(દિપક જોશી દ્વારા)
સોમનાથ મંદિર ઉપર શ્રી સોમનાથ ટ્રસ્ટ દ્વારા સુવર્ણ કળશ પ્રાયોજના શરૂ કરવામાં આવી હતી, જેનો શ્રધ્ધાળુઓ દ્વારા સારો પ્રતિસાદ મળેલ છે.
ટ્રસ્ટ દ્વારા શ્રધ્ધાળુઓ તરફથી કળશ ચઢાવવાની કામગીરી શરૂ કરવામાં આવી છે. હાલની પરીસ્થીતીએ કળશની પૂજા માટે કળશ નોંધાવનાર યજમાનશ્રી રૂબરૂ આવી શકે તેમ નહોય, તો ટ્રસ્ટ દ્વારા વિડિયોકોલીંગ – ઝુમ એપ માધ્યમથી પૂજા કરાવવાની વ્યવસ્થા ગોઠવી છે.
આજદીન સુધીમાં 66 યજમાનો એ કળશ પૂજાનો લાભ લીધેલ છે. આ કળશ મંદિર પર ચડાવવામાં આવેલ છે.
જાણો ક્રિસમસની ઉજવણી સૌરાષ્ટ્રના ક્યા શહેરમાં કરશે..દેશના રાષ્ટ્રપતિ રામનાથ કોવિદ આગામી 25 થી 28 ડિસેમ્બર સુધી 3 દિવસના સતાવાર કાર્યક્રમ અંતર્ગત દીવ આવી રહ્યા છે.
રાજકોટઃ ભારત દેશના પ્રથમ નાગરીક એવા રાષ્ટ્રપતિ રામનાથ કોવિંદ આગામી દિવસોમાં નાતાલ પર્વની ઉજવણી ગુજરાતના દીવમાં કરવાના છે. એક માહિતી અનુસાર રાષ્ટ્રપતિ રામનાદ કોવિંદ રાજ્યના સ્પીકર કોન્ફરન્સમાં હાજર રહેશે. રાષ્ટ્રપતિ રામનાથ કોવિંદ નાતાલ પર્વની ઉજવણી દીવમાં કરે તે પૂર્વ રાજકોટની ટૂંકી મુલાકાત કરશે. રાષ્ટ્રપતિની મુલાકાતને લઈ જિલ્લા વહીવટી તંત્ર દ્વારા તૈયારી આરંભી દેવામાં આવી છે.
રાષ્ટ્રપતિ રામનાથ કોવિદ આગામી 25 ડીસેમ્બરે રાજકોટ એરપોર્ટ પર આવી પહોંચશે. ટૂંકી મુલાકાત બાદ દીવ જવા રવાના થશે. દીવમાં ત્રણ દિવસના રોકાણ દરમિયાન અનેકવિધ કાર્યક્રમોમાં સામેલ થઇ. લોકાર્પણ તેમજ સાંસ્કૃતિક કાર્યક્રમોમાં ઉપસ્થિત રહેશે તેવું ગાંધીનગર સ્થિત સુત્રો દ્વારા જાણવા મળેલું છે.
દેશના રાષ્ટ્રપતિ રામનાથ કોવિદ આગામી 25 ડિસેમ્બરથી 28 ડિસેમ્બર સુધી 3 દિવસના સતાવાર કાર્યક્રમ અંતર્ગત દીવ આવી રહ્યા છે. 25 ડિસેમ્બરે રાષ્ટ્રપતિ રાજકોટ ખાતે સવારે આવશે અને રાજકોટ એરપોર્ટ પર ટૂંકા રોકાણ બાદ દીવ જવા રવાના થશે. રાજકોટ એરપોર્ટ પર તેમનું ભવ્ય સ્વાગત કરવામાં આવશે. સંભવીતપણે ગુજરાત રાજ્યના અધિક મુખ્ય સચિવ તેમજ રાજકોટ જિલ્લા વહીવટી તંત્રના ટોચના અધિકારીઓ ઉપસ્થિત રહેશે અને તેમનું સ્વાગત કરશે.
રિપોર્ટર:- પાયલ બાંભણિયા
ઉના
રાજય સરકાર દ્રારા ચાલતી ૧૮૧ અભયમ મહિલા હેલ્પલાઈન ખરા અથઁમા આજે મહિલા ઓ માટે આશીવાદ રુપ સાબિત થઈ રહી છે ત્યારે ગીર સાેમનાથ જીલ્લા ના કાેડીનાર તાલુકાના એક ગામની મહીલા એ ૧૮૧ મા કાેલ કરી મદદ માંગતા વેરાવળ૧૮૧ ટીમ તાત્કાલિક ઘટના સ્થળ પર પહાેચી..
સ્થળ પર મહીલા ને આશ્વાશન આપી તેમનુ કાઉન્સેલિંગ કરતા જાણવા મળ્યું હતું કે તેમના પતિ અને સાસુ - સસરા ઘરની નાની નાની બાબતે લઈ ને તેમના પતિ તેમને માનસિક ત્રાસ આપી વારંવાર હેરાન કરતા મારઝુટ કરતા . તે બંને પતિ -પત્ની અલગ રહેતા ત્યા તેમના સાસુ - સસરા વારંવાર ઘરે જઈ માનસિક ટ્રાેચર કરી અપશ્બદ બાેલતા .
અને તા :૨૦/૧૨/૨૦ ના રાેજ પન તેમના પતિ અને સાસૂ - સસરા તેમને ગાળાે બાેલી માનસિક ટ્રાેચર કરતા હાેય અને વારંવાર થતી હોરાનગતિ ના કારણે મહીલા ને
સુસાઈડ કરવાનાે વિચાર આવ્યાે.
તેથી તેમને ૧૮૧ ટીમની મદદ માંગતા વેરાવળ અભયમ ટીમ ઘટના સ્થળ પર પહાેચી મહીલા પતિ અને સાસુ - સસરા ને સમજાવ્યા કાયદાકીય સમજણ આપી
મહીલા ને વારંવાર સૂસાઈડ કરાવાનાે વિચાર આવતાે હાેય તેથી તેમને આત્મહત્યા વિચાર માથી મુકત કરી નવી જીદંગી યાેગ્ય માગઁદશઁન આપ્યુ મહીલા સમજુતી કરવા માંગતા હાેય તેથી ૧૮૧ વેરાવળ ટીમ દ્રારા બંને પક્ષ સાથે પરામર્શ કરી સમાધાન કરાવેલ તથા મહીલા ને મહીલા લક્ષી જરુરી માગઁદશઁન આપ્યુ
રિપોર્ટર:- પાયલ બાંભણિયા
ઉના
અખિલ ભારતીય કોળી સમાજ ની પ્રદેશની વરચ્યુલ કારોબારીની બેઠક મળી.
તારીખ : ૨૦ ડિસેમ્બર ૨૦૨૦ - સવારે ૧૧ કલાકે મહત્વપૂર્ણ વિષયો પર તમામ હોદેદારો સાથે ઓનલાઇન ગૂગલ મીટ દ્વારા અખિલ ભારતીય કોળી સમાજ ની પ્રદેશ કારોબારી યોજાય હતી. કોરાના માં અવસાન પામેલા લોકો ને બે મિનિટ મૌન રાખી તેમની આત્મા ને શાંતિ માટે પ્રાર્થના કરી હતી. અલગ અલગ મુદ્દા ની ચર્ચા કારોબારી કરવામાં આવી હતી તેમાં હોદ્દેદારોએ કોઈપણ બે થી ત્રણ જીલ્લાની પસંદગી કરવાની . જીલ્લાના અધ્યક્ષોએ એમની બનાવેલી જીલ્લાની સમીતી અને તાલુકાની સમીતીની માહિતી આપવાની . પ્રદેશના હોદ્દેદારશ્રીઓએ એમના પસંદ કરેલા જીલ્લામાં જીલ્લા અધ્યક્ષ સાથે સંકલન કરી સ્થાનીક સ્વરાજની ચૂંટણીમાટે સમાજના સારા ઉમેદવારોના નામ આપવાના . સમાજના સારા ડોક્ટરો , વકીલો , ખેડુતો , પત્રકારો , આઈ.ટી. વિભાગમાં કામકારતા લોકો , તથા ખેલ કુદમાં આગળ વધતાં લોકોને સમાજના અલગ અલગ વિભાગમાં સમાવેશ કારી સંગઠન બનવા માટે નામ આપવાના .ટૂંક સમયમાં સભ્યપદ અભીયાન શરૂ કરવામાં આવશે જે બદલ જીલ્લા કક્ષાથી લઈ તાલુકા કક્ષા સુધીની કામગીરી માટેની યોજના બનાવવાની .તેવી ચર્ચા ઓ થઈ હતી.આ કારોબારી માં પ્રદેશ પ્રમુખ ચંદ્રવદન પીઠા વાલા, પ્રદેશ મહામંત્રીઓ,મંત્રીઓ,જિલ્લા ના પ્રમુખો,પ્રદેશ ના કારોબારી સભ્યો હાજર રહી માર્ગદર્શન આપ્યું હતું.
રિપોર્ટર:- પાયલ બાંભણિયા
ઉના
ગૌશાળા-પાંજરાપોળોને લાભ લેવા અપીલ
RAJKOT :
છેવાડાના માનવી સુધી વિકાસના કાર્યોને પહોંચાડવા તે જ રાજ્ય સરકારનો ઉદેશ્ય
મંત્રીશ્રી કુંવરજીભાઈ બાવળીયા
રાજકોટ – પશુપાલન અને પાણી પુરવઠા મંત્રીશ્રી કુંવરજીભાઈ બાવળીયાના વરદ હસ્તે વિંછીયા અને જસદણ તાલુકામા કુલ રૂ ૧૦૬.૯૦ લાખના લાખના ખર્ચે વિવિધ પ્રજાલક્ષી વિકાસ કાર્યોના લોકાર્પણ તથા ખાતમુર્હુત કરવામાં આવ્યા હતા. જે અંતર્ગત વિંછીયા તાલુકાના ફુલઝર ગામે અંદાજિત રૂ. ૩૨ લાખના એપ્રોચ રોડનું ખાતમુર્હુત, એ.ટી.વી.ટી૨૦૧૮-૧૯ ના વર્ષની ગ્રાન્ટમાંથી રૂ. (પ) પાંચ લાખના ખર્ચે ઘન કચરાના નિકાલ માટેના ટેક્ટર તથા અંદાજિત રૂ. ૭૪.૦૪ લાખના ખર્ચે જસદણ નગર પાલિકાના જસદણ-વિંછીયા રોડના સી.સી અને આર.સી.સી રોડનું ખાતમૂર્હુત કરવામાં આવ્યું હતું.
આ પ્રસંગે મંત્રીશ્રી કુંવરજીભાઈ બાવળીયાએ જણાવ્યું હતું કે, છેવાડાના માનવી સુધી વિકાસના કાર્યોને પહોંચાડવા તે જ રાજ્ય સરકારનો ઉદેશ્ય છે. જે અંતર્ગત આ વિસ્તારના લોકોને પેટા આરોગ્ય્ કેન્દ્ર, પીવાના શુઘ્ઘ પાણીની સુવિધા માટે સંપ, આર.સી.સી અને પેવિંગ બ્લોક વાળા રસ્તા સહિતની સુવિધા ઉપ્લબ્ધ કરાવવામાં આવી છે. નજીકના ભવિષ્યમાં જ વડાપ્રધાનશ્રી મોદી અને મુખ્યમંત્રીશ્રીના નેતૃત્વ હેઠળ નલ સે જલ યોજના અંતર્ગત વર્ષ ૨૦૨૨ સુધીમાં લોકોના ઘરે પાઈપલાઈન મારફતે પીવાનું શુધ્ધ પાણી પહોંચાડવા સરકાર કટીબધ્ધ છે.
ખાતમૂર્હુત અને લોકાર્પણ પ્રસંગે ફુલઝર ગામના સરપંચશ્રી કાળુભાઈ ડેરવાડીયા, ઉપસરપંચ શ્રી ડાયાભાઈ ઝાપડીયા, વિંછીયા તાલુકા પંચાયતના પ્રમુખશ્રી રમેશભાઈ ડાભી, પ્રાંત અધિકારીશ્રી પ્રિયાંક ગલ્ચર, તાલુકા વિકાસ અધિકારીશ્રી વી.આર.રાબા, મામલતદારશ્રી આર.બી.ડાંગી સહિતના અગ્રણીશ્રીઓ સોશ્યલ ડીસસ્ટન્સીંગ જાળવીને ઉપસ્થિત રહ્યા હતા.
રાજ લક્કડ
ભારત સરકારના રાષ્ટ્રીય કામધેનુ આયોગ અને સરોજિની નાયડુ વનિતા મહાવિદ્યાલય કોલેજ, હૈદરાબાદ ના સહિયારા પ્રયાસથી હૈદરાબાદ ના જીયાગુડા ગૌ શાળા ખાતે સવારના ૫:૦૦ વાગ્યાથી બપોરના ૪:૦૦ વાગ્યા સુધી સરોજિની નાયડુ વનિતા મહાવિદ્યાલય કોલેજના ૧૦૦ સ્વયંસેવકો દ્વારા ૧,૦૦,૦૦૦૦ ગોબ્બેમલુ (ગોબર કેક) બનાવવા માં આવ્યા. આ કાર્યક્રમ લિમ્કા બુક ઓફ રેકોર્ડ્સ માટે પણ ક્વોલિફાય થયો છે અને તેઓ પરિણામ વિશે ટૂંક સમયમાં જાણ કરશે.
સમગ્ર ભારત માં ગોબ્બેમલુ(ગોબર કેક) કેવી રીતે બનાવી શકાય તે માટે ટ્રેનર ડૉ. સી. એચ. પદ્મા (એન.એસ.એસ.- કો.ઓર્ડીનેટર, હૈદરાબાદ) દ્વારા વેબીનાર ના માધ્યમથી શીખવાડવામાં આવ્યું હતું. સમગ્ર વેબીનારનું સંચાલન અમિતાભ ભટ્ટનાગર દ્વારા કરવામાં આવ્યું હતું. આ સમગ્ર કાર્યક્રમ નો મુખ્ય ઉદ્દેશ ગૌ આધારીત અર્થવ્યવસ્થા ને વેગ આપવા તેમજ પંચગવ્ય ઉત્પાદનોને પ્રોત્સાહન આપવાનું હતું. ગૌમાતાના ગોબર અને ગૌમૂત્ર માંથી જીવલેણ બીમારી ઓની દવાઓ અને રાસાયણિક ઉત્પાદનો બનાવી શકાય છે. અને ખેડૂતોની આવકમાં વધારો કરીને સૌને આત્મનિર્ભર બનાવી શકાય છે.સમગ્ર આયોજન અંગે રાષ્ટ્રીય કામધેનુ આયોગના અધ્યક્ષ ડૉ. વલ્લભભાઈ કથીરિયાનું માર્ગદર્શન મળ્યું હતું.
રોગાણાં શારદી માતા એટલે કે જેને યમની દાઢા પણ કહેવામાં આવે છે તે શરદ ઋતુમાં આરોગ્યની શું કાળજી રાખશો ?
ભગવાન મહાવીરના શાસનનાં ૨,૬૦૦ વર્ષમાં પહેલી વખત ચાર-ચાર વાર ૧૮૦ ઉપવાસની તપશ્ચર્યા કરનારા આચાર્યશ્રી વિજય હંસરત્નસૂરીશ્વરજી મહારાજાએ ગચ્છાધિપતિ પ્રશાંતમૂર્તિ આચાર્યશ્રી વિજય રાજેન્દ્રસૂરીશ્વરજી મહારાજા પાસે આયંબિલનું પચ્ચક્ખાણ લઈને પારણું કર્યું હતું. આચાર્ય ભગવંતના ૧૮૦ ઉપવાસ નિમિત્તે ૪૭ ઉપવાસની તપશ્ચર્યા કરનારાં જુલીબેનનું પારણું પણ કરાવવામાં આવ્યું હતું. પારણાંનો મુખ્ય લાભાર્થી માતુશ્રી લીલાવતી બહેન હસમુખભાઈ શાહ પરિવાર હતો.
(KASHYAP JOSHI - RAJKOT)
રાજકોટના હદયસમા બી.એ.પી.એસ. સ્વામિનારાયણ મંદિરના ૨૨મા પાટોત્સવની ઓનલાઈન ઉજવણી સંપન્ન થઈ.
પરમ પૂજ્ય પ્રમુખસ્વામી મહારાજ એક એવા યુગપુરુષ જેમણે હિંદુ સંસ્કૃતિના ઈતિહાસમાં અકલ્પનીય એવા ૧૨૦૦થી વધુ મંદિરોનું નિર્માણ કરી સંસ્કૃતિની ધર્મધજાને સમગ્ર વિશ્વમાં લહેરાવી. પ્રમુખસ્વામી મહારાજ એક એવા ગુણાતીત પુરુષ જેમણે ૧૦૦૦થી પણ વધુ સુચરિત અને સુશિક્ષિત સંતોને દીક્ષિત કરી સનાતન સંત પરંપરાને નવજીવન બક્ષ્યું. પ્રમુખસ્વામી મહારાજ એક એવા કરુણામાય સંત જેમણે ૨,૫૦,૦૦૦થી પણ વધુ ઘરોમાં વિચરી અને ૭,૦૦,૦૦૦થી વધુ પત્રોના જવાબ આપી એક સાચા સ્વજનની ખોટ પૂરી પાડી. જેમણે પોતાના ૯૫ વર્ષના જીવનની કણે-કણ અને ક્ષણે-ક્ષણ બીજાના ભલા માટે વિતાવી માનવ ઉત્થાન અને જન-કલ્યાણ માટે સેવાના અનેક પ્રકલ્પો ચલાવ્યાં એવા વિશ્વવંદનીય સંતવિભૂતિ પરમ પૂજ્ય પ્રમુખસ્વામી મહારાજનો ૯૯મો જન્મજયંતી મહોત્સવ મંગળવાર, ૨૨ ડિસેમ્બરના રોજ એટલે કે માગશર સુદ આઠમના દીને આ વર્ષે કોરોના મહામારીને કારણે એક વિશિષ્ટ વર્ચ્યુઅલ અનુભૂતિ દ્વારા ઓનલાઈન ઉજવાશે જેને સમગ્ર વિશ્વમાં રહેલ સૌ કોઈ ભક્તો-ભાવિકો વિવિધ માધ્યમો દ્વારા નિહાળશે.
ભારતીય સમય મુજબ રાત્રે ૭:૩૦ થી ૧૦:૩૦ વાગ્યા સુધી આ સભાનું પ્રસારણ આસ્થા ટી.વી. ચેનલ પર હિન્દીમાં, GTPL કથા ચેનલ નંબર ૫૫૫ પર હિન્દીમાં તથા live.baps.org પર હિન્દી તથા અંગ્રેજીમાં થશે. જેમાં સૌને પરમ પૂજ્ય મહંત સ્વામી મહારાજનાં વિશિષ્ટ દર્શન-આશીર્વાદનો, મંત્ર પુષ્પાંજલિથી ગુરુહરિને વધાવવાનો તેમજ સમૂહ આરતીનો લાભ પ્રાપ્ત થશે. મંગળવાર, ૨૨ ડિસેમ્બરના રોજ પ્રમુખસ્વામી મહારાજ ૯૯મા જન્મજયંતી મહોત્સવ ઉપક્રમે સવારે ૮ વાગ્યે live.baps.org પર મહંતસ્વામી મહારાજના પ્રાતઃપૂજા દર્શનનો લાભ પ્રાપ્ત થશે.
સૌરાષ્ટ્રના પાટનગર સમા રાજકોટ શહેરને ૨૨ વર્ષ પૂર્વે ઈ.સ.૧૯૯૮માં પરમ પૂજ્ય પ્રમુખસ્વામી મહારાજે શહેરની શાન એવા ભવ્ય અને દિવ્ય મંદિરની ભેટ આપી હતી. જે મંદિર, સંતોષ–સમજણ–સંપના સેતુ રચાવે છે. માનવમાત્રના પ્રેરક, પોષક અને સંવર્ધક એવા રાજકોટના નજરાણા સમા બી.એ.પી.એસ. સ્વામિનારાયણ મંદિરને ૨૨ વર્ષ પૂર્ણ થઈ રહ્યાં છે એ નિમિત્તે કાલાવડ રોડ સ્થિત બી.એ.પી.એસ. સ્વામિનારાયણ મંદિર ખાતે આ વર્ષે પાટોત્સવ વિધિની મહાપૂજા અને દર્શનની ઓનલાઈન વ્યવસ્થા કરવામાં આવેલી.
પ્રાત:કાળે રાજકોટ મંદિરના કોઠારી પૂજ્ય બ્રહ્મતીર્થ સ્વામીએ ઠાકોરજીની મહાપૂજાવિધી સંપન્ન કરી હતી જેમાં ભક્તો પણ ઘેર બેઠા ઓનલાઈન જોડાયા હતા. આ અવસરે મંદિરે ભગવાનને વિશેષ પૂજન, અભિષેક અર્પણ કરી નૂતન આભૂષણો અને અલંકારયુકત વાઘા પહેરાવી ભગવાનને અન્નકૂટ ધરવામાં આવ્યો હતો. અંતમાં સમગ્ર વિશ્વમાં પ્રસરેલ કોરોના વાઇરસ વહેલી તકે નાબુદ થાય અને સર્વે ભક્તો-ભાવિકોનું સ્વાસ્થ્ય સારું રહે એ માટે ખાસ સ્વામિનારાયણ મહામંત્રની ધૂન કરવામાં આવેલી.
આજના દિને પાટોત્સવની સાથે શ્રીનીલકંઠવર્ણી મહારાજની પુન:પ્રતિષ્ઠા વિધિ અને ‘શ્રી નીલકંઠવર્ણી નુતન અભિષેક મંડપમ્’નું ઉદ્ઘાટન પ.પૂ.મહંતસ્વામી મહારાજના વરદ હસ્તે થયું હતું તેને ૨ વર્ષ પૂર્ણ થઈ રહ્યા છે ત્યારે સંતોએ શ્રીનીલકંઠવર્ણી મહારાજને પંચામૃત જળથી અભિષેકવિધી કરી આરતી ઉતારી હતી. ભક્તો ભાવિકો સાંજે ૩:૪૫ થી ૫:૪૫ દરમ્યાન મંદિર ખાતે ઠાકોરજીના દર્શન કરી શકશે.
વિદેશી દારૂની ૧૦૮ બોટલ(કિ.રૂા.૪૩,૨૦૦/) નો મુદામાલ પકડી પાડતી રાજકોટ શહેર ક્રાઇમ બ્રાન્ચ
(કશ્યપ જોશી દ્વારા)
રાજકોટ શહેર પોલીસ કમિશ્નર શ્રી મનોજ અગ્રવાલ સાહેબ તથા સયુંકત પોલીસ કમિશ્નર શ્રી ખુરશીદ અહેમદ સાહેબ તથા નાયબ પોલીસ કમિશ્નર શ્રી પ્રવિણકુમાર સાહેબ ઝોન-૧ તથા નાયબ પોલીસ કમિશ્નર શ્રી મનોહરસિંહ જાડેજા સાહેબ ઝોન-૨ તથા મદદનીશ પોલીસ કમિશ્નર કાઇમ શ્રી ડી.વી.બસીયા સાહેબ નાઓએ રાજકોટ શહેરમાં દારૂ-જુગારની પ્રવૃતી સદંતર નાબુદ થાય તે માટે અસરકારક કામગીરી કરવા સુચના કરેલ હોય છે.
તેઓ સાહેબની સુચના અન્વયે અમો પો. ઇન્સ, વી.કે.ગઢવી ના સીધા માર્ગદર્શન હેઠળ ડી.સી.બી. પો.સ્ટે. ના પોલીસ સ્ટાફના પેટ્રોલીંગમાં હતા જે દરમ્યાન એ,એસ,આઈ, બળભદ્રસિંહ જે. જાડેજા, પો. હેડ કોન્સ. મહીપાલસિંહ ડી. ઝાલા, પો. કોન્સ. ચેતનસિંહ આર. ગોહિલ નાઓને મળેલ સયુંકત હકિકત આધારે લાખાજીરાજ ઉધોગનગર શેરી નં.૫ આરોપીના કજા હવાલા વાળી ઓરડીમાંથી.
આરોપી હાજર મળી નહીં આવેલ
વિશાલ મુકેશભાઇ ડાભી રહે. લાખાજીરાજ ઉધોગનગર શેરી નં-૫ રાજકોટ
કબજે કરેલ મુદામાલ
ઇંગ્લીશ દારૂની મેકડોવેલ્સ નં-૧ સુપીરીયર વ્હીસ્કી ઓરીજનલ ૭૫૦ એમ.એલ. ની બોટલ નંગ- ૧૦૮ કિ.રૂા.૪૩,૨૦૦/- નો મુદામાલ કબજે કરવામા આવેલ છે.
આ બાબતે કાયદેસરની કાર્યવાહી કરી આગળની વધુ તપાસ પો.હેડ.કોન્સ. મહીપાલસિંહ ડી.ઝાલા ચલાવી રહેલ છે.
સૌરાષ્ટ્રનું પર્યટન સ્થળ દીવ છે. દીવમાં જોવાલાયક સ્થળો છે. દીવના આ પર્યટન સ્થળનો પ્રશાસક પ્રફુલ પટેલે અભ્યાસ કર્યા બાદ દરેક પર્યટન સ્થળ ને નવો ઓપ અપાઈ રહ્યો છે. ઘોઘલા બીચ ઉપર દરેક સુવિધા ઉપલબ્ધ કરાયા બાદ આ બીચને blue બ્લ્યુ ફ્લેગ બીચનું સર્ટીફીકેટ અપાયું છે. દીવના કિલ્લાને આદર્શ સ્મારકમાં સમાવેશ બાદ વિવિધ સુવિધાઓ ઉપલબ્ધ કરાવી હજુ આ પ્રોજેક્ટ કાર્યરત છે.
ખોખરી મેમોરિયલ સ્થળ ઉપર પણ પ્રોજેકટ કાર્યરત છે જે પૂર્ણ થયા બાદ દીવની રોનકમાં વધારો થશે. નાગવા બ્યુટીફીકેશન પ્રોજેક્ટ કાર્યરત છે. આ ઉપરાંત સર્કિટ હાઉસ બર્ડ સેન્ચ્યુરીયન વિગેરે પ્રોજેક્ટને આખરી ઓપ અપાઈ રહ્યો છે. છેલ્લા ચાર વર્ષમાં પ્રશાસક પ્રફુલ પટેલના અથાગ પ્રયાસો સ્વરૂપે દીવના વિકાસના કામોમાં ચાર ચાંદ લાગ્યા છે.દીવને હજુ વધુ ને વધુ નિખારવા પ્રફુલ પટેલના પ્રયાસો સતત ચાલુ જ છે.
વર્લ્ડ ટેલેન્ટ ઓર્ગેનાઈઝેશન દ્વારા
રાજકોટના જાણીતા લોકસાહિત્યકાર સાંઈરામ દવેનું સન્માન કરાશે
..................
રાજકોટ – વર્લ્ડ ટેલેન્ટ ઓર્ગેનાઈઝેશન દ્વારા રાજકોટમાં વર્લ્ડ અમેઝીંગ ટેલેન્ટ કેટેગરી હેઠળ જાણિતા લોકસાહિત્યકાર સાંઈરામ દવેનું સન્માન તા. ૨૦/૧૨/૨૦૨૦ ને રવિવારે સવારે ૧૧-૦૦ કલાકે નચિકેતા સ્કુલીંગ સિસ્ટમ, અંબિકા ટાઉનશીપ, જીવરાજ પાર્ક રાજકોટ ખાતે કરાશે. જેમાં મુખ્ય મહેમાન તરીકે રાજકોટ જિલ્લાના અધિક નિવાસી કલેક્ટર શ્રી પરિમલ પંડ્યા તથા અતિથિ વિશેષ તરીકે નાયબ
કરૂણા ફાઉન્ડેશન-એનીમલ હેલ્પલાઈન દ્રારા "માંસાહાર સર્વ નાશાહાર' વિષય પર વેબીનાર યોજાશે.જેમાં રાજભા ગઢવી (લોકસાહિત્યકાર) પોતાનું માર્ગદર્શન આપશે. આ વેબીનારનું સંચાલન મિતલ ખેતાણી દ્વારા કરવામાં આવશે. આ વેબીનાર તા. ૧૯, ડીસેમ્બર, શનીવાર બપોરે ૧૨-૦૦ ફેસબુક પેઈઝ https://www.facebook.com/
સુરત શહેરમાં છેલ્લા 10 વર્ષથી લાઈફ લાઈન ચેરીટેબલ ટ્રસ્ટ દ્વારા વરાછામાં અનેકવિધ સેવા કરવામાં આવે છે. સમયાંતરે વ્યસન મુક્તિ અભિયાન, બાળ હિંસા નાબુદી, વડીલ યાત્રા વિગેરે સેવા કરવામાં આવે છે.
તાજેતરમાં આ સંસ્થા દ્વારા ગુજરાતમા રહેતા અને જરૂરિયાતમંદ પરિવારોની વહારે આવીને 5 હજાર દીકરીનો દત્તક લેવાની યોજના શરુ કરી છે. જે અંતર્ગત દીકરીઓની સગાઇ અને લગ્ન સંસ્થા દ્વારા કરી દેવાશે. જે લોકોને દીકરીનો સંબંધ કરવાનો બાકી હોય તેમજ બીજીવારના સંબંધમા માં પણ 18 થી 50 વર્ષના વિધવા દીકરીઓને સંસ્થા યોગ્ય મુરતિયો શોધી આપવામાં મદદ કરશે.
સંસ્થા કાર્યવાહકો કહે છે કે આ દીકરી દત્તક યોજનામાં કોઈ પણ જ્ઞાતિના લોકો જોડાઈ શકશે. વધુ માહિતી માટે ધ્રુવ રમેશભાઈ દીક્ષિત મોં.99784 50500, 94263 30531 ઉપર સંપર્ક સાધવા અનુરોધ કરાયો છે.
લાઈફ લાઈન ચેરીટેબલ દ્વારા આવી દીકરી દત્તક યોજના શરુ કરાતા જાણકારોમાં સંસ્થાના સેવાભાવીઓની સરાહના થઇ રહી છે.
રોડનો ઉપયોગ કરતા 8 ગામના લોકો ત્રાહિમામ : રોડ ટેક્સ ભરતા હોવા છતાં રોડની બિસમાર હાલતથી સૌ પરેશાન
(સંજય ડાંગર દ્વારા) ધ્રોલ, તા.18
ધ્રોલ તાલુકાના ખારવાથી માનસર સુધીના અત્યંત બિસમાર બનેલા રોડથી વાહનચાલકો ત્રાસી ગયા છે. આ બાબતે અવારનવાર રજૂઆતો પછી પણ જાડી ચામડીના સંબંધિત તંત્રના પેટનું પાણી હલતું ના હોવાથી વાહનચાલકોમાં રોષ ફાટી નીકળ્યો છે.
મળતી વિગતો મુજબ ધ્રોલ તાલુકાના ખારવાથી માનસર ગામ સુધીનો રોડ ભારે બિસમાર બન્યો છે. આ રોડ પરના ખાડા ખબડા તારવવા દરમિયાન અકસ્માતોની વણઝાર સર્જાઈ છે. આવા બધું લાગતા વળગતા જાણતા હોવા છતાં રોડને રીપેર કરાવવા કોઈ જાગતા ના હોવાથી રાહદારીઓ અને વાહન ચાલકો ત્રાસી ગયા છે.
જાણકારો કહે છે કે હમાપર, માનસર, જાળિયા, દેવાઈ, ખીજડીયા, સહિત મોટાભાગના ગામનો વાહન વ્યવહાર આ રોડનો ઉપયોગ કરે છે. રોજ સુરજ ઉગેને આથમે ત્યાં સુધી હજારો વાહનો આ રોડ પરથી પસાર થાય છે. આ રોડનો ઉપયોગ કરનાર વાહન ચાલકો ભારે યાતના ભોગવી રહ્યાં છે. કારણ કે ખખડધજ રોડને કારણે વાહનો ધીમી ગતિએ ચલાવવા પડતા હોવાથી સરવાળે સમય અને પેટ્રોલ -ડીઝલની ખુવારી વાહન ચાલકોને ભોગવવી પડે છે.
ખરવાથી માનસર સુધીના આ 15 કિમિ રોડને રીપેર કરવા અગાઉ અનેક વખત રજૂઆતો થઇ છે. લાગતા વળગતા સત્તાધીશોએ રોડ રીપેર કરવાની અનેક વખત ખાતરી પણ આપી હોવાનું કહેવાય છે પણ વાહન ચાલકો કહે છે કે તંત્રની આવી ખાતરી કોણીએ ગોળ ચોપડવા જેવી અને ચોકલેટી સાબિત થઇ હોવાથી આ રોડ આજ દિન સુધી રીપેર કરાયો નથી. પરિણામે અંતે વાહનચાલકોને ભોગવવી પડે છે ભારે હાલાકી.
સૌથી દુઃખની વાત એ છે કે આ વિસ્તારના ધારાસભ્ય અને સાંસદ સમયાંતરે ઘણી વાર પસાર થાય છે. તેઓ પણ ખારવાથી માનસર રોડની આવી બિસમાર હાલત સુપર જાણે છે છે છતાં તેઓ એ પણ કોઈ દિવસ આ રોડ રીપેર કરાવવા અંગત રસ દાખવ્યો ના હોવાના પ્રજામાં આક્ષેપો થઇ રહ્યા છે. ત્યારે સમય જ બતાવશે કે આ રોડ રીપેર કરવા લાગતા વળગતા સત્તાધીશો જાગશે કે પછી રાબેતા મુજબ મૂક, બધિર અને સૂરદાસની ભૂમિકા ભજવતા રહેશે ? રામજાને !!
વણાકબારાની સેલ્ફ હેલ્પ ગ્રુપની બહેનો માટે આત્મનિર્ભરતાને ધ્યાનમાં રાખી હસ્તકલા તાલીમનું થયું આયોજન
આ તાલીમ વણાકબારાની સેલ્ફ હેલ્પ ગ્રુપની બહેનો માટે આયોજન કરેલ છે. આ તાલીમ વણાકબારા પંચાયત હોલમાં કરવામાં આવેલ છે. તાલીમના ટ્રેનર મહાશક્તિ મહિલા મંડળ ગ્રુપના પ્રમુખ જોશનાબેન વીરેન્દ્રભાઈ છે. આ તાલીમનો હેતુ સેલ્ફ હેલ્પ ગ્રુપની બહેનો આત્મનિર્ભર કેવી રીતે બની શકે તે મુદ્દા ને ધ્યાન રાખી તાલીમનું આયોજન કરેલ છે. આ તાલીમમાં હસ્તકલાને પ્રાધાન્ય આપવામાં આવ્યું છે.
જેમાં ઉન માંથી સ્વેટર બનાવાવવું, મોજા , ટોપી, ઓઢવાની શાલ, ફૂલ, રૂમાલ, કાચની બોટલની ફરતેનું કવર, તોરણ, વગેરે ઉનમાંથી અલગ અલગ ચીજ રીતે બનાવવી જેની ક્રમબદ્ધ માહિતી સાથે તાલીમ આપી સમજાવવામાં આવશે. આ તાલીમ જિલ્લા બાળ સુરક્ષા એકમ દીવ, અને વણાકબારા ગ્રામ પંચાયતના સયુક્ત પ્રયાસો થકી તાલીમનું આયોજન કરવામાં આવેલ છે.
......
દીવ, તા.17
આરોગ્ય વિભાગ દીવ અને વિશ્વ આરોગ્ય સંસ્થાના સયુંકત આયોજનમા સી. એચ. સી. ઘોઘલા ખાતે આગામી પોલિયો રાઉન્ડ અને કોરોના રસીકરણ અંગે એક કાર્યશાળાનું આયોજન કરવામાં આવ્યું હતું.
ઉના, તા.17
ઉના શહેરમાં રોકડીયા હનુમાનજી મંદીર સામે આવેલા આનંદગઢ સ્વામિનારાયણ ગુરૂકુળમાં સંકુલમાં ગઈકાલથી ધનુર માસનો પ્રારંભ થયો હતો. પરમ પૂજ્ય સદગુરુ ધર્મ વલ્લભદાસજી સ્વામીની પ્રેરણાથી તથા પરમ પુજ્ય ગુરૂવર્ય મહંત દેવકૃષ્ણદાસજી સ્વામીના આશીર્વાદથી, આનંદ ગઢ ગુરુકુળ સ્વામી હરિવદન સ્વામી અને સાધુ-સંતો તેમજ યજમાનો દ્વારા વિશ્વ શાંતિ તથા પ્રાણી માત્રનું કલ્યાણ થાય અને મહામારી નાબૂદ થાય તે માટે શ્રી પુરુષોત્તમ પ્રકાશ યજ્ઞનો પ્રારંભ કરાયો હતો. આ યજ્ઞ આખો મહિનો એટલે કે ૧૪મી જાન્યુઆરી 2021 સુધી ચાલશે. તમામ હરિભક્તો તેમજ સેવકોએ યજ્ઞનો લાભ લેવા જણાવાયું છે
રાજકોટ, તા.17
શ્રી પુનિત સદગુરુ ભજન મંડળ દ્વારા પૂજ્ય રણછોડદાસબાપુ તથા શ્રી રામકૃષ્ણ આશ્રમ ખાતે નિયમિત જપ ધ્યાનમાં બેસી પક્ષઘાતની તકલીફમાંથી મુક્ત મેળવનાર સ્વર્ગસ્થ જમનાદાસ ભાઈ અમરસિંહભાઈ નથવાણી(અમરસિંહ પેંડાવાળા) ને સંત પુનિતના ભજનો દ્વારા શ્રદ્ધાંજલિ અપાઈ હતી. જેમાં સભ્યો તથા ભાવિકો સર્વે પૂર્વીબેન જયશ્રીબેન તથા જયેશભાઈ નથવાણી, બાબુભાઈ પેંડાવાળા, ગુણવંતભાઈ ઠક્કર(અમદાવાદ), મહેન્દ્ર ભાઈ માંડલિયા, વિજયભાઈ રાચ્છ, હીનાબેન જોબનપુત્રા, ગીતાબેન રાઠોડ, ભારતીબેન દવે, અમુભાઈ ગોરાણીયા તથા એડવોકેટ જીતુભાઈ દવે અને શશીબેને ઓનલાઈન યોગદાન આપ્યું હતું. અંતમાં અત્યારે સમગ્ર વિશ્વને કોરોના મહામારી થી પિડાઈ રહેલ છે તેમાંથી ઝડપભેર મુક્ત થાય અને સમગ્ર વૈશ્વિક જનસમુદાયને સારું સ્વાસ્થ્ય પ્રદાન થાય તેવી પરમ કૃપાળુ પરમાત્માને પ્રાર્થના કરવામાં આવી હતી તેવું શ્રી પુનિત સદગુરુ ભજન મંડળના પ્રમુખ જયેશભાઈ નથવાણીએ જણાવ્યું હતું.
ભૂમાફિયાની ગુનાહિત પ્રવૃત્તિઓ ડામી દેવા સંકલ્પબદ્ધ છે મુખ્યમંત્રી વિજયભાઈ રૂપાણી, એકપણ માણસની એક ઈંચ જમીન કોઈપણ ગેરકાયદેસર હડપ નહીં કરી શકે
ભૂમાફિયાઓને અંકુશમાં લઈ ખેડૂતો અને કાયદેસરના જમીન માલિકોના હિતોનું રક્ષણ કરવાની મુખ્યમંત્રી વિજયભાઈ રૂપાણીની નેમ
અગાઉ ગુજરાતને ગુંડામુક્ત બનાવતા કાયદા બાદ હવે ગુજરાતને ભૂમાફિયામુક્ત બનાવાશે
ગુજરાત મ્યુનિસિપલ ફાઈનાન્સ બોર્ડ ના ચેરમેન ધનસુખ ભંડેરી અને પ્રદેશ ભાજપ અગ્રણી નીતિન ભારદ્વાજ ની એક સંયુકત અખબારી યાદીમાં જણાવેલ છે કે મુખ્યમંત્રી વિજયભાઈ રૂપાણીએ આજથી ગુજરાતમાં લેન્ડ ગ્રેનિંગ પ્રોહિબીશન એક્ટની અમલવારીની જાહેરાત કરી છે આ એક્ટને ઐતિહાસિક અને કાંતિકારી ગણાવતા ગુજરાત ભાજપ પ્રદેશ અગ્રણી નીતિનભાઈ ભારદ્વાજ અને ગુજરાત મ્યુનિસિપલ ફાઈનાન્સ બોર્ડના ચેરમેન ધનસુખભાઈ. ભંડેરીએ જણાવ્યું હતું કે, સંવેદનશીલ મુખ્યમંત્રીની ઓળખ ધરાવતા વિજયભાઈ રૂપાણી જેટલા સંવેદનશીલ છે એટલા સખ્ત પણ છે. સામાન્ય માણસો માટે તેમની સંવેદનશીલતા હરહંમેશ પ્રદર્શિત થતી રહે છે તો ભૂમાફિયાઓ, ગુનેગારો અને ગુંડાઓ વિરુદ્ધ તેમની સખ્તાઈ પણ જોવા મળે છે. મુખ્યમંત્રી વિજયભાઈ રૂપાણીએ ગુજરાતમાં સરકારી, સ્થાનિક સ્વરાજ્યની સંસ્થાઓની કે. જાહેર ટ્રસ્ટ-ધર્મસ્થાન કો, ખેડૂતો કે ખાનગી વ્યક્તિની માલિકીની જમીન પર ગેરકાયદે કબજો જમાવનારા ભૂમાફિયા તત્વો સામે કડક કાઈથી પેશ આવવાનો જે સખ્ત એક્ટ - કડક કાયદો આજથી અમલમાં મૂક્યો છે તેનાથી સામાન્ય નાગરિક - આમ જનતાને ઘણો ફાયદો થશે. ગુજરાતમાંથી ગુનાખોરી નાબૂદ થશે. ભૂમાફિયાઓને અંકુશમાં લઈ ખેડૂતો અને કાયદેસરના જમીન માલિકોના હિતોનું રક્ષણ કરવાની મુખ્યમંત્રી વિજયભાઈ રૂપાણીની નેમ છે, એમ તેમણે કહ્યું હતું,
આ એક્ટ મુજબ હવે જમીન હડપ કરવાના કેસોની ઝડપી સુનાવણી અને ભૂમાફિયાઓને કડ ક સજા માટે સ્પેશ્યલ કોર્ટ નિર્માણ થશે. દરેક સ્પેશ્યલ કોર્ટમાં એક સરકારી વકીલની નિમણૂંક કરાશે. ૬ મહિનામાં વિશેષ કોર્ટમાં આવા કેસનો નિકાલ સુનિશ્ચિત કરાશે. વિશેષ અદાલતને દિવાની અને ફોજદારી બૅય પ્રકારની અદાલતી કાર્યવાહી હાથ ધરવાની સત્તાઓ અપાશે. સામાન્ય માનવીને ઝડપી યોગ્ય ન્યાય અને કસૂરવાર ભૂમાફિયાને કડક સજા મળશે. આમ, ગુજરાતમાં લેન્ડ ગ્રેનિંગ પ્રોહિબીશન એક્ટથી ગુજરાતમાં રહેલા ભૂમાફિયાઓ ભયભીત બની ગયા છે અને ગુજરાતમાં રહેલા પ્રજા જનો ભયમુક્ત બન્યા છે.
ભૂમાફિયાઓને ભો ભેગી કરતા ગુજરાતમાં લેન્ડ ગ્રેબિંગ પ્રોહિબીશન એક્ટ અંગે ભારદ્વાજ ભંડેરીએ વધુમાં જણાવ્યું હતું કે, વૈશ્વિક વિકાસની હરણફાળ ભરી રહેલા દેશના અગ્રેસર રાજ્ય તરીકે ગુજરાત દેશ-દુનિયાના રોકાણકારી, ઊદ્યોગો, વેપાર-રોજગાર માટે બેસ્ટ ચોઈસ ફોર ઈન્વેસ્ટમેન્ટ અને લેન્ડ ઓફ ઓપોર્ચ્યુનિટી બન્યું છે.
વધુમાં ભંડેરી-ભારદ્વાજે કહ્યું હતું કે, છેલ્લા બે દાયકામાં ગુજરાતના સવાંગી વિકાસને કારણે શથમાં આર્થિક, સામાજીક અને વ્યાપારી અને ખેતીવાડીની પ્રવૃત્તિઓમાં નોંધપાત્ર વધારો થયો છે. સાથોસાથ આ બધી પ્રવૃત્તિઓના વેગને કારણે જરૂરી તેવું માળખું ઉભુ કરવા જમીનની માંગમાં પણ ઉત્તરોત્તર નોંધપાત્ર વધારો થઈ રહ્યો છે, ખાસ કરીને રાજ્યના મહાનગરપાલિકા વિસ્તારો અને ઔદ્યોગિક વિસ્તારોમાં તથા રહેણાંકના હેતુ માટે જમીનની
માંગમાં સતત વધારો થઈ રહ્યો છે. તેથી જમીનના બજાર મૂલ્યમાં વધારો થઈ રહ્યો છે. જમીનની લે-વેચ સાથે ટૂંકળાયેલા કેટલાક તત્વો તેમજ વ્યક્તિગત રીતે તેમાં હિત ધરાવતા તત્વો દ્વારા પરિસ્થિતિનો લાભ લઈ અને રાતો રાત આર્થિક ઉપાર્જન કરી લેવાના બદઈરાદા સાથે ગેરકાયદેસર પ્રવૃત્તિ હાથ ધરી રાજ્ય સરકારની માલિકીની કે સ્થાનિક સત્તા મંડળની માલિકીની જમીનો બળજબરીથી, ગુનાહિત ધાક-ધમકીથી કે છેતરપીંડીથી બનાવટી દસ્તાવેજો ઉભા કરી પ્રત્યક્ષ કબજો કે માલિકી હક ન હોય છતા ગેરકાયદેસર કબજો જમાવી અને કેટલાક કિસ્સામાં વહીવટી તંત્ર સાથે મેળાપર્ણ કરી આવી જમીન પચાવી પાડી અન્યોના નામે તબદીલ કરાવી, વેચાણ કરાવી તેમજ ભાડે આપવાની ગેરકાયદેસર પ્રવૃત્તિ સાથે સંકળાયેલા છે. ગુજરાતમાં લેન્ડ ગ્રેનિંગ પ્રોહિબીશન એક્ટ આવા ભૂમાફિયાઓથી દરેક માણસને રક્ષણ આપશે. હવેથી એકપણ માણસની એક ઈંચ કોઈપણ ગેરકાયદેસર હડપ નહીં કરી શકે.
રાજ્યમાં અગાઉ ગુનાખોરી નાબૂદ કરવા ગુંડાવિરોધી કાયદો ગુજસીકોકના અમલ દ્વારા ગુજરાતને ગુંડા મુક્ત બનાવ્યા બાદ આ નવા કાયદા હેઠળ ગુજરાતને ભૂમાફિયામુક્ત બનાવવામાં આવશે. રૂપાણી સરકારને ધરતીપુત્રોની તેમજ ધાર્મિક સંસ્થાઓની જમીન પચાવી પાડી તેના પર બાંધકામ કરી વેચી દેવા સુધીની ગેરકાયદે પ્રવૃત્તિઓ સુધીની ફરીયાદો વખતો વખત મળેલ છે. વ્યક્તિગત કિસ્સાઓમાં પણ રાજ્યમાં અનેક લોકો આવા તત્વોનો શિકાર બન્યાનું ધ્યાન પર આવેલ છે. આ કારણે કેટલીકવાર રાજ્ય સરકાર માટે કાયદો અને વ્યવસ્થા સંભંધી પ્રશ્નો પણ ઉભા થતા હોય છે. તે સંજોગોમાં કોઈપણ સ્વરૂપમાં જમીન પચાવી પાડવા પર આ કાયદાથી પ્રતિબંધ મુકાયો છે. અને આવી પ્રવૃત્તિને ગેરકાયદે જાહેર કરેલ છે. રૂપાણી સરકારની આ કામગીરી ખૂબ જ નોંધનીય અને પ્રશંસનીય છે, તેમ ભંડેરી- ભરદ્વાજે જણાવ્યું
ગુજરાતમાં આ એક્ટના અમલને પરિણામે ખેડૂતો, સામાન્ય માનવી કે ખાનગી માલિકી, જાહેર સંસ્થાની, સરકારી, સ્થાનિક સ્વરાજ્યની સંસ્થાની જમીનો પર ગેર કાયદેસરનો અથવા ડરાવી, ધમકાવીને કબજો જમાવી દેનારા તત્વો-ભૂમાફિયાઓ સામે આકરી સજા અને શિક્ષાત્મક પગલાં લેવાનો માર્ગ મોકળો થશે. કાયદો અમલમાં આવતા જમીન પચાવી પાડી તેમાં વેચાણ કરી દેવાનો કે આવી પ્રવૃત્તિને ઉત્તેજન આપવાનારા આ કાયદાના સકંજામાં આવવાથી જન સમાજ જમીન માલિકીના હકો ચિંતામુક્ત થઈ ભૌગવી શકશેવધુમાં ખેડૂતો, ધાર્મિક, સામાજીક પ્રવૃતિ સાથે સંકળાયેલ જાહેર ટ્રસ્ટો, સંસ્થાઓ વગેરેને આ કાયદાનું પીઠબળ મળતા તેમના વહીવટમાં સરળતા રહેશે. કડકમાં કડક્ર કાયદાઓના નિર્માણ અને અમલ દ્વારા રૂપાણી સરકાર જમીન પચાવી પાડવાની ભૂમાફિયાની પ્રવૃત્તિઓ ડામી દેવા સંકલ્પબદ્ધ છે ઍવું અંતમાં નીતિનભાઈ ભારદ્વાજ અને ધનસુખભાઈ ભંડેરીએ જણાવ્યું હતું.
