નવી દિલ્હીઃ જોખમી ઇલેક્ટ્રોનિક્સ અને ઇલેક્ટ્રિકલ માલસામાનના ઉત્પાદકો અને
વપરાશકારોને એ માલસામાનમાંથી નીકળતા કચરાના નિકાલ અને તેના રિસાઇક્લિંગ
માટે મંગળવારથી જવાબદાર લેખવામાં આવશે. ઇ-વેસ્ટ(મેનેજમેન્ટ એન્ડ હેન્ડલિંગ)
રુલ્સ ૨૦૧૨ મંગળવારથી અમલી બન્યા છે. જેમાં જણાવવામાં આવ્યું છે કે
ઇ-વેસ્ટના પૂર્જાઓમાં રહેલા જોખમી અને ટોકિ્્સક પદાર્થોના નિકાલ અને તેનું
રિસાઇક્લિંગ પર્યાવરણને અનુરુપ મેનેજમેન્ટો દ્વારા કરવાનું જરૂરી બન્યું
છે. આ નિયમો દરેક ઉત્પાદકો, વપરાશકારો અથવા જથ્થાબંધ વપરાશકારો તથા તેનું
રિસાઇક્લિંગ કરનાર તમામને લાગુ પડે છે, એમ સેન્ટ્રલ પોલ્યુશન બોર્ડના જોખમી
વેસ્ટ ડિવિઝન દ્વારા બહાર પાડવામાં આવેલી માર્ગદર્શિકાઓમાં જણાવવામાં
આવ્યું હતું.
ટ્રેનમાં ઇન્ટરનેટના ઉપયોગને લીલી ઝંડી
નવી
દિલ્હીઃ હવે ટ્રેનમાં ડૅટા કાર્ડ વિના ઇન્ટરનેટનો ઉપયોગ કરી શકાશે. લાબાં
સમય રાહ જોયા બાદ આખરે ઇસરોએ રેલવેને ઇન્ટરનેટ સુવિધા માટે સેટેલાઇટનો
ઉપયોગ
કરવા લીલી ઝંડી આપી છે. ઇન્ટરનેટ માટે સેટેલાઇટનો ઉપયોગ કરવા કેયુ
બેન્ડમાંથી ફ્રિકવન્સી વાપરવા ઇસરોએ પરવાનગી આપી છે, એમ રેલવે અધિકારીએ
જણાવ્યું હતું. હવે દોડતી ટ્રેનમાં સેટેલાઇટના માધ્યમથી ઇન્ટરનેટનો ઉપયોગ
પહેલીવાર કરાશે. ટ્રેનમાં ઇન્ટરનેટનો ઉપયોગ કરવાનો પ્રસ્તાવ બે વર્ષ પહેલા
તૈયાર કરવામાં આવ્યો હતો, પરંતુ ઇસરોની પરવાનગી ન મળતા આ પ્રોજેક્ટ અટવાઇ
ગયો હતો.
ઇન્ટરનેટ માટે સેટેલાઇટમાંથી ફ્રિકવન્સીનો ઉપયોગ કરવો ફરજિયાત હતું. હવે
ઇસરોની લીલી ઝંડી મળતા આ પ્રોજેક્ટનો અમલ ટૂંક સમયમાં શરૂ કરાશે, એમ
અધિકારીએ જણાવ્યું હતું. પ્રાયોગિક ધોરણે હાવડા રાજધાનીના ત્રણ કોચમાં
ઇન્ટરનેટનો ઉપયોગ કરવા માટે સેટેલાઇટ સાથે જોડવામાં આવશે. ઇન્ટરનેટ સેવાના
પાઇલટ પ્રોજેકટમાં પ્રવાસીઓ પાસેથી કોઇ ચાર્જ વસૂલ નહીં કરાય. હાવડા
રાજધાનીમાં
ઇન્ટરનેટ સેવા પૂરી પાડવા માટે રેલવેએ રૂ.૬.૩૦ કરોડની જોગવાઇ કરી છે.
ટિપ્પણીઓ નથી:
ટિપ્પણી પોસ્ટ કરો