ઘી,દૂધ,
ગરમ મસાલા હોય કે રાંધણ ગેસ, પૂરા પૈસા ચૂકવવા છતાં ગ્રાહકને જીવન
જરૂરિયાતની કોઇપણ ચીજ વસ્તુ શુધ્ધ કે વજનમાં પૂરી નથી મળતી. રાંધણગેસના ભાવ
ભડકે બળે છે. આજે ૧૪.૨ કિલો ગેસના એક સિલિન્ડરની પ્રમાણિત કિંમત રૂ.૪૧૪
છે. પરંતુ એજન્સીમાંથી ગ્રાહક સુધી સિલિન્ડર
પહોંચે તે પહેલા દરેક બાટલામાંથી એકથી બે કિલો ગેસ કાઢીને જ ડિલિવરી
આપવાનું તોસ્તાન કૌભાંડ બેધડક, છડેચોક ચાલે છે. અતિ જોખમી ગણાતા આ
કૌભાંડમાં ૧પ૦૦ કિલો ગેસની (એટલે કે દરરોજ રૂ.૪૩,૭૩૨) ચોરી થાય છે. આ
કૌભાંડનું માસિક ટર્ન ઓવર અંદાજે ૧૩ લાખ અને વર્ષે ૧.૫૭ કરોડનું થાય છે!
પુરવઠા તંત્ર અને પોલીસતંત્ર સંયુક્ત ઝુંબેશ શરૂ કરે તો ગ્રાહકો સાથે થતી
છેતરિંપડી અટકાવી શકાય પરંતુ એ
શક્ય નથી અને શા માટે શક્ય નથી? એ પ્રજા સુપેરે જાણતી હોવાથી ગ્રાહકોએ જ
જાગૃત થવું પડશે. ડિલિવરીમેન કઇ રીતે રીફિલિંગ કરે છે અને ચોરી કરેલો ગેસ
કોણ ખરીદે છે તેની માહિતી અહિ વાચકો માટે પ્રસ્તુત કરવામાં આવી છે.
ગોડાઉનમાંથી
ભરેલા સિલીન્ડર અને ગ્રાહકોની રસીદ લઇને નિકળેલા ડીલીવરીમેન તેમની નિયત
જગ્યાએ જાય છે. જ્યાં ખાલી સિલીન્ડર અગાઉથી રખયા હોય છે.સીલ ખોલીને ભરેલા
સિલીન્ડર અને ખાલી સિલન્ડરના મોઢા સામ સામે રાખીને વાલ્વ ઉપર લોખંડની
ભૂંગળી ગોઠવવામાં આવે છે. ભંૂગળીની વચમાં એક સિળયો હોય છે. બન્ને સિલન્ડરને
સામ સામે ભીંસ આપે એટલે ભરેલા બાટલામાંથી ગેસ ખાલી બાટલામાં ઠલવાય છે.એક
કિલો ગેસ કાઢતા ૧૦થી ૧૨ મીનીટ લાગે છે. ગેસ કાઢી લીધા પછી સીલ મારીને બાટલો
ગ્રાહકને સપ્લાય કરવામાં આવી છે. ગેસ રીફીલીંગની દેશી પધ્ધતિ અતિ જોખમી
છે. રિફીલીંગ
સમયે સ્પાર્ક થવાથી નજીકમાં ઉભેલા વ્યક્તિ દાઝી જવાની પૂરી સંભાવના છે.
વળી આ પ્રક્રિયામાં બાટલાની અંદરના વાલ્વની ઓવરરિંગ ડેમેજ થઇ જાય છે.
જેનાથી ગેસ લીકેજથી દુર્ઘટનાની સંભાવના વધી જાય છે. એટલે જગેસ લીકેજની
ફરિયાદનું પ્રમાણ વધારે રહે છે. રીફીલીંગ માટે ડીલીવરીમેન પોતાના ઘરના તેમજ
સગા,સંબંધી અને મિત્રોને ત્યાંથી ખાલી બાટલાની વ્યવસ્થા કરે છે.
રીફીલીંગથી ચોરી કરેલા
ગેસના બાટલા એલપીજી કારના ધારકો અને હોટલ સંચાલકો ખરીદે છે. કારણકે પંપમાં
મળતા એલપીજી અને કોમર્શિયલ બાટલા કરતા આ બાટલા તેમને સસ્તા પડે છે.
ગાંધીનગર ડી.જી વિજીલન્સની ટીમે રાજકોટમાં દરોડા પાડી ગેરકાયદે ગેસ
રિફિલિંગનું કૌભાંડ ઝડપી પાડ્યું હતું. જેમાં ગેસ એજન્સીના કર્મચારીઓ
છેલ્લા 6 મહિનાથી ગેસ રિફિલિંગ કરતા હતાં. કોઠારિયા સોલવન્ટ વિસ્તારમાં
જાહેરમા એક ગેસના બાટલામાંથી બીજા ખાલી બાટલા વચ્ચે નિપ્પલ ભરવીને ગેસ
રિફિલિંગ કરતા રંગેહાથે ડી.જી.વિજીલન્સમી ટીમે ઝડપી લીધા હતાં. આ
બાટલામાંથી આવી રીતે ગેસ રિફિલિંગ કરતા જો જરા પણ ચૂક થાય તો સર્જાઈ શકે છે
મોટો અકસ્માત.
તમામ તસવીરો પ્રકાશ રાવરાણી, રાજકોટ( Bhaskar News)
--
KKUMARJOSHI
ટિપ્પણીઓ નથી:
ટિપ્પણી પોસ્ટ કરો