં રોકાશે.ગુજરાતમાં પહેલીવાર બીજા રાજ્યોમાંથી પોલીસ નિરીક્ષકો આવવાના છે, તે પ્રમાણે ચૂંટણી પહેલાં મતદારોને જાગૃત કરવા અને તે દ્વારા મતદાન વધારવા માટે ચૂંટણી પંચની ગુજરાત ઓફિસ દ્વારા ચાલતી કામગીરી ઉપર દેખરેખ રાખવા પહેલીવાર બીજા રાજ્યોમાંથી ઓબ્ઝર્વર આવશે.મુખ્ય ચૂંટણી અધિકારીએ એક પ્રશ્નના ઉત્તરમાં એવી સ્પષ્ટતા કરી હતી કે, ગુજરાતના પ્રધાનો તથા
વિધાનસભામાં પદો સંભાળતા રાજકીય હોદ્દેદારો જેઓ અત્યારે સરકારી મોબાઈલ ફોન તથા સરકારી રહેણાંક ખાતે લેન્ડલાઈન ફોનનો ઉપયોગ કરે છે, તેમની પાસેથી ત્રીજી ઓક્ટોબર એટલે કે ગુજરાતમાં આચારસંહિતાનો અમલ શરૃ થયો ત્યાર પછીના સમયનું બિલ વસૂલ કરવામાં આવશે. આ જ પ્રમાણે 'નમો ગુજરાત' ચેનલ ઉપરથી નામાંકન બાદ ભાજપના કોઈપણ ઉણેદવારને મત આપવા સંબંધી પ્રચાર કરવામાં આવશે તો તે સ્લોટનો ખર્ચ
ઉમેદવારના ખર્ચ તરીકે ગણવામાં આવશે. ચૂંટણી પંચનો મીડિયા મોનિટરિંગ સેલ દરેક જિલ્લામાં નમો ચેનલ સહિત તમામ ઈલેક્ટ્રોનિક માધ્યમોમાં થઈ રહેલા પ્રસારણ ઉપર બારીકાઈથી વૉચરાખી રહી હોવાનો દાવો કર્યો હતો.